Dünyanın ən qədim pivə zavodu tapıldı

“Ölkə.Az” xəbər verir ki, Qədim Misir sakinləri burada 5 min il əvvəl pivə istehsal ediblər.

Misirin dövlət rəsmisi Ayman Aşmavi məsələ ilə bağlı deyib: “Biz pivə bişirmək üçün istifadə edilən alətlərdən başqa insan və it mumiyaları tapdıq.

Mumiyalar eramızdan əvvəl 3200-3000-cü illərə məxsusdur. Tapılan it mumiyaları qədim ov tulası cinsinə məxsusdur. Bu isə onun sahibinin tanınmış və varlı insanlar olduğunu üzə çıxarır”.

Pivə dünyanın ən qədim spirtli içkilərindən biridir. Onun ilk dəfə qədim Misir və Çində üzə çıxdığı bilinir. Tarix isə 4 min il əvvələ aiddir.

İlk qədim pivə zavodu Tel-əl-Fərhə oazisində 20 il əvvəl aşkar edilib. 1998-ci ildə alimlər daha qədim pivə zavodunun qalıqlarını aşkar etdilər.

Eyni ildə Aşmavi və onun həmkarları daha iki pivə bişirilən bina tapdılar.

Hikmət Həsənov
Ölkə.Az