Dünya son 1500 ilin ən isti yayını yaşayır — Qorxunc proqnoz

Dünya son 1500 ilin ən isti yayını yaşayır
04:25
27.06.2019
1406
Dünya
A
Avropalı alimlər və meteoroloqlar iyunun sonunda gözlənilən anomal istilərə görə minlərlə insanın öləcəyini proqnozlaşdırırlar.

“Ölkə.Az” modern.az-a istinadən xəbər verir ki, bu barədə məlumatı “Vaşinqton Post” qəzeti yayıb.

Alimlərin proqnozuna görə, növbəti cümə günü Madriddə temperatur 40,6 dərəcəyə, Fransada isə 45 dərəcəyə qədər yüksələcək. Fransada bunun tarixi rekord olacağı və 2003-cü ildə qeydə alınan, 11 min fransızın ölümünə səbəb olan 44,1 dərəcəlik temperaturu üstələyəcəyi vurğulanıb.

Qəzetə açıqlama verən Potsdam Universitetinin klimatoloqu Stefan Ramstorf anomal istilərin qaçılmaz olduğunu bildirib:

“İstilik səssiz qatildir. Keçən il istilər ucbatından Almaniyada 1000 nəfər, 2003-cü ildə Avropada isə ümumilikdə 70 min nəfər ölüb”.

Onun sözlərinə görə, Avropada son 1500 ildən bu yana ən isti dövr 2016 və 2018-ci ildə qeydə alınıb.

Ölkə.Az

ŞƏRH YAZ
0

Siqareti balkona atdılar, bina yandı — Bakıda yanğın

Siqareti balkona atdılar, bina yandı
01:20
Bu gün
1613
Dünya
A
Bakının Nizami rayonunda çoxmərtəbəli yaşayış binasında yanğın baş verib.

“Ölkə.Az”ın məlumatına görə, hadisə Bəhruz Nuriyev küçəsi, 23/89 ünvanında baş verib.

İlkin məlumata görə, yanğına siqaret səbəb olub. Belə ki, yuxarı mərtəbədən atılan siqaret götüyü 2-ci mərtəbəyə düşüb və yanğın başlayıb. Hadisə nəticəsində 1 ev yanıb.

Əraziyə yanğınsöndürənlər cəlb edilib.

Ölkə.Az

ŞƏRH YAZ
0

İran yeni raketini sınaqdan keçirdi

İran yeni raketini sınaqdan keçirdi
22:10
24.08.2019
4226
Dünya
A
İran hərbi arsenalına yeni silah daxil edib.

“Ölkə.Az” TRT-yə istinadən xəbər verir ki, bu barədə İranın “Tәsnim” xәbәr agentliyinin İnqilab Keşikçiləri Korpusunun komandanı general-mayor Hüseyn Salamiyә istinadәn yaydığı mәlumatda bildirilir:

“Ölkəmiz hər zaman müxtəlif müdafiə və strateji sistemləri sınaqdan keçirir  və bunlar gücümüzün daha da artması istiqamətində atılan davamlı addımlardır”, - deyə Hüseyn Salami qeyd edib.

O, raket haqqında məlumat verməyib.

Ölkə.Az

ŞƏRH YAZ
0
BAĞLA