Dünya liderləri BMT-də Trampın çıxışına güldülər — VİDEO

Dünya liderləri BMT-də Trampın çıxışına güldülər
13:40
26.09.2018
1539
Dünya
A
ABŞ prezidenti Donald Tramp BMT Baş Assambleyasında çıxış edib.

“Ölkə.Az” xəbər verir ki, Nyu-Yorkda keçirilən iclasda Trampın çıxışı maraqlı görüntülərə səbəb olub.

Tramp kürsüdən çıxışında “Mənim rəhbərliyim altında ABŞ tarixində ən çox inkişafa sahib olub” ifadəsini işlədib. Bunu eşidən dünya liderləri hündürdən gülməyə başlayıblar.

Tramp isə çaşqınlığa düşərək “Bu reaksiyanızı gözləmirdim” deyib. ABŞ prezidenti çıxışına davam edə bilmək üçün qəhqələrin başa çatmasını gözləyib.
ABŞ lideri çıxışına belə davam edib:

“ABŞ iqtisadiyyatı inkişaf edir. Təhlükəsizliyimizi getdikcə artırdıq. Hərbi gücümüzü də artırdıq. ABŞ daha güclü, daha təhlükəsiz, daha zəngin bir ölkədir. İki il əvvəl ilə müqayisə edin. Biz bunları sadəcə ABŞ xalqı üçün yox, bütün dünya üçün edirik”.

Hikmət Həsənov
Ölkə.Az

ŞƏRH YAZ
0

Misir azərbaycanlı dənizçini sərbəst buraxıb

Misir azərbaycanlı dənizçini sərbəst buraxıb
19:59
26.05.2019
605
Dünya
A
Misirdə girov saxlanılan “Sea Shark” tankerinin heyət üzvləri sərbəst buraxılıb.

"Ölkə.Az" xəbər verir ki, “Ukrainskaya pravda” nəşrinin məlumatına görə, onların arasında Azərbaycan vətəndaşı da olub.

Tankerin heyəti 31 nəfərdən ibarət olub. Onların əksəriyyəti Ukrayna vətəndaşlarıdır.

Qeyd edək ki, tanker ötən ilin dekabr ayında Misir Hərbi-Dəniz Donanması tərəfindən saxlanılıb. Misirin müvafiq strukturları gəmiyə 11 milyon barel neftin qanunsuz yükləndiyini iddia edib. Misirin ərazi sularına qanunsuz daxil olduğuna görə tankerin sahibinə qarşı 56 milyon dollarlıq iddia qaldırılıb.

Ölkə.Az

ŞƏRH YAZ
0

Bolqarıstanda təyyarə qəzası baş verib — Ölənlər var

Bolqarıstanda təyyarə qəzası baş verib
18:47
26.05.2019
329
Dünya
A
Bolqarıstanda təyyarə qəzası baş verib.

"Ölkə.Az" Türkiyə mediasına istinadən xəbər verir ki, hadisə İxtiman şəhərində qeydə alınıb. Yüngül mühərrikli təyyarənin qəzaya uğraması nəticəsində 2 nəfər həlak olub. Ölənlərin sərnişin və heyət üzvü olduğu bildirilir.

Hadisə yerinə təcili xidmətlərin əməkdaşları cəlb edilib. Qəzanın başvermə səbəbi araşdırılır.

Ölkə.Az

ŞƏRH YAZ
0
BAĞLA