Dünyada 100 milyard dollardan çox pulu olan üçüncü nəfər o oldu
“Louis Vuitton Moët Hennessy” şirkətlər qrupunun prezidenti və banisi, fransalı biznesmen Bernar Arno dünyada yüz milyard dollardan çox pulu olan insanlar siyahısına daxil olub.
“Ölkə.Az” xəbər verir ki, bu barədə “Bloomberg” məlumat yayıb.
Nəşriyyatın ekspertlərinin hesablamasına görə, Arnonun pulu 3 milyard artaraq 100.4 milyard dollara çatıb. Artıq o, dünyada yüz milyard dollardan çox pulu olan üçüncü şəxsdir. Birinci şəxs Ceff Bezos, ikinci isə Bill Qeytsdir.
2019-cu ilin əvvəlində Arnonun kapitalı şirkətinin səhmlərinin bahalaşması hesabına 43%, yəni 32 milyard dollar artıb. Bu isə ona milyarderlər reytinqində mövqeyini yuxarı pillələrə dartmağa kömək edib.
Ölkə.Az
