Dünyanın ən böyük narkotik baronunun məhkəməsi başladı
Meksikalı narkotik baronu "El Chapo" (cücə) ləqəbli Xoakin Quzman ABŞ-ın ən böyük narkotik məhkəmə işində hakim qarşısına çıxıb.
"Ölkə.Az" xəbər verir ki, Nyu-Yorkdakı Bruklin Federal Məhkəməsində baxılacaq işin ən azı 4 ay davam etməsi və milyonlarla dollara başa gəlməsi gözlənilir.
Polis tərəfindən 1993-cü ildə öldürülməsinə qədər dünyanın ən zəngin adamlarından olan Pablo Eskobardan sonra Yer kürəsinin ən çox cinayət işləmiş sakini olan El Chapo ABŞ-a 25 ildə 155 tondan çox kokain keçirməkdə günahkar bilinir.
Qeyd edək ki, illərlə davam edən araşdırmalardan sonra haqqında cinayət işi açılan Quzman narkotik qaçaqmalçılığı, odlu silah istifadəsi və milyonlarla dolların qanuniləşdirilməsində günahkar bilinir.
Ölkə.Az