Dünya şöhrətli rok-musiqiçi öldü
Dünya şöhrətli amerikalı rok-musiqiçi Tom Petti vəfat edib.
“Ölkə.Az” xəbər verir ki, bu barədə “TMZ” nəşri məlumat yayıb. Verilən xəbərə görə, Petti Kaliforniyadakı evində tapılıb. Onu dərhal xəstəxanaya aparıblar. Həkimlər musiqiçinin ürəyinin dayandığını bildiriblər. Tibbi müdaxilə edilib və onu süni nəfəs aparatına qoşublar. Bir müddət sonra Petti həyatını itirib.
Qeyd edək ki, 66 yaşlı rok ifaçısı “Tom Petty and the Heartbreakers” qrupunun yaradıcılarından biri olub. O, 1970-ci ildən musiqi karyerasına başlayıb.
Ziya Səccad
Ölkə.Az
