Dünyanın ən qüdrətli qadınları
“Ölkə.Az” xəbər verir ki, “Forbes” jurnalının “2018-ci ilin ən qüdrətli insanları” siyahısında 75 nəfərin adı var. Onlardan 5-i qadındır. Siyahını oxucularımıza təqdim edirik:
Angela Merkel
Vəzifəsi: Almaniyanın baş naziri
Reytinqdə yeri: 4
Yaşı: 63
Ailə vəziyyəti-Evli
Merkel ilk dəfə 13 il əvvəl Almaniyanın ilk kansler naziri seçilib. 2018-ci ilin mart ayında isə dördüncü dəfə bu posta layiq görülüb.
De-fakto Angela ötən ilin sentyabr ayında seçkilərdə qalib gəlmişdi. Almaniyanın radikal “Almaniya üçün alternativ” partiyası milli məclisə girdi və üçüncü oldu. Bununla da Almaniyanın seçki landşaftı dəyişdi.
Merkel Almaniya iqtisadiyyatını çox gücləndirib.
Vəzifəsi: İngiltərənin baş naziri
Reytinqdə yeri: 14
Yaşı: 61
Ailə vəziyyəti-Evli
Tereza Mey Devid Kemerondan sonra Böyük Britaniya hökumətinə rəhbərlik edir. Kemeron Britaniyanın Avropa İttifaqından çıxması barədə referendumun təşəbbüskarıdır.Referendumda qalib gələn Devid sonradan mövqeyini dəyişdirdi. Bu isə onun istefası ilə nəticələndi.
Ötən ilin iyun ayında keçirilən seçkilərdə Tereza Meyin rəhbərlik etdiyi Konservatorlar parlamentdə çoxluq təşkil etdi.
Kristin Laqard
Vəzifəsi: Beynəlxalq Valyuta Fondunun direktoru
Reytinqdə yeri: 22
Yaşı: 62
Ailə vəziyyəti-Subay
Laqard Çin, Rusiya, Böyük Britaniya daxil olmaqla 189 ölkədə iqtisadi məsələlərin nizamlanması üzərində işləyir. Kristin mərkəzi bankları kripto valyutanı rədd etməməyə çağırır. 2011-ci ildə Dominik Stross-Kanın əvəzinə qurumun direktoru təyin edilib. Eyni zamanda Beynəlxalq Valyuta Fondunun icraçılar şurasının sədridir.
Laqard vəzifəsindən sui-istifadə edərək Fransanın sabiq prezidenti Nikola Sarkozi və siyasətçi Bernar Tapiyə 404 milyon avro kompensasiya ödəməkdə ittiham edilib.
Meri Barra
Vəzifəsi: “General Motors”un direktoru
Reytinqdə yeri: 53
Yaşı: 56
Ailə vəziyyəti-Evli
Barra 38 ildir ki, “General Motors”da çalışır. Bu müddət ərzində özünə karyera qurub. 18 yaşından şirkətin zavodunda işə düzəlib ki, kollec təhsili üçün ödənişi düzəldə bilsin. Sonradan isə şirkətdə menecer postuna təyin edilib. İşinə düzgün əməl etdiyi üçün vəzifəsi artırılıb.
2017-ci ilin oktyabr ayında şirkət gələcəyin tam elektrikləşdiriləcəyinə inandığını bəyan etdi. 2023-cü il üçün Barra elektrik avtomobillərinin 18 növünü planlaşdırır.
2017-ci ildə şirkət Çinə 4 milyon avtomobil satıb. Bu isə ümumi bazarın 14%-i deməkdir.
Ebiqeyl Conson
Vəzifəsi: “Fideluty İnvestments” holdinqin rəhbəri
Reytinqdə yeri: 70
Yaşı: 56
Ailə vəziyyəti-Evli
Ebiqeylin babası II Edvard Conson 1946-cı ildə “Fidelity İnvestments” şirkətinin təməlini qoyub. Hazırda şirkət dünyada aktivlərin idarə edilməsi üzrə ən iri şirkətlərdən biridir.
Ebiqeyl Harvard biznes məktəbinin məzunudur. Şirkətin səhmlərinin 24.5%-i ona məxsusdur. Şirkət 2.4 trilyon dollarlıq aktivləri idarə edir. Onun qardaşı Edvard və bacısı Elizabet şirkətin cəmi 5% səhminə malikdir.
Hikmət Həsənov
Ölkə.Az
