Dünya şokda — 2 min lüks avtomobil belə yandı (FOTOLAR)

Dünya şokda
14:43
20.03.2019
19476
Dünya
A
İtaliyanın “Grande America” karqo gəmisi 2 min lüks avtomobil ilə yanaraq okeanın dibinə gedib.

 “Ölkə.Az” xəbər verir ki, Fransa sahillərindən 240 km aralıda yanan gəmidəki avtomobillərdən 37-i son model “Porsche” avtomobili olub.

Mərakeşin Kasablanka şəhərindən Braziliyaya getmək üçün yola çıxan gəmi Fransanın Brest şəhəri sahillərində yanmağa başlayıb və batıb. “Porsche” şirkəti Braziliyadakı müştərilərinə açıqlama verib və Atlantik okeanında məhv olan maşınların yenidən istehsal ediləcəyini bildirib. Gəmidə “Audi” şirkətinə məxsus “A3”, “A5”, “RS4”, “RS5” və “Q7” modelləri də olub. Fransa rəsmiləri bildiriblər ki, yağına səbəb benzin sızması olub. Benzin sızması partlayışla nəticələnib.

28 min tonluq gəminin 27 nəfər heyət üzvü 8 saatlıq əməliyyatla xilas edilib.

Hikmət Həsənov
Ölkə.Az

ŞƏRH YAZ
0

Saakaşvili fontanda əyləndi — VİDEO

Saakaşvili fontanda əyləndi
23:30
19.06.2019
420
Dünya
A
Gürcüstanın sabiq prezidenti və Odessa vilayətinin eks-qubernatoru Mixail Saakaşvili Odessada yayın ləzzətini fəvvarələrdə əylənməklə çıxarıb.

 "Ölkə.Az" bildirir ki, özünü fəvvarələrdə isladan Saakaşvili bu görüntüləri rəsmi facebook səhifəsində paylaşıb:

“Mariupolda fəvvarələr çox gözəldir, amma Odessadakılar da onlardan geri qalmır”, - deyə siyasətçi bildirib.

Ötən həftə Ukrayna prezidenti Vladimir Zelenski də Mariupol şəhərinə səfəri zamanı yerli sakinlərlə görüşdən sonra fəvvarədə əylənmişdi.

Ölkə.Az
ŞƏRH YAZ
0

Jurnalist Fuad Abbasov aclıq aksiyasını dayandırıb

Jurnalist Fuad Abbasov aclıq aksiyasını dayandırıb
23:13
19.06.2019
321
Dünya
A
Rusiyanın Moskva vilayətinin Korolyov şəhərində yerləşən miqrantlar üçün xüsusi saxlanma məntəqəsində 12 gündür aclıq edən azərbaycanlı jurnalist Fuad Abbasov aksiyanı dayandırıb.

"Ölkə.Az" bildirir ki, jurnalist bu barədə özü bəyanat yayıb.

Fuad Abbasov iyunun 7-də Moskva vilayət məhkəməsinin onun Rusiyadan deportasiya edilməsi ilə bağlı apellyasiya şikayətini təmin etməməsinə etiraz əlaməti olaraq aclıq aksiyasına başlayıb.

Jurnalist bu addımı səhhətində yaranan problemlərlə bağlı atdığını bildirib:

"Salam əziz həmvətənlərim! Mən 12 gündür davam etdirdiyim aclıq aksiyasına son vermək qərarına gəldim. Bunun başlıca səbəbi ürək qan-damar sistemimdə yaranan problemlərdir. Həm saxlanıldığım mərkəzin, həm də Təcili Yardım Xidmətinin həkimləri məsləhət görürlər ki, aclıq aksiyasını dayandırım.

Amma təəssüflə bildirmək istəyirəm ki, aclıq aksiyasının səbəbi olan, mənim tutulmağım, məhkəmə prosesinin qeyri-qanuni keçirilməsi, deportasiya üçün aparıldığım hava limanından geri qaytarılmağım və burada 12 gündən artıq saxlanılmağımın səbəblərini indiyə kimi mənə heç kim açıqlamayıb. Ümid edirəm ki, yaxın zamanda bu problem həll olunacaq və mən rahat bir şəkildə Vətənimiz Azərbaycana qayıda biləcəyəm".

Ölkə.Az

ŞƏRH YAZ
0
BAĞLA