"Dünyanın ən uca bayrağı Azərbaycan bayrağıdır" — Deputat

12:27
09.11.2018
834
Siyasət
A
"Hər millətin, hər xalqın taleyində bayraq bayramı keçirtmək, bayrağı uca tutmaq, dövlət müstəqilliyinin ən böyük göstəricisi olan bayrağa sahib olmaq nəsib olmur. Üç rəngli bayrağımız dövlət müstəqilliyimizin tarixində Azərbaycan xalqına verilən ən böyük xoşbəxtlikdir. Bayraq xalqın azadlığının göstəricisidir, şərəf və ləyaqət tariximizin təsdiqidir".

Bu fikirləri "Ölkə.Az"a açıqlamasında Milli Məclisin deputatı Fəzail İbrahimli bildirib. 

Deputat deyib ki, üçrəngli Azərbaycan bayrağı millətin milli birliyinin simvoludur: 

"Çünki bayraq altında bütün Azərbaycan xalqı birləşə bilir. Bayraq dövlətin hörmət və izzətinin izdihamıdır. Bu dövlətə, millətə və xalqa hörmət edən hər bir kəs üçrəngli bayrağımızın altında dayanır və Azərbaycanın Dövlət Himnini oxuyur. Ona görə də bayraq xalqımızın taleyi ilə bağlı olan məsələdir. Kimin dövləti varsa, onun bayrağı var. Azərbaycanın üçrəngli dövlət bayrağı tarixin çətin sınaqlarından çıxıb. Birinci dəfə bu bayraq nakam tale yaşadı. Ötən əsrin əvvəllərində Azərbaycan Xalq Cümhuriyyəti liderləri parlamentin açılışı günü üçrəngli bayrağımızı ucaltdılar. 1918-ci il mayın 3-ə qədər bu bayraq binanın üzərində dalğalandı. Amma atalarımızın gözəl misalı var ki, zalımların başı qarışanda, məzlum bildiyini edər. Zalım gəlib çıxdı, və bayrağımız yüksəkdən endirildi. Həmin dövrdə üçrəngli bayrağımız yerə endirilsə də, ancaq millətimizin qəlbində yaşadı, gənc nəsillərə ötürülə-ötürülə nəhayət ki, gəlib 1990-cı ilə çıxdı. Nəhayət, 1990-cı ildə də Ulu öndər Heydər Əliyev tərəfindən üçrəngli bayrağımız Naxçıvanda dövlət səviyyəsində qaldırıldı. Fevralın 5-də isə Azərbaycan Ali Soveti bu bayrağı qəbul etdi".

F.İbrahimli qeyd edib ki, 1991-ci ildə Azərbaycan müstəqilliyini bərpa etdikdən sonra yenə də bu bayraq ucaldılıb:

"Bizim elə insanlarımız var ki, onlar bu bayrağın həsrətilə yaşayaraq dünyadan nakam köçüb. Görkəmli şairimiz Məhəmməd Hadi təsadüfən "yoxdur millətimin imzası bu imzalar içində” deyə yazmırdı ki! Bu gün dünyanın ən uca dalğalandığı Azərbaycanın hər bir vətəndaşı gur səslə deyə bilər ki, var millətimin xətti imzalar içində. Çünki bu gün Azərbaycanın “Ginnesin Rekordlar Kitabı”na düşən dünyanən ən uca bayrağı var. 2010-cu ilin may ayında “Ginnesin Rekordlar Kitabı” bunu qeydə alıaraq tarixə düşüb. Bu gün dünyanın ən uca bayrağı 162 metr hündürlükdə olan Azərbaycan bayrağıdır. Bu da millətimizin ucalığıdır. Bayraq hər zaman uca yerlərdə görünür. Qoyun bayrağımız əbədi dalğalansın. Fürsətdən istifadə edərək, mən də Dövlət Bayraq Günü münasibətilə bütün xalqımızı təbrik edirəm".

Vasif Həsənli
Ölkə.Az

ŞƏRH YAZ
0

İlham Əliyev Fələstin Dövlətinin başçısını təbrik edib

İlham Əliyev Fələstin Dövlətinin başçısını təbrik edib
18:35
14.11.2018
15104
Siyasət
A
Azərbaycan Respublikasının Prezidenti İlham Əliyev Fələstin Dövlətinin Prezidenti Mahmud Abbasa təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir:  

"Hörmətli cənab Prezident,

Fələstin Dövlətinin milli bayramı münasibətilə Sizə və xalqınıza öz adımdan və Azərbaycan xalqı adından təbriklərimi yetirirəm.

İnanıram ki, Azərbaycan ilə Fələstin arasındakı münasibətlər xalqlarımızın iradəsinə uyğun olaraq daha da genişlənəcək və inkişaf edəcəkdir.

Sizə möhkəm cansağlığı, işlərinizdə uğurlar, qardaş Fələstin xalqına sülh və rifah diləyirəm".

ŞƏRH YAZ
0

Fransalı deputat: ATƏT-in Minsk Qrupu xarab olub

Fransalı deputat: ATƏT-in Minsk Qrupu xarab olub
18:33
14.11.2018
8539
Siyasət
A
Jerome Lambert DağlIq Qarabağ münaqişəsindən danışdı

“Fransa merlərinin qondarma Dağlıq Qarabağa səfər etməsi və ya şəhərlərin qondarma Dağlıq Qarabağla qardaşlaşması təəsüf hissi doğurur”.

"Ölkə.Az" xəbər verir ki, bu açıqlamanı REAL TV-yə Azərbaycanda səfərdə olan Fransa parlamentinin deputatı Jerome Lambert etdi.

“Mən təəssüf hissi ilə qeyd edirəm ki, biz belə hallarla rastlaşırıq. Bildiyiniz kimi Fransada merlər dövlətdən asılı deyil, onlar seçiliblər və çox azaddırlar. Onlar hər hansısa bir şəhərlə münasibətə girə bilərlər, yəni əlaqə yarada bilərlər. Təbii ki, bu Fransa qanunvericiliyinə uyğun deyil, Azərbaycan ərazisi sayılan şəhərlərlə sənədələr imzalayırlar, qardaşlıq əlaqələri qururlar. Amma onlara qarşı hələ ciddi bir tədbir görülməyib. Ümid edirəm ki, bu cür hallarla tez-tez rastlaşmarıq. Həm də bu o qədər tez-tez rast gəldiyimiz fakt deyil. Amma bu fakt var. Merlər Qarabağa səfər edirlər və mən buna yalnız təəssüf edə bilərəm”, - fransalı deputat bildirib. 

Jerome Lambert münaqişənin həll edilməsi istiqamətində fəaliyyət göstərən ATƏT-in Minsk Qrupunun bu istiqamətdə işini də dəyərləndirdi.

“Təbii ki, hazırki vəziyyətdə biz buna baxsaq, ATƏT-in Minsk Qrupu işləmir, yəni xarab olub. Fransa əlbəttə ki, vacib ölkədir və həmsədr olan 3 ölkədən biridir. Fransanın sülh əldə olunmasında rolu böyük olmalıdır. Mən ümid edirəm ki, Fransa öz mövqeyini tam olaraq ortaya qoyacaq və bu münaqişənin həllində öz gücünü ortaya qoyacaq”, - deputat deyib.

Qeyd edək ki, Fransanın Sent-Etyen şəhərinin meri, "Fransa-Artsax" dostluq qrupunun üzvü Qael Perdrion Azərbaycanın işğal altında olan Qarabağ bölgəsinə qanunsuz səfər edib.

Məlumata görə, səfər çərçivəsində işğal altında olan Şuşa və Fransanın Sent-Etyen şəhərləri arasında qanunsuz olaraq "Dostluq bəyannaməsi" imzalanıb. Qeyd edək ki, Azərbaycanın qanunvericiliyə əsasən işğal altında olan Dağlıq Qarabağ bölgəsinə qanunsuz səfər edən şəxslər Xarici İşlər Nazirliyinin (XİN) arzuolunmaz şəxslər siyahısına daxil edilir.

ŞƏRH YAZ
0
BAĞLA