Dünyanın məşhur modellərinin — UŞAQLIQ FOTOLARI

Dünyanın məşhur modellərinin
12:30
29.11.2017
3909
Maqazin
A
Dünyanın ən məşhur modelləri keçmişdə necə görünüblər?

 

 "Ölkə.Az" bu gün oxucularına məşhur modellərin uşaqlıq fotolarını təqdim edir.

Adriana Lima

1981-ci ildə Brazilianın Salvador vilayətində kasıb bir ailədə dünyaya gəlib.

13 yaşında bir marketdə alış-veriş edəndə kəşf edilib.

15 yaşında ikən "Ford Supermodel of Brazil Model Search" müsabiqəsinin qalibi olub. 1996-cı ildə "Ford Supermodel of the World Contest" müsabiqəsində 2-ci yeri tutub. Qısa müddət sonra Nyu-Yorka köçüb və peşəkar modelliyə başlayıb.

Bir sıra müxtəlif jurnalların üz qapağını bəzəyən Lima 1998-ci ildən "Victoria's Secret"in mələyinə çevrilib. 2003-cü ildə "Victoria's Secret"in açılış modeli olub.

2005-ci ildə məhdud sayda istehsal edilən "Pirelli" təqviminə çəkilib. Eyni ildə "dünyanın ən yaxşı 99 qadını" siyahısına liderlik edib. 2006-cı ildə bu siyahıda 4-cü yeri tutub.

Sindi Krouford

1980 və 1990-cı illərə damğasını vuran Sindi 2002-ci ildə "People" jurnalı tərəfindən "ən gözəl 50 insan" siyahısına daxil edilib. 50 yaşlı model 2006-cı ildə "Maxim" jurnalının siyahısında 26-cı yeri tutub.

Cici Hadid

Hələ 2 yaşında ikən "Guess" şirkətinin "Baby Guess" reklamına çəkilib. 2011-ci ildən "İMG Models" agentliyi ilə çalışır. 2012-ci ildə yenidən "Guess" markasının siması seçiləndə 21 yaşı var idi. 2014-cü ildə ilk dəfə Nyu-York Moda Həftəsində podiuma çıxıb. 2015-ci ildə "Pirelli" təqviminə çəkilib, 2015-ci ildə isə "Victoria's Secret"ə keçib.

Jizel Bündhen

36 yaşlı braziliyalı model 1999-cu ildə "Vogue" jurnalı tərəfindən "ilin modeli" seçilib. 20-dən çox ölkənin reklamına çəkilib. "Forbes" jurnalında "əyləncə dünyasının ən zəngin qadınları" siyahısında 16-cı pilləni tutub. 150 milyon dollarlıq sərvəti var. "Ginnesin Rekordlar Kitabı"na dünyanın ən zəngin supermodeli kimi düşüb.

Keyt Moss

14 yaşında Nyu-Yorkun hava limanında kəşf edilib və model kimi karyerasına başlayıb. 42 yaşlı ingilis model hər zaman diqqətləri üzərinə çəkib.

Miranda Kerr

"Victoria's Secret"in ən məşhur modellərindəndir. 13 yaşlı olanda "Dolly" jurnalının üz qapağına çəkilib. Avstraliyalı model qısa müddət ərzində həm təhsil alıb, həm də işləyərək məşhurlaşıb. Avstraliyanın "Portmans" dükanlar zəncirinin reklamına çəkilib.

Naomi Kempbell

15 yaşında "İtalia Conti Academy" tələbəsi olduğu dövrdə Bet Boldt tərəfindən kəşf edilib. 1988-ci ilin avqust ayında "Voque" jurnalının üz qapağına çəkilir. 47 yaşlı model jurnalın üz qapağına çəkilən ilk qaradərili modeldir. Maykl Ceksonun "The Closet" klipinə çəkilib və məşhurlaşıb.

Kara Delevin

24 yaşlı ingilis model 10 yaşı olanda "Vogue İtaly" jurnalına çəkilərək modelliyə başlayıb. 2012-ci ildə "British Fashion Awards" tərəfindən "ilin modeli" seçilib. 2014-cü ildən lüks modellərin simasıdır.

Klaudiya Şiffer

46 yaşlı alman model 17 yaşından bu işə başlayıb. "The New York Times", "Rolling Stone", "People" kimi jurnalların üz qapağına çəkilən ilk modeldir.

Tayra Benks

"Victoria's Secret"in modeli olan 43 yaşlı Tayra həm də televiziya aparıcısıdır. Benks "Time" jurnalının "dünyanın ən gözəl 100 insanı" siyahısına salınıb.

Dautsen Krus


31 yaşlı hollandiyalı model orta məktəbi bitirən kimi peşəkar modelliyə başlayıb. "Time", "Vogue", "Harper's Bazaar" kimi jurnallara çəkilib. "Victoria's Secret"in podiumuna çıxıb. "Forbes"in "dünyanın ən çox qazanan 15 modeli" siyahısına əlavə edilib.

İrina Şeyk

Tatar əsilli rus model 2007-ci ildən peşəkar model kimi fəaliyyət göstərir. Dünyanın bir çox məşhur jurnalının üz qapağına çəkilib. 2010-2015-ci illər arasında futbolçu Kristianu Ronaldu ilə sevgili olub.


Hikmət Həsənov
Ölkə.Az

ŞƏRH YAZ
0

Coşqun: “Könül Kərimova adam göndərdi ki…” — VİDEO

Coşqun: “Könül Kərimova adam göndərdi ki…”
23:40
18.10.2018
1593
Maqazin
A
ARB TV-nin növbəti qonaqları "Bu şəhərdə" komandasının üzvləri ssenarist Müşviq Abbasov və əməkdar artistlər Coşqun Rəhimovla Rafael İsgəndərov olub.

"Ölkə.Az" milli.az-a istinadla xəbər verir ki, Coşqun Rəhimov parodiya edərkən ən çox neqativ enerji aldığı məşhurdan danışıb:

"Könül Kərimova eşidəndə ki, biz onu parodiya edəcəyik, zəng elətdirdi, Cabbar müəllimi göndərdi. Bizdən xahiş etdi ki, xətirə dəyən bir şey olmasın, Könül xanım özünü pis hiss edir. Biz and-aman etdik ki, neqativ bir şey yoxdur.

Könül xanımın həm sənətinə, həm də özünə böyük hörmətimiz var. Sadəcə bu toy adamı olduğuna və yerinə düşdüyünə, özünü Şakira ilə müqayisə etdiyinə görə maqazin verilişlərində çox populyar idi.

Güc-bəla konsertə də gəldi, oturdu. Makiyajsız, şubada, eynək də gözündə gəldi ki, onu tanımasınlar. Obrazına baxırdı, əsirdi. Onu parodiya edən aktyor, yəni mən, onun reaksiyasına baxıb, oynamaq istəyir. O qədər neqativ enerji verdi ki, obraz alınmadı".

Ölkə.Az

ŞƏRH YAZ
0

Nüsrət bu evdə doğulub… — FOTO

Nüsrət bu evdə doğulub…
21:59
18.10.2018
2268
Maqazin
A
Məşhur “qəssab” Nüsrət Gökçə anadan olduğu evin fotosunu paylaşıb.

“Ölkə.Az” xəbər verir ki, o, yurdu Ərzuruma gedib və doğulub, böyüdüyü yerləri ziyarət edib. O, anadan olduğu evin fotosunu paylaşaraq “Mənim motivasiyam. Bura mənim doğulduğum evdir” qeydini yazıb.

“1994-1995-ci illər. 13 yaşımda maddi imkansızlıq səbəbi ilə məktəbi yarımçıq qoyub işə başladım. Hər gün 18-20 saat işləyib, atamdan 1 TL istəmədim. İstəsəm də yox idi. 2009-2010-cu illərdə sadəcə 12 stol, 10 əməkdaş, 2017-ci ildə isə 12 restoran 1000 işçim var idi. Qarşınızda artıq dünya markası var. Hamımızın markası, hamımızın uğuru…”, - deyə o, bildirib.

Ölkə.Az

ŞƏRH YAZ
0
BAĞLA