"Düz deyir də, indiki vaxtda kilosu 2 manata kartof olar?" — Vahid Əhmədovdan Əli Əhmədovun İRADINA REAKSİYA

13:53
23.08.2019
8242
Ölkə
A
“Baş nazirin müavini Əli Əhmədovun bazarlara və marketlərdə qiymətlərlə maraqlanmasını alqışlayıram. Nəhayət ki, hökumət üzvlərindən biri çıxıb bazarlardakı vəziyyətlə maraqlandı”.

Bunu “Ölkə.Az”a açıqlamasında millət vəkili Vahid Əhmədov deyib.

Onun sözlərinə görə,  bəzi məhsulların  baha olması başadüşüləndir: “Çünki onların istehsalı üçün müəyyən komponentlər ölkəyə idxal olunur. Amma elə məhsullar var ki, onun xariclə heç bir əlaqəsi yoxdur. Azərbaycanda istehsal olunur, ancaq qiymətlər bahadır”- deputat bildirib.

Baş nazirin müavini  Əli Əhmədovun  kənd təsərrüfatı naziri ilə birgə bazarlarda və marketlərdə qiymətlərlə maraqlanmasına gəldikdə, deputat  hökumət üzvlərinin bu addımını təqdir edib. Bildirib ki, baş nazirin özü də bazarda  kartofun kilosunun 2 manat olmasına etiraz edib. “Düz deyir də,  indiki vaxtda kilosu 2 manata kartof olar? Ümumiyyətlə, qiymətlər çox bahadır. Niyə bahadır?  Bəlli deyil. Bunun səbəbi araşdırılmalıdır. Ona görə də baş nazirin müavinin bazarı gəzməsi qiymətlərlə maraqlanması yaxşı oldu.  Bunun səbəbi araşdırılmalıdır”- V.Əhmədov bildirib.

Deputat qiymətlərin baha olmasını bir sıra səbəblərlə əlaqədar olduğunu hesab edir: “Ya ixracat həddən artıqdır ki, qiymət bahadır, ya kəndliyə məhsulu rahat bazara çıxarmasına imkan verilmir.  Dəllalar ortada qazanır. Onlar qiyməti qaldırır. Ona örə  bu vəziyyəti araşdırmağa ciddi ehtiyac var. Amma indiki vaxtda  bəzi məhsulların qiyməti çox bahadır.  Heç kimə sir deyil ki, bu il qiymətlər keçən ildəkindən də bahadır”.

 Bazarda məhsull bolluğu yaratmaq və qiymətləri tənzimlənməsi istiqamətində hansı zəruri addımların atılmasına gəldikdə  millət vəkili bildirib ki, bunun üçün hökumətin müvafiq qurumları var və onlar araşdırma aparıb  və monitorinqlər həyata keçirməli, qiymət artımım səbəbi öyrənilməlidir. “Ölkə başçısı  tərəfindən ölkədə kənd təsərrüfatı məhsullarınıın istehsalının  artırlması, əhalinin rifah ahlının yaxşılaşıdırılması məqsədi ilə güzəştli kreditlər, subsidiyalar verilib. Ancaq qiymətlər yenə də bahadır. Oan görə də bazarı araşdırmağa çox ehtiyac var. Hərə öz istədiyi qiyməti qoyur.  Düzdür, qiyməti  bazar tənzimləyir. Gündəlik tələbat ərzaq məhsulları olduğundan insanlar da bu məhsulları almağa məcburdur.

Odur ki, monitorinq yolu ilə bunun vəziyyəti öyrənilməlidir”- millət vəkili bildirib.

Mürtəza
Ölkə.Az

 

ŞƏRH YAZ
0

Ötən il Prezident Administrasiyasına ən çox bu rayonlardan şikayət edilib — SİYAHI

Ötən il Prezident Administrasiyasına ən çox bu rayonlardan şikayət edilib
08:39
Bu gün
148
Ölkə
A
“Vətəndaşların ərizələri əsasən onların düşdükləri müəyyən çətinliklərin, o cümlədən mənzil-məişət, təhsil, sağlamlıq problemlərinin həlli barədə xahişlərdən ibarət olursa, şikayətləri bilavasitə pozulan hüquqlarının müdafiəsi və bərpası, qanuni tələblərinin yerinə yetirilməsinə törədilən əngəllərin aradan qaldırılması, vəzifəli şəxslərin qanunazidd hərəkətlərinə qarşı müvafiq tədbirlər görülməsi barədə olur”.

"Ölkə.Az" xəbər verir ki, bu, Azərbaycan Respublikası Prezidenti Administrasiyasının Vətəndaşların müraciətləri ilə iş şöbəsinin müdiri Süleyman İsmayılovun rəsmi  mətbuatda dərc edilən “Azərbaycan Prezidentinin dərin islahatları vətəndaş müraciətlərində qaldırılan məsələlərin həllinə böyük inam yaradır” başlıqlı məqaləsində əksini tapıb.

Məqalədə qeyd edilib ki, şikayətlərin təhlili və onlara obyektiv baxılması dövlət qurumlarında biganəliyin, süründürməçiliyin qarşısını almağa kömək etdiyinə görə bu müraciətlər daha diqqətlə öyrənilir. Prezident Administrasiyasına daxil olan şikayətlər hansı sahələrdə və ya hansı bölgələrdə işin düzgün qurulmadığını da əks etdirdiyinə görə onların sayı, mövzuları, haradan daxil olması və onları doğuran səbəblər mütəmadi olaraq təhlil edilir:

“Ümumiyyətlə, 2019-cu ilin rəqəmləri göstərir ki, şikayətlərin sayı 2018-ci illə müqayisədə Xətai, Yasamal, Yevlax, Ağdam, Ağstafa, Ağsu, Beyləqan, Bərdə, Biləsuvar, Cəbrayıl, Gədəbəy, İmişli, Laçın, Neftçala, Salyan, Şamaxı, Şəmkir, Zərdab, digər şəhər və rayonlardan artmış, Sabunçu, Daşkəsən, Göygöl, Hacıqabul və başqa rayonlardan azalıb. Mövzular üzrə təhlil göstərir ki, hüquq-mühafizə və məhkəmə orqanlarının, həmçinin vəzifəli şəxslərin fəaliyyəti, bank əməliyyatları, kreditlərin verilməsi, əmək mübahisələri, işdən çıxarılma, səhiyyə müəssisələrinin və tibbi personalın fəaliyyəti, fərdi torpaq və əkin sahələrinin zəbt olunması, əlillik dərəcələrinin düzgün təyin edilməməsi, tibbi-sosial ekspert komissiyalarının, özəl müəssisələrin fəaliyyəti, mərkəzi və yerli qurumlarda vətəndaşların qəbulu və müraciətlərinə baxılması, bəzi şəhər, rayon icra hakimiyyətlərinin və bələdiyyələrin fəaliyyəti ilə bağlı şikayətlər daha çoxdur. Bəzi şəhər, rayon icra hakimiyyətlərinin, yerli icra hakimiyyəti başçılarının inzibati ərazi üzrə nümayəndələrinin fəaliyyəti barədə şikayətlər az deyil.

2019-cu ildə Prezident Administrasiyasına bələdiyyələrin fəaliyyəti ilə bağlı daxil olan müraciətlərin ümumi sayı əvvəlki illə müqayisədə 31 faiz, şikayətlərin sayı 46,4 faiz artıb. Bələdiyyələrin fəaliyyətindən narazılıq bildirilən müraciətlər Binəqədi, Xəzər, Lənkəran, Şəki, Ağcabədi, Beyləqan, Bərdə, Biləsuvar, Cəlilabad, Gədəbəy, Göyçay, İmişli, Masallı, Saatlı, Sabirabad, Şabran, Şamaxı, Şəmkir, Zaqatala, Zərdab, digər şəhər və rayonlardan daha çox olub”.

Ölkə.Az

ŞƏRH YAZ
0

Bakıda iki nəfəri bıçaqlayan 17 yaşlı yeniyetmənin işi üzrə istintaq başa çatdı

Bakıda iki nəfəri bıçaqlayan 17 yaşlı yeniyetmənin işi üzrə istintaq başa çatdı
07:44
Bu gün
468
Ölkə
A
Paytaxtın Sabunçu rayonunda iki nəfəri bıçaqlmaqda təqsirli bilinən Məmmədov Qulu Ramik oğlunun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Azər Paşayevin icraatına verilib.

İş üzrə məhkəmə hazırlıq iclası fevralın 24-nə təyin olunub.

Qeyd edək ki, hadisə paytaxtın Sabunçu rayonu ərazisində baş verib.

Sabunçu rayonu, Sabunçu qəsəbə sakini, 2002-ci il təvəllüdlü Məmmədov Qulu Ramik oğlu qəsəbə ərazisində aralarında yaranmış mübahisə zamanı 1989-cu il təvəllüdlü Osmanov Pərvin Xanlar oğlunu ürəyindən bıçaqlayıb.

Q.Məmmədov, həmçinin qəsəbə sakini, 1995-ci il təvəllüdlü Abbaslı Nihat Ehtiram oğluna qarın boşluğundan bıçaqla xəsarət yetirib.

Hər iki yaralı xəstəxanaya yerləşdirilib.

Qulu Məmmədova qarşı Cinayət Məcəlləsinin 126.2.1-ci (iki və daha artıq şəxsin qəsdən sağlamlığına ağır zərər vurma) maddəsilə ittiham verilib.

Natiq Allahverdiyev
Ölkə.Az

ŞƏRH YAZ
0
BAĞLA