Ebola virusu geri qayıtdı
Demokratik Konqo Respublikasının kəndlərində Ebola virusu yenidən üzə çıxıb.
“Ölk.Az” xəbər verir ki, virus artıq 1 milyon nəfər əhalisi olan Mbandaka şəhərinə də yayılıb. Mütəxəssislər əhalinin sıx yaşadığı ərazidə virusla mübarizənin çətin olacağını düşünürlər.
Şəhər paytaxt Kinşasa da daxil olmaqla bir çox bölgənin önəmli ticarət nöqtəsidir.
Bu günə qədər müəyyən edilən 42 yoluxma hadisəsinin 23-ü ölümlə nəticələnib. Daxili orqanlarda qanaxmaya səbəb olan Ebola ölümcül xəstəlik sayılır.
Qeyd edək ki, 2014-2016-cı illər arasında Qvineya, Liberiya və Sierra Leonda Ebola 11 min 300 nəfərin ölümünə səbəb olub.
Hikmət Həsənov
Ölkə.Az
