Dünya şöhrətli aktrisa Merilin Monro ilə eşq məcarası yaşayan arvadbaz ABŞ prezidenti

O, ABŞ tarixində ən varlı iki prezidentdən biri olub və onu yalnız indiki prezident Donald Tramp varidatına görə üstələyir. Barəsində söz açdığımız şəxs ABŞ-ın 35-ci prezidenti Con Kennedidir və onun varidatı 1,1 milyard dollar təşkil edib.

Kennedi kim olub?

ABŞ tarixində  Kennedi klanından başqa heç bir prezidenti  praktik olaraq kral ailəsi hesab etmək  mümkün deyil.  Ancaq Kennedi ailəsinin hər bir üzvü  hakimiyyətdə yüksək vəzifə tutub.

İrlandiya əsilli varlı ailədən çıxan Cona  varidat, ona irsi olaraq çatıb. Onun atası ölkənin ən imkanlı və təmin olunmuş insanlarından biri olub. Conun atası  ABŞ prezidenti Ruzveltin ən yaxın dairəsində olan insanlardan biri olub. Bu səbəbdən də ata övladlarının hansısa birinin  gələcəkdə ölkədə yüksək siyasi karyeraya malik olması arzusunda olur. Lakin  o, Con Kennedi yox, onun böyük qardaşı Cozefin siyasi səhnədə parlamasını istəyir. Çünki ikinci oğlu xəstə və bir qədər zəif olub. Amma buna baxmayaraq  Con məktəbi pis oxumadı, daha sonra isə Con Harvardı bitirdi.
Necə deyərlər, sən saydığını say, gör fələk nə sayır... Cozefin  ölümündən sonra atası heç ağlına da gətirməzdi ki, Kennedi məcburiyyət qarşısında  Conun siyasi karyera əldə etməsinə çalışacaq. Bunun üçün ilk olaraq  gələcək dövlət başçısını evləndirmək lazımdır.
Con Kennedi gələcək həyat yoldaşı Jaklinlə  tanış olmamışdan öncə  müxtəlif əyləncəli tədbirlərdə iştirak edəcək, gənc xanımlarla əylənməyə üstünlük verərmiş. Gənc xanımlar da onunla vaxt keçirməyə maraqlı idilər, ancaq onun belə olmasına baxmayaraq, sanki harasa tələsərdi.  Onunla bir yataqda olan gənc xanımlar deyərdi ki, Con bir gözü saatın əqrəbinə baxaraq sekslə məşğul olub. Onunla məşuqə həyatını yaşayan qadınlardan biri deyib ki,  o,  ətrafındakı qadının keyfiyyətinə yox, daha çox qadınla əylənməyə üstünlük verərdi. Conun yaxın dostları onun bu hərəkətinə görə deyərdilər: “ Conun yanında hər hansı qadını qoymaq çox təhlükəlidir. Bu  istər sizin bacınız, arvadınız və yaxud da ananız olsun”.

Krala layiq möhtəşəm toy
 
1953-cü ilin sentyabrında  ABŞ-da  çox dəbdəbəli bir toy təşkil edildi.  Gələcək birinci ledi, gələcək prezidentlə ailə həyatı qururdu. O zaman Con Kennedi artıq  Massaçusets ştatından senator idi.
Con Kennediyə  həyat yoldaşını isə onun razılığı ilə atası seçir. Yəni seçiləcək qadın  dövlət xadiminin həyat yoldaşı roluna  uyğun gələn birisi olsun.
Düzdür,  nə gələcək birinci ledi, nə də onun ailəsi təmtəraqlı toy olmasını istəməyib və bunun əleyhinə çıxıblar. Ancaq ata Kennedi belə istəyib. Toyda iki minə yaxın qonaq iştirak edirdi. Toyda hətta Hollivud ulduzları belə iştirak edib. Cütlük bal ayını isə Meksikadakı ən dəbdəbəli  kurortlardan birində keçirir.
Cütlüyün kəbini Nyuportdakı katolik kilsədə kəsilir və ona xeyir-dua məktubunu şəxsən  XII Poma Papası olan Piy  göndərir və nikah mərasimində onun məktubu oxunur. Onu da qeyd edək ki, Con Kennedi indiyədək 45 ABŞ prezidenti arasında olan yeganə katolik prezidentdir. Con Kennedinin ailə həyatı qurduğu xanımda katolik olub. Nikah mərasimində bəy gəlinə “Van Cleef & Arpels”-dən  zümrüdlü brilyant üzük hədiyyə edib.
Lakin Jaklinə edilən bu hədiyyə onun elə də xoşuna gəlməyib. O Ağ Evə köçdükdən sonra  üzüyün dizaynını dəyişdirərək, ora daha böyük həcmli, 2,88 karatlıq brilyant yerləşdirib.

 Ağ Evi dəyişdirən birinci ledi

Ağ Evə köçdükdən sonra  Jaklinin əsas işi orada abadlıq işləri ilə məşğul olmaq oldu. O vaxtadək Ağ Evdəki prezident otaqlarını dünyaya hakim dövlət başçısının otağına bənzətməyə çalışırdılar.  Deyilənlərə görə, otaqlarda zövqsüz və ucuz mebellər olub. Odur ki, Jaklin Ağ Evdə ciddi rekonstruksiya işlərinə başlayır. Bu məqsədlə o, Parisdən Vaşinqtona dizaynerlər dəvət edir.   Təmir üçün ayrılan vəsait yetmədiyindən Jaklin milyarderlər, kolleksionerlər və digər imkanlılardan təmir üçün  maddi yardım ayrılması  istiqamətində iş görür. Onun məqsədi Ağ Evi Birləşmiş Ştatların  böyüklük simvoluna çevirmək idi və bu istəyinə nail olur.

Kennedi ailəsinin istirahəti  bütün amerikalıları heyrətə salıb

Kennedi ailəsinin  istirahəti ilə bağlı çəkilən foto və videolar amerikalıların heyrətinə səbəb olurdu.  Con Kennedi ABŞ tarixində ən yaraşıqlı görkəmli prezidentlərindən biri olub.   Zarafatla onun barəsində belə bir ifadə də işlədərdilər ki, Conun hələ indiyərək uğursuz fotosuna rast gəlmək mümkün deyil. O, müxtəlif cür qalstuklar taxmağı xoşlayardı.  Ancaq kostyumu bir rəngdə; - boz və yaxud tünd göy rəngdə olardı. Cibində isə daimi ağ dəsmal olardı. Con Kennedi  müxtəlif şənliklərdə və tədbirlərdə  bahalı parçalardan tikilmiş geyimlərdə çıxardı. Ağ Evdən kənarda isə daha çox sərbəst geyimlərə üstünlük verərdi.

C. Kennedi daha çox bahalı saat taxmağı sevərdi. O, daha çox “Omega” markalı saatları xoşlayardı. Ümumiyyətlə, Con Kennedi çox dəbdəbəli, bahalı geyimləri sevərdi.

Kennedi geyimləri sevdiyi kimi gəzməyi, istirahəti sevərdi. O, daha çox yaxta vurğunu idi. Kennedinin yaxtanı hətta qadından çox xoşladığını iddia edənlər də var.  Dəbdəbəli “Manita” yaxtasında Kenedi  diplomat və siyasətçiləri qəbul eərdi.  Həmin yaxtanın bortunda  elə də böyük olmayan, ancaq çox dəbdəbəli  vanna var idi. Gəzən söz-söhbətə görə Kennedi orada Hollivud ulduzu  Merilin Monro ilə əylənərmiş.

Hazırladı: Mürtəza

Ölkə.Az