Dünyanın ən "dəliqanlı" xüsusi təyinatlıları — SİYAHI

Dünyanın ən
11:23
21.04.2017
339
Maraqlı
A
Bu xüsusi təyinatlılar ən strateji tapşırıqları yerinə yetirirlər. Bu əsgərlər ən çətin əməliyyatların öhdəsindən gəlirlər. Onları hamının qorxduğu yerə göndərirlər. Kimdir onlar?

"Ölkə.Az" bu gün dünyanın ən "dəliqanlı", ən cəsur xüsusi təyinatlılarının siyahısını təqdim edir.

1. "Qara leylək" - Pakistan

Ölkə daxilində fəaliyyət göstərən xüsusi təyinatlılardır. Onları qeyri-adi baş örtüklərinə görə "qara leyləklər" adlandırırlar.

Hazırlıqları:

58 km atış-marşı, müddəti 12 saat.

Tam formada 8 km məsafəni 50 dəqiqəyə qət etmək.

2009-cu ilin oktyabr ayında Taliban terror qruplaşmasının işğal etdiyi binanı çox qısa müddətə təmizlədilər. Terrorçuları zərərsizləşdirən xüsusi təyinatlılar 39 girovu azad etdilər.

2. "Grupo Especial de Operaciones" - İspaniya

1978-ci ildə qurulub. İspaniya milli polisinin bir bölməsidir. Əsasən "ETA" bask separatçılarına cavab olaraq yaradılıb.

Bu gün onların sıralarına düşmək çox çətindir. Hər il müraciət edənlərin 70-80, bəzən isə 100 %-i arzusuna çata bilmir.

Şəhər şərtlərində İspaniya hökumətinin diplomatik missiyasını mühafizə edirlər.

3. "GİGN" - Fransa

Fransa jandarmeriyasının xüsusi təyinatlılarıdır. Əsirləri girovluqdan xilas etmək üçün xüsusi təlim keçirlər. 1973-cü ildən bu yana 600 nəfəri girovluqdan azad ediblər.

Ən parlaq əməliyyatları 1979-cu ildə Məkkədə Əl-Haram məscidinin azad edilməsidir. İslam dininin şərtlərinə əsasən, qeyri-müsəlman bu məbədə ayaq basa bilməzdi. Bu səbəbdən 3 xüsusi təyinatlı İslam dinini qəbul edir. Əməliyyat uğurlu olur.

4. "Sayeret Matkal" - İsrail

Əsas tapşırıqları düşmən arxasında məlumat toplamaqdır. 1957-ci ildə İsrail müdafiə nazirliyi ordu baş qərargahı tərəfindən yaradılıb. Namizədlər iki il hazırlıq keçirlər. Bu müddət ərzində piyada taktikası, paraşütlə tullanma, kəşfiyyat işləri, şəhər şəraitində döyüş öyrədilir. Bundan başqa, psixoloji iş də aparılır. Onlarla uğurlu əməliyyatları var. Onlardan biri də Uqanda ərazisində "Air France" şirkətinin sərnişinlərinin terrorçulardan azad edilməsidir.

5. "Special Air Service" - Böyük Britaniya

1941-ci ildə alman və italyan ordusunun arxasında əməliyyatlar keçirmək üçün qurulub. 1947-ci ildən Britaniya kəşfiyyatının bir hissəsinə çevrilir. "Mİ6"-nın tapşırıqlarını yerinə yetirirlər.

Ağır təlimləri var. 50 km qaçış, 4 km soyuq suda üzmək, 36 saat dindirilmə. Devizləri: "Risk edən qələbə qazanır".

6. "SEAL" - ABŞ

ABŞ-ın məşhur dəniz pişikləridir. ABŞ hərbi dəniz qüvvələrinin əsas əməliyyatlarını yerinə yetirirlər. "SEAL"- sea, air and land deməkdir. Yəni, suda, havada və quruda.

Tapşırıqları kəşfiyyat, xüsusi və diversiya əməliyyatları keçirmək, axtarış-xilasetmə işləridir.

7. "Alfa" qrupu  -Rusiya

Dünyanın ən məşhur xüsusi təyinatlılarıdır. 1974-cü ildə SSRİ KQB-si tərəfindən qurulub. 

1972-ci ildə Münhen Olimpiadasında baş verən terror hadisəsindən sonra KQB növbəti olimpiya oyunlarında, yəni 1980-ci il Moskvada keçiriləcək yarışlarda təhlükəsizliyi təmin etməli idi.

Ən parlaq əməliyyatlarından biri 1979-cu ildə Əfqanıstanda Hafizula Əminin sarayını ələ keçirmək olub.

8. "Bordo Bereliler" - Türkiyə

1992-ci ildə qurulub. Heç bir ordu komandanlığına tabeçilikləri yoxdur. Təkcə Türk silahlı qüvvələri ordu baş qərargah rəisinə tabedirlər. 2004-cü ildə dünya xüsusi təyinatlıları arasında keçirilən yarışda birincilik əldə ediblər. 

Xüsusi tapşırıqlardan başqa dövlət rəhbərlərini mühafizə edirlər. Ordu baş qərargah rəisi, yüksək rütbəli generalların təhlükəsizliyini təmin edirlər. Ən böyük əməliyyatlarından biri PKK lideri terrorçu Abdullah Öcalanın həbs edilib Türkiyəyə gətirilməsidir.

Hikmət
Ölkə.Az

ŞƏRH YAZ
0

Yedikdən sonra tumunu atmayın — Farmakoloji imperiyanın gizli saxladığı DƏRMAN

Yedikdən sonra tumunu atmayın
01:35
Bu gün
7962
Maraqlı
A
Artıq albalı mövsümü başlayıb. Sağlamlıq üçün əvəzsiz olan bu meyvənin faydasının daha çox tumlarında olduğu açıqlanıb. Belə ki, qədimdən albalı tumlarından müxtəlif xalq təbabəti reseptlərində istifadə olunurmuş. Lakin müasir tibb bu üsulu gizli saxlamağa üstünlük verir.

“Ölkə.Az” Medicina.az-a istinadən xəbər verir ki, albalı tumlarının tərkibində bir çox meyvələrin çəyirdəyində olduğu kimi amiqdalin maddəsi çoxdur. Məhz bu maddə çəyirdəyə acı dad verir. 

Mədə şirəsinin təsiri ilə amiqdalin qlükoza və sinil turşusuna ayrılır. Sinil turşusu tumun nüvəsində çoxdur və toksikidir, yəni zərərlidir. 

Badam və əriyə nisbətən albalıda bu toksiklik az - 0,9%-dir. 

Əgər albalı tumu ortadan bölünmədən, çəyirdəyi sındırılmadan yeyilərsə, sinil turşusu orqanizmə düşmür. Bu zaman tum mədədə bölünmür, ərimir və çəyirdək demək olar ki, bağırsaqdan bütöv şəkildə xaric olur. 

Bir çox mütəxəssislər və həkimlər insanları sinil turşusu ilə zəhərlənməkdən ehtiyatlı olmağa çağıraraq, hətta albalı kompotu və mürəbbəsi qəbul etməkdən də çəkindirir. Çox insanlar albalının məhz bu toksikiliyinə görə uzaq durur və tumundan qorxur. Amma aparılan araşdırmalar göstərib ki, kompot, şirə və mürəbbədə olan tumlarda sinil turşusu yoxdur. Çünki bu məhsullar qaynadıldığı zaman təhlükə aradan qalxır. 

Amiqdalin – həm də B17 vitamini kimi məşhurdur və onun haqqında əfsanələr dolaşır. Son zamanlar B 17-nin xərçəngin dərmanı olması barədə fikirlər yazılır. Hətta alimlər bəyan etdilər ki, ərik çəyirdəyi yeyən adamlar xərçəngə yoluxmur. Ərik çəyirdəyində də Amiqdalin yüksək dərəcədədir.

Lakin bu yöndə aparılan elmi tədqiqatlar bu fikri təsdiq etmədi, əksinə, FDA təşkilatı rəsmi olaraq Amiqdalin tərkibli preparatların yüksək toksiki təsirinə görə qəbulunu qadağan etdi.

Ancaq xalq təbabəti və qeyri-ənənəvi təbabətin biliciləri bu rəsmi mövqe ilə razılaşmayaraq, öz təcrübələrini aparıb və B17-nin zərəri barədə farmakoloji şirkətlərin bilə-bilə yanlış rəy verdiyini bəyan etmişdilər. Qısacası, onlar bildirirlər ki, farmakoloji imperiya xərçəngin dərmanını tapmaqda maraqlı deyil və bu işdə güclü olan çəyirdək, B17 məsələsini bilə-bilə səhv yola yönəldib.

Lakin ümumilikdə xalq təbabətində albalı tumlarından bir çox xəstəliklərdə istifadə olunmaqdadır:

-Podaqra
-Anemiya
-Böyrək, sidik kisəsi daşı
-Şəkərli diabet
-Pnevmoniya
-Avitaminoz
-Oynaq xəstəlikləri

Rusiyada albalı tumlarından uşaqlar və böyüklər üçün kisələr, yastıqlar, isidicilər, hətta oyuncaqlar da hazırlanıb. 

Albalı tumu doldurulmuş kisəciklər hazırlanıb, bu kisəciklərdən masaj məqsədilə istifadə olunub. Hətta tum doldurulmuş yastıq da yaradıblar. Belə yastıq və kisələrin immuniteti qaldırdığı, soyuqdəymə zamanı masaj edildiyində effektiv olduğu deyilir.

Albalı tumundan dərmanın hazırlanması:

5 qr zədəsiz, bütov tumların üzərinə 200 ml qaynar su alınır, 15 dəqiqə dəmlənir, sonra süzülür. 

Bu üsulla kompreslər və ayaq vannaları etmək olar. 

Uşaqlarda imminuteti qaldırmaq üçün isə tumları dəsmalın üzərinə sərib, döşəməyə qoyun. Uşaq, hətta böyüklər bu tumların üzərində 10 dəqiqə gəzərək ayaqlarını masaj etməlidir.

Ölkə.Az

ŞƏRH YAZ
0

Fırıldaqçılardan qorunun

Fırıldaqçılardan qorunun
00:11
Bu gün
5270
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - sizi çətin gün gözləyir. Mənfi təmayüllərin təsiri artır. Məqsədə aparan yolda qarşınıza çıxan maneələrlə sədləri dəf etmək üçün var qüvvənizlə çalışmalı olacaqsınız. İşdə həmkarlarınızla fikir ayrılıqları yarana bilər. Rəhbərliklə mübahisə etməyin. Belə mübahisə uzunmüddətli münaqişənin əsasını qoya bilər.

Günün ikinci yarısında yaxın ətrafınızdakı insanlarla təmaslarda diqqətli olun.

Süstlük, tənbəllik, diqqətsizlik sizə başladığınız ən sadə işləri başa vurmağa mane ola bilər. Yaxın ətrafınızdakı insanlar sizi astagəllikdə suçlayacaqlar. Onların çoxsaylı tənqidləri sizdə qıcıq yaradacaq.

Buğa - gün ciddi problemlər vəd edir. Amma ruhdan düşməyin, nikbin olun. Belədə ətrafınızdakı insanların sizə marağı daha da artacaq. Ən müxtəlif insanlardan təkliflər alacaqsınız. Lakin bu adamları ayırd edin. Bəzi şəxslərdən uzaq durmaq gərəkdir.

Günün ikinci yarısında yeni dostluq və ya tərəfdaşlıq münasibətlərin başlanması istisna deyil. Fəqət diqqətli olun. Yeni tərəfdaşlarla məhsuldar peşəkar əməkdaşlıq şansları azdır.

İstənilən səfərlər üçün əlverişli zamandır. İşlər çox olsa da, yorulmayacaqsınız. Usanmayacaqsınız. Axşam saatlarında aldığınız informasiya karınıza gələ bilər.

Əkizlər - çətinliklər az olmayacaq. Lakin onların öhdəsindən tez gəlməyə çalışın. Fəndgir, hiyləgər olun, məqsədə doğru gedən yolda qarşınıza çıxan maneələri dəf edin. Aktual və praktik işlərin həlli üçün əlverişli zamandır. Genişmiqyaslı, böyük layihələrin həyata keçirilməsini təxirə salın.

Günün ikinci yarısında işlə bağlı aldığınız təkliflər ilk baxışdan cazibədar təsir bağışlasa da, onlar sərfəli deyillər.

Emosional fon münasibdir. Amma bir qədər sonra əsəbi gərginlik artacaq, qıcıqlanacaqsınız.

Axşam saatlarında yaxınlarınızla münaqişə etməmək üçün səylər göstərin.
 

Xərçəng - müsbət təmayüllərin təsiri artacaq. Gün pis deyil. Uzun müddətdən bəri həll etməyə çalışdığınız problemin həll variantlarını aşkarlayacaqsınız. Yeni tərəfdaşlarla əməkdaşlıq, iş yerini dəyişmək üçün pis zaman deyil.

Gəlirlər istisna deyil.

Axşam saatları imiclə eksperimentlər və alış-veriş üçün yaxşı zamandır.

Şir - günün ilk yarısı uğurlu olacaq. İşgüzar danışıqlar, nüfuzlu adamlarla görüşlər, mühüm məsələlərin nəzərdən keçirilməsi üçün münasib zamandır.

İşdə rəhbərlik və həmkarların dəstəyini alaraq ən cəsur planlarınızı reallaşdıra bilərsiniz.

Günün ikinci yarısında mənfi təmayüllərin təsiri artacaq. Planlarınızın bəziləri pozula bilər. Münaqişəli vəziyyətlər, mübahisələr yaranacaq. Əhvalınız korlanacaq. Səhhətinizdə problemlər istisna deyil. Ürək-damar sisteminin xroniki ağrıları kəskinləşə bilər.

Qız - indiyədək sizi ciddi şəkildə narahat edən problemlər artıq önəmsiz təsir bağışlayır. Onlar sanki heç diqqətə layiq deyillər. Yeni, maraqlı işlər və tapşırıqlar yaranır. Onların bəzilərini həll etmək üçün səy göstərmək olar. Yaxın ətrafınızdakı insanların rəğbətini qazanmaq istəyirsinizsə, təmkinli, səbrli davranın. Tələsik addımlar atmayın.

Günün ikinci yarısında istənilən situsiyanı təhlil etmədən qərar qəbul etməyin.

Yaxınlarınız problemlərinizi anlayşıla qarşılayırlar. Hamı üçün xoşagəlməz vəziyyət yarananda münaqişələrə və mübahisələrə yol verməyin.

Axşam saatlarında qəfil vizitlər ola bilər. Qonaqlar sizi sevindirəcək.

Tərəzi - hər addımınız düşünülmüş, hər qərarınız təmkinli olmalıdır. Ehtiyatlı olun, detallara fikir verin, xırdalıqlara laqeyd yanaşmayın. Yaxşı məsləhət almaq istəyirsinizsə, subyektiv olmayan, qərəzli və ya məkrli olduğunu düşünmədiyiniz insana müraciət edin. Yaranmış situasiya ilə bağlı tam informasiya əldə etməyə çalışın. Yeni işlərə başlamağa tələsməyin. Başladınızsa, sürətli və tam qələbəyə bel bağlamayın.

Günün ikinci yarısında şəxsi münasibətlərdə irəliləyişlər olacaq. Yaxınlarınızla təmaslarda diqqətli olun. Sevdiyiniz insanları anlamağa çalışın. Qəfil etiraf, diqqət izharı, hədiyyələr istisna deyil.

Əqrəb - mühüm işləri günün ilk yarısına planlaşdırın. Diqqətli olun, həll olunası problemə səthi yanaşmayın. İşgüzar danışıqlarda sərt olun, mənasız güzəştlərə gedərək mövqelərinizi zəiflətməyin. Peşəkar fəaliyyət müstəvisində qarşınızda yeni üfüqlər yaranır.

Günün ikinci yarısı çox uğurlu olmayacaq. Çoxsaylı kiçik problemlər yaranacaq. Onlar sizi sinirləndirəcək, qıcıqlandıracaq. Yaxınlarınızla mübahisə etməyin. Ətrafınızdakı insanlarla aqressiv davranaraq yeni düşmənlər qazanmayın.

Oxatan - danışıqlar, rəğbət bəslədiyiniz insanlarla ünsiyyət üçün əlverişli zamandır. Ənənələrin və qaydaların əleyhinə gedərək düzgün saydığınız variantı reallaşdıra bilərsiniz.

Yaxın ətrafınızdakı insanlarla təmaslarda nə qədər səmimi və qayğıkeş olsanız, işlərinizdə bir o qədər irəliləyiş müşahidə ediləcək. Münasibətlərdə harmoniyaya nail olun.

Günün ikinci yarısında maliyyə çətinlikləri yarana bilər. Qəfil xərclər istisna deyil. Səfər və ya səyahətdə ehtiyatlı olun. Fırıldaqçılar sizin hesabınıza gəlir əldə etmək istəyəcəklər.

Oğlaq - günün ilk yarısında qarışıq, çətin işlər çox olacaq. Mühüm qərarlar qəbul etməzdən əvvəl yaxşıca düşünüb-daşının. Peşəkar fəaliyyət və kommersiya məsələləri ilə bağlı təxirəsalınmaz məsələnin həllini yubandırmayın.

İş yerini dəyişmək, yeni tərəfdaşlarla əməkdaşlığa başlamaq, anlaşma və sazişlər üçün əlverişli zamandır.

Uğur sizin tərəfinizdədir. Adi günlərdən fərqli olaraq, işlərin öhdəsindən gəlmək asan deyil.

Günün ikinci yarısındakı problemlər seçdiyiniz yolun dürüstlüyünə şübhə yaratmasın. Axşam saatlarında köhnə dostlara baş çəkin. Sizi anlayan insanlarla vaxt keçirin. Belədə əhvalınız yaxşılaşacaq, gələcəyə nikbin baxacaqsınız.

Dolça - bir yerdə oturmayın, təşəbbüskar və fəal olun. Mürəkəb işin çarəsini başqalarının tapacağını düşünməyin. Öz işinizi başqalarına həvalə etməyin. Uzaq perspektivə hesablanmış planlar qurmaq, məqsədə çatmağın yeni yollarını aramaq olar. Uğurlu işgüzar səfərlər ola bilər. Yeni tərəfdaşlarla uğurlu anlaşma və ya saziş şansı artır.

Günün ikinci yarpısında maliyyə məsələlərində ehtiyatlı olun. Pulunuza qənim kəsilməyin, bədxərclik etməyin.

Məişət texnikası və ya bahalı əşyanın alınmasını ertələyin.

Balıq - qarşıya qoyduğunuz məsələlərin öhdəsindən gəlməyə çalışın. Yaxın ətrafınızdakı insanlar sizi tələsdirməyə çalışır. Sakit və təmkinli olun, hər xırda məsələyə qıcıqlanmayın. Soyuqqanlı davransanız, bir çox münaqişənin alovlanmasının qarşısını ala bilərsiniz. Gəlirlər istisna deyil. Məbləğ az olmayacaq. Qəfil hədiyyələr istisna deyil.

Günün ikinci yarısı şəxsi münasibətlər üçün uğurludur. Axşam saatlarında gəzintiyə çıxsanız, başağrısı və ya yuxusuzluğa qarşı preventiv tədbir görmüş olacaqsınız.

Ölkə.Az

ŞƏRH YAZ
0
BAĞLA