Mətn ölçüsü:
  • 100%

Dünyanın ən gözəl məscidləri

Dünyanın dörd bir tərəfində özünə xas memarlıq xüsusiyyətləri olan məscidlər var.

“Ölkə.Az” dünyanın ən gözəl məscidlərinin siyahısını təqdim edir.

1.Şah Çıraq Məscidi

İranın Şiraz şəhərindədir. Məscidin adı farscadan “şah çerağ” sözünün tərcüməsi işıqların kralı, işıq şahı mənasına gəlir. Məscidin inşasında milyonlarla kiçik şüşə və mozikadan istifadə edilib. XIV əsrdə inşa edilsə də, XX əsrdə təmir edilib.

2.Lalə Mustafa Paşa Məscidi

Kiprin Qazimağusa şəhərində Luzinyan dövründə qot üslubu ilə tikilmiş binadır. Osmanlı imperiyası 1571-ci ildə Kipri ələ keçirib və binanı məscidə çevirib. Bu binada keçmiş dövrlərdə bir çox kral və kraliçanın taclandırma mərasimi keçirilib.

3.Məscidül-Həram

Kəbənin içində yerləşən məsciddir. Dünyada inşa edilən ilk məsciddir. Məscidül-Həram müsəlmanların qibləsi olan və İbrahim peyğəmbər tərəfindən inşa edilən Kəbədədir. Məscidin içində Zəmzəm quyusu var.

4.Çəhrayı məscid

İranın Şiraz şəhərindədir və “Nasir Əl-Mülk Məscidi” əsl adıdır. Amma bundan başqa bir çox adları da var: “Çəhrayı Məscid”, “Rəngli Məscid”, Göy qurşağı Məscid” vəs.

Bu, işığın və ibadətin iç-içə girdiyi bir məkandır. Günün çıxması ilə məsciddə həyat başlayır və rənglər fırlanan dərvişlər kimi gün boyu rəqs edərək dolaşır.

5.Sultan Ahmet məscidi

1609-1616-cı illər arasında Osmanlı sultanı I Əhməd tərəfindən inşa etdirilib.  İnşaat işlərində mavi, yaşıl və ağ rəngli daşlardan istifadə edilib və yarım qübbələr və böyük qübbənin içi mavi rənglə işləndiyi üçün avropalılar bu məscidi “Mavi məscid” adlandırıblar.

6.Wilayah Persekutuan

Malayziyanın paytaxtı Kuala Lumpurdadır. Memarlıq üslubu ilə insanları heyrətləndirən məsciddir.

7.Putra məscidi

Malayziyada yerləşir. Putra məscidinin ən qabarıq xüsusiyyəti üzərində işləmələr olan böyük və kiçik çəhrayı qübbələrinin olmasıdır. Divarlarında şüşə ilə yanaşı gül işləmələri və mərmər oymaları da var. Qübbəsi çəhrayı qranitdən hazırlanıb.

8.Peterburq Mərkəzi Məscidi
Rusiyanın Peterburq şəhərindədir. 1909-cu ildə II Nikolayın icazəsi ilə təməli atılıb. Buxara əmiri Sayid Abd-al-Əhəd Xan məscidin ərazisinin alınması və inşası üçün pul ayırıb. 49 metr hündürlüyü olan iki minarəsi və 39 metr hündürlüyü olan qübbəsi var. 1920-ci ildə ibadət üçün açılıb.

9. Kul Şərif

Tatarıstan respublikasının Kazan şəhərindədir. İki platformadan ibarət məsciddir. Üst platform məscid kimi, alt platform isə muzey kimi fəaliyyət göstərir.

10.Moskva mərkəzi məscidi

Rusiyanın paytaxtı Moskvada Rusiya Müsəlmanlar idarəsi tərəfindən inşa edilib. 5000 nəfərlikdir. Osmanlı sənət üslubu ilə inşa edilib. 7 il inşaat işləri davam edir. Qübbəsi 46 metr hündürlükdədir. Minarələrin hündürlüyü isə 81 metrdir.

11.Çəhrayı məscid

Filippinin Maquindanao vilayətindəki Datu Suudi Ampatuan qəsəbəsində yerləşir. Rənginə görə belə ad verilib. 2014-cü ildə inşa edilib.

12.Sultan Qaboos məscidi

Omman sultanlığının paytaxtı Maskat şəhərindədir. Hind qumaşı içində inşa edilib.

13.Şeyx Zayed məscidi

BƏƏ-nin paytaxtı Abu-Dabi şəhərindədir. 2007-ci ildə açılışı olub. İnşaat məqsədi digər dinlərlə əlaqəni dəstəkləmək olub. 

Hikmət Həsənov
Ölkə.Az