Ebola virusu Konqoda 125 can aldı
Ümumdünya Səhiyyə Təşkilatının rəsmi nümayəndəsi Tarik Yazareviç bildirib ki, Konqo Demokratik Respublikasında Ebola virusu 125 nəfərin ölümünə səbəb olub.
“Ölkə.Az” xəbər verir ki, virusa 200 nəfər yoluxub və onlardan 125-i dünyasını dəyişib.
“Ötən gecə biz Şimali Kivuda 200 yoluxma faktı qeydə aldıq. Onlardan 165-i laboratoriya şəraitində sübut edilib. 35 nəfərdə isə ehtimal edilir. Ebolaya yoluxanlardan 125 nəfəri dünyasını dəyişib”, - deyə Yazareviç bildirib.
Risk zonasında, xüsusən də Beyni rayonunda keçirilən hərbi əməliyyatlar xəstəliklə mübarizə işini çətinləşdirir və yoluxma riskini artırır. Bundan başqa, bir çox xəstə vaksinasiyadan imtina edir və həkimə müraciət etmir. Gələnlərin bir çoxu isə artıq virusun kəskinləşmiş vəziyyətində olur.
Hikmət Həsənov
Ölkə.Az
