Dünya tarixinin ən varlı adamları
“Ölkə.Az” bu gün oxucularına dünya tarixinin ən varlı insanlarının siyahısını təqdim edir.
Arundelin 10-cu qrafı, Riçard Fits-Alan
Sərvəti: 127 milyard dollar
Arundelin 10-cu qrafı Riçard İngiltərədə XII əsrdə yaşayıb. Qara Şahzadənin etibarlı şəxsi olan Riçard yüzillik müharibədə və Şotlandiyanın müstəqilliyi uğrunda gedən savaşlarda iştirak edərək sərvətini qat-qat artırıb.
Ona Sasseks, Şotlandiyada böyük mülklər qalmışdı. Fits-Alan nəinki Arundel, eyni zamanda Surrey qraflığına da sahib idi. O, o qədər varlı idi ki, kral III Riçard da ondan borc alırdı. Riçardın nəslinin nümayəndələri uzun müddət İngiltərənin ən varlı adamları olub.
Bill Qeyts
Sərvəti: 153 milyard dollar
Bill Qeyts sərvətini “Microsoft” şirkəti hesabına qazanıb. Bu şirkəti o, Pol Allenlə birlikdə qurub. Bu gün “Forbes” jurnalının siyahılarında yer alır. Bir çox xeyriyyə aksiyalarına görə pulu azalsa da, hələ də pulsuzluqdan şikayət etmir.
Alan Rufus (Kürən)
Sərvəti- 168 milyard dollar
Riçmondun 1-ci hersoqu, Vilhelmin uzaq qohumudur. İngiltərə 1066-cı ildə Normandiyanı işğal edəndə kral sarayının etibarlı şəxsi olub. Alan Rufusun 250 min akr torpağı olub. Onun mülkləri Yorkşirdən Londona qədər uzanırdı. Bu ərazilər Alana böyük sərvət qazandırırdı. Riçmond qəsri yaxınlığında şəhər salır və qraf titulu qazanır.
Henri Ford
Sərvəti- 304 milyard dollar
Henri Ford sənayeçidir. Məşhur “Ford” şirkətinin banisidir. XIX əsrin sonu, XX əsrin əvvəllərində istehsal etdiyi “Model-T” avtomobili ona çox pul qazandırıb. Henri pulunun böyük hissəsini xeyriyyə işlərinə sərf edib.
Kornelius Vanderbilt
Sərvəti- 209 milyard dollar
Komandor ləqəbli Kornelius pulunu su və quru yolu ilə daşınmalardan qazanıb. 1877-ci ildə onun hesabında 209 milyard dollar var idi. Ölümündən bir qədər əvvəl Neşvill şəhərindəki Vanderbilt universitetinin hesabına 1 milyon dollar köçürüb. Qalan pul varisləri arasında bölünüb.
I Vilhelm
Sərvəti- 236 milyard dollar
Qastinqs ətrafındakı döyüşdən sonra İngiltərə taxtına yiyələnib. Bununla da Normand imperiyasının sərvətini artırıb. Fransa və İngiltərədə böyük mülkləri olsa da, sərt vergi sistemi qoyur və pulunu artırır.
Rusiya çarı imperator II Nikolay
Sərvəti- 271 milyard dollar
1894-1917-ci illər arasında taxtda olub. Hakimiyyəti dövründə atasından miras qalan sərvəti daha da artırıb. Ölkə sərhədlərini genişləndirir. Xarici kapitalı cəlb etməklə xəzinəni doldurur. Birinci dünya müharibəsində xəzinə boşalır.
Yakob Fuqqer
Sərvəti- 297 milyard dollar
Tarixin ən uğurlu bankirlərindən biridir. Almaniya imperiyasının ticarət nümayəndəsidir. Eyni zamanda bir neçə sarayı və böyük donanması olub.
1459-1525-ci illər arasında Auqsburq şəhərində yaşayıb. O qədər varlı idi ki, onu Varlı Yakob adlandırırdılar.
Almaniya və italyan iş adamları assosasiyasının rəhbəri idi. Bu assosiasiya kral V Karla böyük pullar verirdi. Bu pul sayəsində isə kral Müqəddəs Roma İmperiyası taxtına yiyələndi və bankirə titul və torpaq pay verdi. Maraqlıdır ki, Fuqqerdən borc alan yeganə monarx Karl deyildi.
Endryü Karnegi
Sərvəti- 348 milyard dollar
1840-cı ildə kasıb ailəsi ilə Şotlandiyadan ABŞ-a mühacirət edib. Amerikada teleqrafçı işləyən Endryü pulunu dəmir yolu, körpü inşası və neft sənayesinin inkişafına qoyur. Bir müddət sonra isə Pitsburqda tikinti konserninin sahibinə çevrilir. 1901-ci ildə şirkət 480 milyon dollara, bu günün pulu ilə 13.6 milyard dollara satılıb.
Con Devison Rokfeller
Sərvəti-663 milyard dollar
“Standard Oil Company” neft şirkəti hesabına böyük kapital qazanıb. Amerikada neft ehtiyatlarının 90%-inə nəzarət edib. 1 milyard dollar qazanan ilk amerikalıdır. Ölkənin ümumdaxili məhsulunun 1.5%-i onun olub. Rokfeller ömrünün 40 ilini xeyriyyəçiliyə sərf edib. Çikaqo və Rokfeller universitetlərinə sponsorluq edib. 1913-cü ildə isə tibb və incəsənətin inkişafına təkan verən Rokfeller Fondunu qurub.
Hikmət Həsənov
Ölkə.Az