KORONAVİRUSA YOLUXANLARIN SAYI - CANLI STATİSTİKA

Afaq Bəşirqızı: "Azərpaşa Nemətov Hacıbala Abutalıbovdan örnək götürməlidir" — MÜSAHİBƏ

Afaq Bəşirqızı:
15:08
22.10.2019
19317
Mədəniyyət
A
Xalq artisti Afaq Bəşirqızı Azərbaycan Teatr Xadimləri İttifaqının XIV Konfransını boykot edib və konfransı yarımçıq tərk edib.

- Afaq xanım, bildiyimizə görə, siz Teatr Xadimləri İttifaqının Konfransını yarımçıq tərk etmisiniz? 

- Mən o konfransda oturmağı özümə ar saydım. Ona görə də durub, o konfransı tərk etdim. Orada hər şey təşkil olunmuş ssenari ilə gedirdi. Çox az sayda aktyor gördüm, onlar da hamısı Akademik Milli Dram Teatrının akyorları idi. Artıq konfrans gedə-gedə Elnur Kərimov və digər aktyorlar fikirlərini bildiriblər.  Həddindən ziyadə, çox xəcalət çəkdim. İlk əvvəl konfrans başlayanda film çəkilişləri göstərirdilər, o filmlər üçün gözəl musiqilər qoymuşdular, yuxu tutdu məni orda.

 Bu dövlət saxtakarları durmadan Ulu öndərdən, cənab Prezidentdən danışırdılar. Ancaq dünən cənab Prezidentin dediyi “Mən bilirəm ki, yaşı 70-i keçən dövlət məmurları artıq Hacıbala Abutalıbovdan örnək götürəcəklər” sitatını məsəl çəkmədilər. 

Mən burdan Azərpaşa Nemətova tövsiyyə edirəm ki, Hacıbala Abutalıbovdan örnək götürsün. Çünki 20 dəqiqəlik çıxışını güclə oxuyurdu. Gərək elə əvvəldən mətni kimə yazdırmışdısa, ona da oxutdurardı. Bu, daha maraqlı olardı.

Bu o qədər bir primitiv konfrans idi ki, təftiş komissiyasının vergilərin azaldılması haqqındakı istəyi içimi qaynatdı. Hər il Mədəniyyət Nazirliyindən 120 min manat illik köməyi gələn, 36 min manat “İstanbul” restoranından icarə haqqı alan, bütün yuxarı mərtəbələri icarəyə verən Azərpaşa Nemətov niyə axı vergidən güzəşt istəyir?  O Azərpaşa ki heç bir dövlət tədbirində, heç bir şəhid ailəsinə köməkdə, heç bir problemin həllində iştirak etmir. Belə çıxır ki, Teatr Xadimləri İttifaqı ancaq artistləri bayağı verilişlərə çıxardıb, ağlamaqla, ev dilənmək, mənzil aldırmaq üçün lazımdır. Cənab nazir də çıxışında “Əgər bir teatrda bir nəfər fəxri ad alırsa, buna hamı sevinməlidir”,- deyə qeyd etdi.

27 teatrı olan bir təşkilatın barmaqla sayılacaq qədər üzvü olmamalıydı.  Mən heç kəsi qınamıram, çünki heç kəsin Teatr Xadimləri İttifaqına inamı yoxdur. Azərpaşa Nemətov heç bir sima deyil, heç kəsə də örnək deyil. Ağsaqqal kimi də heç kəsə böyüklük eləmir. 

- Maraqlıdır ki, Milli Kino Günü ilə bağlı tədbirə müavinini göndərən nazir Əbülfəs Qarayev bu tədbirdə şəxsən iştirak edirdi...
 
- Cənab Nazir Əbülfəz Qarayev konfransda Azəpaşa Nemətova tərəfdaşlıq etmək üçün iştirak edirdi. Çünki o, Nemətovun hecalaya-hecalaya oxuduğu mətninə də çox yüksək qiymət verdi.

Məndə hətta, belə bir məlumatda var ki, müəyyən teatr rəhbərlərinə konfransa gəlib, Azərpaşa Nemətova səs vermələri üçün  göstəriş verilmişdi. Mən o konfransa əsl teatr xadimləri, aktyorlar görmək istəyərdim. Bu sənətdə can qoyanlar, sağlamlıqlarını qoyanlar, hər şeyini qurban verənləri görmək istərdim. İstərdim Azərpaşaya deyilsin ki, sənin artıq vaxtın keçib, xoş gəldin. Mən orada 18 xalq artisti olan teatrları, qaçqın düşmüş İrəvan Dövlət Azərbaycan Dram Teatrını görmək istəyərdim.

- Eşitdiyimizə görə, Rejissorlar Gildiyası, Azərbaycan Respublikası Kinematoqrafçılar İttifaqı, Rəssamlar İttifaqı, Yazıçılar İttifaqı da konfransı boykot ediblər...

- Mən orada Azərbaycan Respublikası Kinematoqrafçılar İttifaqından, Rejissorlar Gildiyasından,  Rəssamlar İttifaqından heç kəsi görmədim. Bilirsinizmi necədi, bu, qatıqdı, ağdı, hamı da bilir ki, bu, ağdır. Amma gör biz nə gündəyik ki, buna qara dedizdirirlər. Bu insanlar hətta cənab Prezidentin tutduğu iradlardan belə ağıllanmırlar. Məmurların nə oyun çıxarmaqlarından, hər hansı bir məmuru etdiyi əməllərə görə, cəzalandırmaq istəyəndə, digər ona saxtakarlıqda kömək edən məmur onu müdafiə etməsindən da nəticə çıxara bilmirlər.

Mən mübarizəmi dayandırmayacam. Mən cənab Prezidentə etdiyim müraciətimin nəticəsini gözləyirəm. İnanıram ki,  cənab Prezident məni tanıyır, mənə inanır, mən ona inandığım kimi. O, bilir ki, mən nə riyakar, nə də yalançı insanam. Mən öz şəxsi ambisiyam üçün çalışan adam deyiləm. Öz fikirlərim, öz dünya görünüşüm, öz yolum olan bir insanam. Mən yaradıcı bir insanam, mən hec cür səhnəsiz yaşaya bilmərəm. Mənim heç zaman nə kreslo arzum olub, nə də onun üçün yaşamamışam. Amma teatrı, yaradıcı insanları, rəssamları bu günə qoyan insanlarla sonuna qədər varam. Siz təsəvvür edin ki, bu günlərdə bir tanınmış xalq rəssamının uşağı xəstəxanaya yerləşdirilib, mənə zəng edib 200 manat borc pul istəyir. Belədirsə, mən sual verirəm bu ittifaq kimə və nəyə lazımdır?

İndiyə qədər belə məsələləri açmaq istəmirdim. Çünki biz tamaşaçıların gözləri qarşısında adiləşməməliyik. Tamaşaçı bizim mətbəximizi bilməməlidir. Biz ağlasaq dünya ağlayar. Amma həqiqətən ağlar vəziyyətdəyik.

Cənab Prezident təkdir. O, ziyalılara yaxşı baxır, təmin edir. O, xahiş etdiyimiz ricaları həyata keçirdi, maaşlar artdı, nə qədər xalq artistləri ev aldılar.
Tetrlar İttifaqının sədri Azərpaşa hansı məmurun yanına gedib, həqiqətəndə içi yanaraq, torpaq sahəsi götürüb, aktyora ev tikdirə bilər. O ittifaqa yaradıcı böyük ordunun inanması lazımdır. Orada normal insan otursa, bütün hamıya kömək edərlər, akyorların bir çox problemləri həll olunar.

 Aktyor bir öləndə ağlayır, bir də toyu olanda. Çünki maddi imkansızlıq, sosial problemlər onlara imkan vermir.

Vüsalə Balayeva
Ölkə.Az

ŞƏRH YAZ
0

Azərbaycanın məşhur əməkdar artisti VƏFAT ETDİ — FOTO- SON DƏQİQƏ

Azərbaycanın məşhur əməkdar artisti VƏFAT ETDİ
21:05
05.07.2020
6156
Mədəniyyət
A
Akademik Milli Dram Teatrının aktyoru, əməkdar artist Tofiq Hüseynov vəfat edib.

“Ölkə.Az” xəbər verir ki, bu barədə aktrisa Rada Nəsibova “Facebook” səhifəsində məlumat verib.

“Daha bir sənətkarımız dünyasını dəyişdi. Nə deyim, gözəl insan, söz tapa bilmirəm. Sizdən zərrə qədər incikliyimiz olmadı. Yeriniz hər zaman görünəcək. Çox heyif. Nur içində yatın”.

Qeyd edək ki, Tofiq Əbdülrəhim oğlu Hüseynov 1949-cu il iyun 24-də Bakı şəhərində anadan olub. Tofiq Əbdülrəhim oğlu Hüseynov 1971-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirmişdir.Tofiq Hüseynov bir çox teatrların səhnəsində çalışmış, müxtəlif obrazlar oynamışdı. Bunlar: Rza bəy (“O olmasın, bu olsun”,Ü.Hacıbəyov),Əzrayıl (“Bu meydan, bu şeytan”,F.Aşurov),Mərd Mazarov (“Adamın adamı”,Anar),Hacı Namazalı (“Danabaş kəndinin məktəbi” C.Məmmədquluzadə),Tülkü (“Cücələrim” T.Mütəlibbov ),Cəbi (“Hacı Qəmbər”,N.Vəzirov ),Şah Kreon (J.Anuy “Medeya”),Vəzir Zəban (O.Altunbay “Tomris”) obrazlarıdır.

Tofiq Hüseynov 2001-ci ildən Azərbaycan Dövlət Akademik Milli Dram Teatrında çalışır.Teatrın repertuarındakı müxtəlif janrlı tamaşalarda rollar oynayıb.Onlardan:Komiyonçu “Kəllə”(N.Hikmət),Knyaz Orbeliani “Brüsseldən məktublar”( H.Həsənov),Oqtay “Rəqabət”(B.Vahabzadə),Hacı Kərim “Ölülər” (C.Məmmədquluzadə), Rüstəm xan(“Eloğlu”,A.Şaiq),Qala rəisi(“Xurşidbanu Natəvan”,İ.Əfəndiyev),Bekar Ağabala “Dirilən adam”( Mir Cəlal),Katib “Ölüləri qəbiristanlıqda basdırın”( İ.Şıxlı),Ağamusa Fərəcov “Dəlilər və ağıllılar” (İ.Əfəndiyev),Əcəl “Alın yazısı”( T.Minnullin) və digər obrazları tamaşaçı maraqla qarşılayıb.

Aktyor “Meteranpaj”(Kamayev),”3-mollanın sərgüzəşti”(Mola Vəli),”Şkafda adam”(Ər),Molla Nəsrəddinin lətifələri əsasında eyniadlı əsərin tamaşalarında, “Marş” (Komandir),“Dəvətnamə”(Briqadir),”O dünyadan salamlar”(Əli bəy), “Bahar ərəfəsində”(Direktor) və s.filmlərə çəkilib.

Tofiq Hüseynov 2009-cu ildə Azərbaycan Respublikasının Əməkdar artisti fəxri adına layiq görülüb.

Xatırladaq ki, Tofiq Hüseynov xərçəng xəstəliyindən əziyyət çəkirdi.

ŞƏRH YAZ
0

Əməkdar artistin bacısı — KORONAVİRUSA yoluxdu

Əməkdar artistin bacısı
21:33
03.07.2020
4259
Mədəniyyət
A
"Koronavirus bizim ailədən də yan keçmədi. Bacım virusa yoluxub, indi ev şəraitində müalicə alır".

"Ölkə.Az" xəbər verir ki, bunu Əməkdar artist Gülüstan Əliyeva deyib.

Müğənni bacısına görə narahat olduğunu bildirib: "Bacımın vəziyyəti əvvəl ağır idi, indi səhhəti düzəlib. Evdə müalicələrini davam etdirir. Neçə vaxtdır ki, başımız ona qarışıb. Mən özüm də qorunuram.

Tibbi maska taxıram, əlcək geyirəm. Spirt həmişə çantamda olur. Doğrudur, bacımın koronavirusa yoluxması əhvalımıza təsir edib.

Amma son günlər sağalma müşahidə edilir, bu səbəbdən tezliklə əvvəlki vəziyyətə qayıdacağına ümid edirik". //Showxeber.az

ŞƏRH YAZ
0
BAĞLA