Dünyanın ən yaşlı qadını öldü
Dünyanın ən yaşlı insanı vəfat edib.
“Ölkə.Az” xəbər verir ki, İtaliyada dünyanın ən yaşlı qadını Emma Morano 118 yaşında ölüb. E.Morano 1899-cu ildə İtaliyanın şimalındakı Pyemont vilayətində anadan olub. Son illər o Pyemontun Laqo-Macore gölü yaxınlığındakı evində yaşayıb. Onun 117 il, 137 gün yaşadığı bildirilib. Qadının ölüm səbəbi açıqlanmayıb.
Qeyd edək ki, Emma Morano 2016-cı ildən sonra dünyanın ən yaşlı insanı sayılırdı. Ona qədər, 2016-cı il may ayında vəfat edən amerikalı Suzanna Muşatt Cons dünyanın ən yaşlı insanı sayılırdı. O, 117 yaşında ölüb. Ondan əvvəl isə Yaponiyada yaşayan Yasurato Koyede dünyanın ən yaşlı insanı idi. 2015-ci ildə ölən yaponun 113 yaşı vardı. O, 1903-cü ildə Yaponiyada doğulmuşdu.
Ziya Səccad
Ölkə.Az