Dünyanın ən yüksək ödənişli AKTRİSASI MÜƏYYƏNLƏŞDİ
"Ölkə.Az" xəbər verir ki, "Forbes jurnalı ən yüksək ödənişli aktrisaların reytinqini tərtib edib.
Siyahıya Skarlett Yohansson başçılıq edir. 1 iyun 2018-dan 1 iyun 2019-a qədər olan dövrdə aktrisa 56 milyon dollar qazanıb. Yohansson bu məbləğin əksəriyyətini Marvelin komik filmlərində“Qara Dul “ rolunda oynayarkən qazanıb. İkinci yeri "Amerikan ailəsi"ndə oynadığı rola görə məşhur olan Kolumbiya və amerikalı aktrisa Sofiya Verqara tutub. Serial ona 44,1 milyon dollar xeyir gətirib.
Üçüncü yerdə ildə 35 milyon dollar qazanan Riz Uizerspun yerləşir. Onluğa həmçinin Nikol Kidman, Cennifer Eniston, Keyli Kuoko, Elizabet Moss, Marqo Robbi, Şarliz Teron və Ellen Pompeo daxil olublar. Daha əvvəl Forbes Dueyna Johnsonu ən yüksək ödənişli aktyor adlandırmışdı. İl ərzində "Forsaj: Hobbs və şou" və "Göydələn" kimi filmlərin, həmçinin "futbolçular" serialının və "Under Armour" brendi ilə reklam müqaviləsinin sayəsində Conson 89,4 milyon dollar qazanıb.Reytinqdə ikinci və üçüncü yeri "Qisasçılar" franşizinin ulduzları Kris Hemsvort (76,4 milyon dollar) və Robert Dauni (66 milyon dollar) tutub. Onluğa həmçinin Aksay Kumar, Ceki Çan, Bradley Kuper, Adam Sendler, Kris Evans, Pol Radd və Uill Smit daxildir.
Müşfiq Məmmədov
Ölkə.Az
