Dünyada bir ilk
Dəniz xiyarlarının qeyri-adi bir növü olan “Enypniastes eximia” adlı dərin dəniz canlısı ilk dəfə görüntülənib.
“Ölkə.Az” xəbər verir ki, avstraliyalı araştırmaçılar yeni sualtı qurğuların vasitəsilə bu görüntüləri əldə ediblər.
“Başsız toyuq canavarı” adlı bu canlı bir müddət əvvəl Meksika körfəzinin 2500 metr dərinliyində lentə alınmışdı. Uzunluğu 11-25 sm olan bu canlı yeni qidalanma yerlərinə köçmək və yırtıcılardan qaça bilmək üçün üzə bilir.
Avstraliyalı alim doktor Dirk Velsford deyib:
“Kameralardan əldə etdiyimiz bəzi görüntülər möhtəşəmdir. Bunlar dünyanın bu bölgəsində heç görmədiyimiz növlərdir”.
Hikmət Həsənov
Ölkə.Az
