Dünyanın ən kök qadını vəfat etdi
Müalicə olunmadan əvvəl dünyanın ən kök qadını sayılan Misir vətəndaşı vəfat edib.
"Ölkə.Az" xəbər verir ki, Eman bu gün səhər saatlarında artıq çəki səbəbindən yaranan xəstəlikləri ucbatından dünyasını dəyişib.
Eman Abdul Atti Abu Dabidəki "Burjeel" xəstəxanasında müalicə olunurdu. Bu gün səhər saatlarında dünyasını dəyişib. Xəstəxanadan verilən açıqlamaya əsasən, müalicə zamanı fiziki və mənəvi cəhətdən yaxşılaşan Attinin sağlamlığına 20 həkim nəzarət edirmiş.
Amma son bir neçə gün ərzində 37 yaşlı qadının böyrək çatışmazlığı və ürək problemləri sağlamlığına ciddi təsir edib.
Emanın çəkisi bir müddət 500 kilodan çox olub. May ayında isə Mumbayda edilən əməliyyatla çəkisi 300 kq-a qədər azalmışdı.
Hikmət Həsənov
Ölkə.Az
