Dünya yeni müharibənin astanasında — QORXUNC PROQNOZLAR

Dünya yeni müharibənin astanasında
22:18
08.11.2017
5157
Analitika
A
Yəməndən Səudiyyə Ərəbistanı ərazisinə ballistik raket atılıb. Yəməndən Kral Xalid beynəlxalq hava limanına atılan raketlər savaş elanı kimi dəyərləndirilib. Bununla da, ərəb koalisiyası Yəmənlə hava və su əlaqələrini kəsməyə qərar verib. Səudiyyə Ərəbistanından isə bildirilib ki, Yəmənin bu həmləsinin arxasında İran dayanır.

Bu gərginlik regionda müharibəyə səbəb ola bilər. Dünya siyasətçiləri belə düşünürlər. Azərbaycanlı siyasətçilər də məsələyə birmənalı yanaşmırlar. Politoloq İlqar Altay “Ölkə.Az”a açıqlamasında bildirib ki, Körfəzdə və Orta Şərqda, ümumiyyətlə ərəb ölkələri olan bölgələrdə həmişə ziddiyət olub. Onun sözlərinə görə, münaqişələr əvvəllər donmuş halda idi, lakin indi bu məsələlər zaman keçdikcə aktivləşir və böyüyür.

“Son zamanlar sanki İran aktivləşib. Bir zamanlar İran embarqo altında idi və sakit dayanmışdı. Hazırda onu Suriyada, Yəməndə aktiv hərəkətlərdə görmək olur. Hizbullah qruplaşması da İranın tərəfindədir. İraqın özündə də İranın fəaliyyətini hiss etmək mümkündür. Bu da boş yerə deyil. Hiss edilir ki, İranın arxasında böyük bir qüvvə dayanır. Bu qüvvə Rusiyadır. Bununla da, açıq şəkildə görmək olar ki, son zamanlar bu bölgələrdə baş verən münaqişələrin səbəbkarı ABŞ, Qərb dövlətləri və Rusiya arasında olan gizli münaqişənin təzahürləridir. Məhz regionda qarışıqlığı yaradan bu qüvvələrin öz mənafeyini güdmələri, oradakı üstünlüyü əldə etmək istəyidir. Rusiya Amerikaya qarşı özünü göstərmək niyyətidir”, - deyə politoloq bildirib.

İ.Altay deyir ki, müharibə qığılcımları Körfəzdə alovlana da bilər: “Səudiyyə Ərəbistanı, Birləşmiş Ərəb Əmirlikləri və digər varlı ərəb ölkələri əvvəllər hərbiyə o qədər üstünlük vermirdilər. Lakin indi onlar özləri üçün hərbi potensial toplamağa başlayıblar. Onlar artıq özlərində hərbi birlik yaratmağa məcburdular”.

Siyasətçinin fikrincə, hazırda İran da özünə çox arxayındır: “Onlar öz güclərini hərbiyə yönəldiblər. Sovet sistemindəki quruluş kimi bütün iqtisadiyyatı hərbiyə yönəldiblər. Yəni hazırda İran hər zaman döyüş vəziyyətində olan dövlətdir. Əgər təkbətək qalsalar, düşünürəm ki, İran Səudiyyə Ərəbistanından müəyyən qədər üstünlük əldə edə bilər. Lakin bu belə olmayacaq. ABŞ və digər güc dövlətləri İranın üstün olmasına imkan verməyəcəklər”.

Son olaraq İ.Altay bölgədə müharibənin olacağını istisna etmədiyini bildirib.

Ziya Səccad
Ölkə.Az

ŞƏRH YAZ
0

Sabah dollar neçəyə olacaq?

Sabah dollar neçəyə  olacaq?
17:14
10.09.2018
255
Analitika
A
Sentyabrın 11-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 11.09.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il sentyabrın 10-da da USD/AZN rəsmi məzənnəsi 1,7000 manat təşkil edib.

ŞƏRH YAZ
0

Ötən gecə cəbhə

Ötən gecə cəbhə
09:38
07.09.2018
295
Analitika
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 91 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan kəndində, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Quşçu Ayrım, Cəfərli, Bala Cəfərli kəndlərində, Berd rayonunun Çinari kəndində yerləşən mövqelərdən Tovuz rayonunun Koxanəbi, Əsrik Cırdaxan kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Nəmirli, Qaraqaşlı, Seyidli, Sarıcalı, Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

ŞƏRH YAZ
0
BAĞLA