AXTAR

Axtarışın nəticələri

Bütün nəticələr

Dünyanın ən bahalı telefon markasının türk rəhbərindən şok addım

Məşhur iş adamı Hakan Uzanın satın aldığı lüks mobil telefon markası "Vertu"nun ləğv edildiyi açıqlanıb.

14.07.2017 09:45 Bölmə: İqtisadiyyat Oxunma sayı: 319
A- A A+

"Ölkə.Az" xəbər verir ki, ad və texnoloji hüquqların sahibi Uzanın gələcəkdə şirkət haqqında planları olduğu bildirilir.

Açıqlamaya əsasən ən bahalı mobil telefon markası "Vertu" borc səbəbindən iflas edib. Türk iş adamı şirkəti 50 milyon funt sterlinqə almışdı. Bildirilir ki, şirkət alındıqdan sonra "Vertu"nun 128 milyon funt sterlinq borcu olduğu üzə çıxıb.

Şirkət borclu olduğu şəxslərə borcun sadəcə kiçik bir qismini ödəməyi təklif etdikdən sonra belə bir qərar ortaya çıxdığı məlum olub. Hakan Uzan borcun sadəcə 1.9 milyon funt sterlinqlik qismini ödəməyi təklif edib. İngilislər isə bu təklifi qəbul etməyiblər. Bu səbəbdən İngiltərə mətbuatı şirkətin ləğv edildiyini elan edib.

"Vertu"nun İngiltərədəki fəaliyyəti başa çatacaq və 200 nəfər işsiz qalacaq. Şirkət Hempşirdəki kiçik bir qəsəbədə timsah dərisi və sapfir kristaldan telefonlar istehsal edirdi. Parisdə yaşayan türk iş adamı Hakan isə gələcəkdə markanı diriltməyi planlaşdırır.

Hikmət
Ölkə.Az

Partner Xəbər