DYP Astarada reyd keçirdi

DYP Astarada reyd keçirdi
12:17
11.08.2018
2292
Ölkə
A
Astara Rayon Polis Şöbəsinin dövlət yol polisi bölməsi və 1 saylı Ərazi Ekologiya və Təbii Sərvətlər şöbəsinin əməkdaşlarının birgə təşkilatçılığı ilə ölkəmizdə keçirilən “təmiz hava” aylığı çərçivəsində Lənkəran şəhərində nəqliyyatın sıx olduğu küçələrdə reyd keçirilib.

DİN Mətbuat Xidmətinin Lənkəran regional qrupundan "Ölkə.Az"a verilən məlumata görə bu cür reydlərin keçirilməsində məqsəd avtomobillərin ixrac qazlarının tərkibində olan zərərli maddələrin atmosferi çirkləndirməsinin qarşısını almaqdır. Astarada rayonun müxtəlif ərazilərində təşkil olunan reyd zamanı yol polisi və ETSN-nin əməkdaşları sürücülərin bir daha diqqətinə çatdırıblar ki, istifadələrində olan avtomobillərin yanacaq sistemini tənzimləməklə onları saz vəziyyətə gətirməli və ixrac qazlarının tərkibinin normalara uyğunlaşdırılmasını təmin etdikdən sonra istismarına yol verməlidirlər. 

Bununla yanaşı dəfələrlə maarifləndirici işlər, qanunamüvafiq digər tədbirlər görülməsinə baxmayaraq reyd zamanı sərxoş halda avtomobil idarə edərək həm nəqliyyatın həm də piyadaların hərəkəti üçün təhlükə törədən sürücülər aşkarlanıb. 

Eyni zamanda sürücülük hüququ olmadan avtomobil idarə edən, avtomaşınlarda ciddi konstruksiya dəyişikliyi edən və digər kobud qayda pozuntularına yol verən sürücülər də müəyyən edilərək barələrində protokol tərtib edilib. Dövlət Yol Polisi və ETSN-nin birgə təşkilatçılığı ilə keçirilən “təmiz hava” aylığı aksiyası avqustun 31-dək davam edəcək.

ŞƏRH YAZ
0

“Qorxdum, qaytar desəydi, qaytarardım” — Admistratorun döydüyü yağ oğrusu DANIŞDI – VİDEO

“Qorxdum, qaytar desəydi, qaytarardım”
16:46
Bu gün
42
Ölkə
A
Bakıda oğurluq edən şəxsi mağaza direktoru və satıcılar özləri cəzalandırıblar, amma, bu əməlləri onlara baha başa gəlib.

"Ölkə.Az" ARB TV-yə istinadən xəbər verir ki, bir neçə gün əvvəl Xətai rayonu General Şıxlinski küçəsi 2 saylı ünvanda yeləşən marketdən 20 manat dəyərində yağ oğurlayan Dmitri Timurbulatov həmin mağazanın işçiləri tərəfindən döyülüb.

Mağaza rəhbərliyi və satıcılar oğurluq hadisəsi barədə polisə məlumat verməyərək həmin şəxsin bədəninin müxtəlif yerlərinə  təpik və yumruqla vuraraq xuliqanlıq ediblər.

Dmitri Timurbulatov – Zərərçəkən şəxs: “Marketə girdim, yağ götürdüm 4 dənə. Çıxdım, geri qaytarmaq istəyirdim, kameraya düşdüm. Administrator çıxdı, gördüm, qorxdum. Dedim tutacaqlar, ya da polisə verəcəklər. Yağı qaytar desəydi qaytarardım, 100 dəfə də çox sağol deyərdim. Qaçdım, iki nəfər çatıb başladılar döyməyə. Sonra apardılar administratorun yanına, o da vurdu məni”.

İctimai asayişi pozaraq xuliqanlıq etməkdə şübhəli bilinən mağazanın icraçı direktoru Anar İsayev, satıcılar Tahir Rəşidov və Elşən Məmmədov Xətai Rayon Polis İdarəsinin əməkdaşları tərəfindən müəyyən edilərək saxlanılıblar. Araşdırma zamanı məlum olub ki, mağazadan oğurluq edilməsini əvvəlcə satıcılar aşkar ediblər.

Anar İsayev – Saxlanılan şəxs: “Mən ora çatanda gördüm ki, işçilər onun üstündən mağazadan oğurladığı məhsulları götürürlər. Tənbehlədim ki, niyə vurmusan. Dedi – “mənə elə söyüş söydü ki, saxlaya bilmədim özümü”. Təbii ki, düzgün hərəkət deyil, o zaman hissləri cilovlayıb lazımi orqanlara müraciət etmək lazım idi”.

Elşən Məmmədov – Saxlanılan şəxs: “Bir nəfər şübhəli şəxs gördük, dalınca getdik mən, Anar müəllim, bir də Tahir. Yerə yıxılanda qaldırmaq istəyirdik, oğru Tahiri söydü, o da təpik vurdu. Yağları çıxardıq, ayağa qaldırıb marketə apardıq”.

Faktla bağlıXətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb. İstintaq hərəkətləri davam etdirilir.

ŞƏRH YAZ
0

Təlimlərdə döyüş atışları keçirilib — FOTO

Təlimlərdə döyüş atışları keçirilib
16:19
Bu gün
350
Ölkə
A
Azərbaycan ordusunun genişmiqyaslı təlimlərinin planına uyğun olaraq müxtəlif poliqonlarda və müasir avadanlıqla təchiz edilmiş təlim sahələrində gündüz vaxtı döyüş atışları icra olunub.

Müdafiə Nazirliyinin mətbuat xidmətindən "Ölkə.Az"a verilən məlumata görə, motoatıcı, tank, raket-artilleriya, zenit-raket bölmələri, hava hücumundan müdafiə vasitələri, aviasiya, eləcə də digər birləşmələr silah və texnikanın tətbiqi ilə təlim-döyüş tapşırıqlarını yerinə yetiriblər.

Müasir ümumqoşun döyüşünün prinsiplərinə riayət edilməklə, mürəkkəb relyef şəraitində və şərti düşmənin ehtimal olunan fəaliyyəti nəzərə alınaraq qoşunların, eləcə də idarəetmə sistemlərinin qarşılıqlı əlaqədə effektiv tətbiqi həyata keçirilib. Təlimlərdə həmçinin hava desantının döyüş tətbiqi üzrə tapşırıqlar da icra olunub.

Müdafiə Nazirliyinin rəhbərliyi təlimlərə cəlb olunan qoşunların peşəkarlığını və şəxsi heyətin hazırlığını yüksək qiymətləndirib.

ŞƏRH YAZ
0
BAĞLA