Düşünülmüş qərarlar verin...

Düşünülmüş qərarlar verin...
00:14
06.10.2018
3301
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - əvvəlki günün ruhu və təmayülləri davam edir. Lakin keçmişin energetikasından qurtulun.

Sürətlə aktivləşən və planlaşdırılmamış şəkildə məğzini dəyişə biləcək ünsürü kontrolda saxlayın.

Yaşam arealınızda, işgüzar münasibətlərinizdə qayda yaradın.

Həmkarlar və ailə üzvləri ilə münaqişələrə rəvac verməyin.

Yaranan ideyalar toplusundan birini, ən vacibini, sərfəli və maraqlısını seçin. Bir mövzunun çərçivəsində qalmayın, hadisələrin ritminə uyğun hərəkət edin.

Buğa - nevroz, əsəbi gündür. Daxili narahatlıq, gərginlik hiss edəcəksiniz. Hisslərə qapılmayın, emosional olmayın.

Düşünülməmiş qərarlar verməyin. Nəzərdə tutduğunuz işləri kənardan yardım gözləmədən həyata keçirin.

Yaxşı tanımadığınız insanlara bel bağlamayın.

Günün ikinci yarısında rutin məsələlərin həlli sizi qıcıqlandırmamalıdır.

Axşam saatlarında əhvalınız yaxşılaşacaq.

Əkizlər - maraqlarınızı reallaşdırmağa çalışın. Süst və ətalətli olsanız, mühüm məqamı əldən buraxa bilərsiniz. Çoxdan bəri gerçəkləşdirmək istədiyiniz plan çərçivəsində konkret addımlar atmaq üçün şans yaranıb.

Böyük ümid və gözləntiləriniz olduğu məsələdə, layihədə və ya işdə baş verənləri diqqətlə izləyin. Kimsə yaşamınıza müdaxilə etməyə çalışır. Belə siqnalları gözdən qaçırmayın. Hətta ən qəribə və qeyri-adi hadisələrin səbəblərini anlamağa can atın.

Xərçəng - səhər saatları yeni işə başlamaq üçün münasib zaman deyil. Yarımçıq qalmış işi tamamlayın. Diqqətiniz dağınıq olmamalıdır. Ən adi məsələlərin həllində aciz qalmayın. Yalnız özünüzə güvənin. 

Günün ikinci yarısında bəzi problemlərin çözümündə həmkarların təcrübəsindən yararlana bilərsiniz. Tələbatınızı təmin etmək üçün zəruri addımları atın.

Axşam saatlarında qonaq getmək, yaxud maraqlı məkanlardan birinə baş çəkmək olar.

Şir - ən aktual məsələlərin həllinə başlaya bilərsiniz. Saatlar keçdikcə enerjiniz azalacaq. Bu səbəbdən imkanlarınızdan maksimum istifadə edin. Az qala dahiyanə saydığınız ideyalar, əslində, illüziyalardır. Xəyallara qapılaraq yanlış addımlar atmayın.

Günün ikinci yarısında pərişanlığa düçar olmamaq üçün çevik və aktiv olun. Məsuliyyətin etirafından qorxmayın. 

Axşam saatlarında tərəfdaşlar və ya dostlarla ünsiyyət alınmaya bilər. Maliyyə məsələləri ön plana çıxacaq.

Qız - günün ilk yarısı uğurlu zamandır. Planlarınızı reallaşdırın. Hadisələrin axarına təsir imkanlarınız var. Niyyət və istəklərinizin məcmusunu bir daha dəyərləndirin.

Günün ikinci yarısında ideyalarınız nə qədər cazibədar da olsa, məsləhətləşməyi unutmayın. Ailə üzvləri və qohumlarla ünsiyyətdə aqressivliyə yol verməyin. Əks təqdirdə münaqişə, qarşılıqlı inciklik yarana bilər.

Axşam saatlarını evdən kənarda keçirin, istirahət edin. 

Tərəzi - səhər saatlarından etibarən əhvalınız yaxşı olacaq. Hər şeyə rəğmən, nikbin davranın. Hadisələrin məcrası pozitiv deyil. Ruhdan düşməyin, bədbinliyə qapılmayın.

Günün ikinci yarısında yeni şərtlər və qəfil hadisə bəzi planlarda dəyişiklikləri qaçılmaz edəcək. Cari problemlərin həlli üçün istirahəti, əyləncəni unudun.

Axşam saatlarını ailə üzvlərinizə həsr edin.

Əqrəb - məsuliyyətli və genişmiqyaslı layihənin icrasına başlamaq olar. Əvvəllər başladığınız işləri, təbii ki, başa vurmağı unutmayın. Diqqətli olun, ətrafınızda baş verən hadisələri izləyin.

Günün ikinci yarısında məqsədə çatmaq üçün ən optimal yolu seçin. Problemlərin effektiv həll yollarını arayın.

Çətinliklərin öhdəsindən kreativ, qeyri-trivial yolla gələ bilərsiniz.

Axşam saatlarında dostlarınızın, dəyər verdiyiniz insanların qayğısına qalın.

Oxatan - bildiyiniz kimi hərəkət edin. Kənar məsləhətlərə çox aludə olmayın. Bununla belə, situasiyanın tələblərini, günün şərtlərini nəzərə alın. Sizə dəyər verən insanlarla qaba davranmayın.

Günün ikinci yarısında qarşılıqlı sayğı və anlaşma varsa, komanda fəaliyyəti əla nəticə verəcək. Yaşlı qohumlardan birinin sözlərindən faydalanmaq zamanıdır.

Axşam saatları üçün nəzərdə tutduğunuz görüş sizdən asılı olmayan səbəblərə görə təxirə salına bilər.

Oğlaq - eyni vaxtda bir neçə mühüm mövzuda və ya istiqamətdə yeniliklər yaşana bilər. Planlar dəyişə bilər. Yaxın ətrafınızdakı insanlara qıcıqlanmayın. Səbrli olun, təmkinli davranın.

Bu gün təşkilatçılıq bacarığınızın olub-olmadığı bilinəcək.

Həddən artıq narahatlıq nümayiş etdirməyin. İşdə və ailədə maksimal tələbkarlıq göstərməyin, xırdaçılığa varmayın. Əks təqdirdə münaqişə qaçılmazdır.

Cari işlərlə məşğul olun və hadisələrin intensivləşməsindən gərəkli nəticələr çıxarın.

Axşam saatlarında maraqlı ünsiyyət məsləhətdir.

Dolça - rahat və adi günlərdən biri deyil. Bəzi nüanslar sizi saatlarla gərginlikdə saxlayacaq. Çevik və mütəhərrik olun. Yaranan problemləri ən qısa zamanda çözməyə can atın. 
Günün ikinci yarısında işgüzar təmasları aktivləşdirin. Karyeranız həmkarlarınız və tərəfdaşlarınızın sizə münasibətlərindən əhəmiyyətli dərəcədə asılı olmamalıdır. İşdə rəhbərliklə, həmkarlarla rəvan münasibətləri qoruyun. 
Axşam saatlarında normal istirahət edin. Əyləncəyə yollana bilərsiniz.

Balıqlar - günün ilk yarısında qarşınızda duran məqsədlərə çatmaq üçün aktiv çalışın. Fəal olun, süstlük etməyin. Eyni zamanda, tələskənlik də yaramaz. Düşünülmüş qərarlar verin.

Günün ikinci yarısında aramla irəliləyiş sürətli sıçrayışlarla müqayisədə daha yaxşı nəticələr verəcək. İşdə rəhbərliklə danışmaq üçün münasib zamandır. Yaxın ətrafınızdakı anlaşılmazlığı aradan qaldırın.

Qarşılıqlı güzəştlər və qayğı daha yaxşı sonuclar verəcək.

Ölkə.Az

ŞƏRH YAZ
0

Çində bir kəndin minlərlə sakinini UNO oğurladı — YENİ İDDİA

Çində bir kəndin minlərlə sakinini UNO oğurladı
16:11
Bu gün
1034
Maraqlı
A
Çinin Şensi vilayətində 1987-ci ildə baş verən hadisənin təfərrüatı üzə çıxıb.

 “Ölkə.Az” xəbər verir ki, ərazidə olan kəndin sakinləri bir gecədə yoxa çıxıblar. Maraqlıdır ki, bu kəndin adı heç yerdə qeyd edilmir və bu barədə xəbər yazmaq, süjet hazırlamaq qadağan edilib. Amma bu yaxınlarda məsələ yenə üzə çıxıb və sosial şəbəkələrdə böyük səs-küy yaradıb.

Kəndin bütün sakinləri bir gecədə yoxa çıxıblar. Mindən çox sakini olan kəndin eyni zamanda ev heyvanları da yoxa çıxıb. Bununla yanaşı, insanların bütün əşyaları olduğu kimi qalıb. Qəribədir ki, insanların yoxa çıxmasından bir həftə əvvəl ərazi yaxınlığında səmada klassik disk formalı UNO və alovlar görünüb.

Qonşu kəndlərdən birində yaşayan yerli sakin qeyd edir ki, səmada kəndin üzərinə enən nəhəng obyekt görüb. Bu obyekt peyda olduqdan sonra hava tutqunlaşdı. Sonra isə obyekt bənövşəyi şüa və güclü səs buraxaraq şimala doğru uçub.

Başqa bir şahid isə bildirib ki, daşlı ərazidə ilanları az-az görmək olardı. Amma sakinlərin yoxa çıxmasına az qalmış hər addımbaşı ilanlar görünüb.

Çinin “NTDTV” kanalı məsələsini araşdırmaq istəyib. Kanalın xəbərinə əsasən, hərbçilər arasında bu hadisə “Gecə pişikləri ilə bağlı insident” adlandırılır.

İnsanlar yoxa çıxdıqdan sonra əsgərlərlə dolu maşınlar kəndə gedən yolda görünüblər. Onlar bütün çıxışları tutublar və heç kəsi əraziyə buraxmayıblar. Bir versiyaya görə, kənd sakinlərini məzh hərbçilər maşınlarla gizli şəkildə harasa aparıblar. Amma təxliyənin səbəbi bilinmir. Eyni zamanda kanalın rəhbərliyinə sonradan bu məsələni araşdırmamaq tapşırığı gəlir.

Başqa bir versiyaya görə, kəndin yanındakı dağda gizli hərbi baza olub. Kənd sakinlərini də bu məqsədlə ərazidən təxliyə ediblər...

Ölkə.Az

ŞƏRH YAZ
0

“Şəhərdəkilər məndən açıq geyinir” — Dekoliteli geyimləri ilə gündəmdə olan Lətifə Soyuöz - VİDEO

“Şəhərdəkilər məndən açıq geyinir”
13:51
Bu gün
3346
Maraqlı
A
ARB TV-nin “Show news” verilişinin növbəti müsahibi müğənni Lətifə Soyuöz olub.

"Ölkə.Az" xəbər verir ki, müğənni onu geyiminə görə tənqid edən sadə camaatı qınayıb:

“Bu gün “İnstagram”a baxıram ki, hamı açıq-saçıq geyimdə, qısa paltardadır. İlla mən, mən. Bilmirəm niyə görə bu belədir? Kənardan da, güzgüdən də özümə baxanda özümü çox sevirəm. Sadəcə mən daha çox gözə çarpıram. Mən qısadan və dekolitedən daha az istifadə edirəm. Biz artıq yay ayındayıq. Mən adi, sadə qara mayka geyinirəm. Nələr dedilər... Nə edim, istidə “vadalaska”da gəzim? Siz bayırda paltoda, qapalı gəzirsiz? Ötən gün şəhərə çıxmısam, baxdım gördüm ki, sanki hamı bu dəqiqə səhnəyə çıxacaq. Hamı dekolitedə, açıq geyinib. Müğənnilər hansısa yaxşı işlərdə, yardımda nümunə ola bilərlər, amma səhnədə performans göstərəndə onların nümunə işini yaddan çıxarın. Biz insanlara xoş aura yaşatmağa, gözlərini rəngləndirməyə çalışırıq. Bizim üçün səhnə kostyumları tikilir, o geyimlə bayıra çıxmaq olmaz”.

ŞƏRH YAZ
0
BAĞLA