KORONAVİRUSA YOLUXANLARIN SAYI - CANLI STATİSTİKA

“Efirə şort geyinib çıxsam, hamı məni daşlayar” — Zamiq Hüseynov

“Efirə şort geyinib çıxsam, hamı məni daşlayar”
03:04
15.02.2020
3187
Maqazin
A
“Haqqımda “yaxşı geyinirsən” sözlərini eşidəndə təbii ki, mənə xoş gəlir. Fikrimcə, bəy həmkarlarım arasında yaxşı geyinən barmaqla sayılacaq qədərdir”.

"Ölkə.Az" bildirir ki, bu sözləri oxu.az-ın əməkdaşı ilə söhbətində müğənni Zamiq Hüseynov deyib.

Sənətçi Əməkdar artist Vasif Məhərrəmlinin “Bu nə dəbdir? Cırıq şalvar geyinərlər? Yer üzündə ancaq cırıq cinslər qalsa, yenə geyinməyəcəyəm. Pijama ilə gəzəcəyəm” fikirlərinə kəskin etiraz edib:

“Əsas odur ki, ifa etdiyin janrla geyimin uyğun olsun. Belə çıxır ki, efirə yırtıq cins şalvar geyinmək olmaz? Bunlar ağlımın ucundan belə keçmir. Vasif belə düşünür. Onun fikirlərinə hörmətlə yanaşıram. Amma bu o demək deyil ki, onun söylədikləri ilə razılaşmalıyam. Efirə cins də geyinmək, kliplərdə şortla da çəkilmək olar. Bu, normal haldır. Efirə və verilişdə müzakirə olunan mövzuya uyğun geyinmək lazımdır”.

Geyim mövzusunu həssaslıqla incələyən Z.Hüseynov bəzi geyimlərdə özünə sərhəd qoyduğunu da dilə gətirib:

“Xaricdə müğənni əgər efirə şort geyinib çıxırsa, mən onu edə bilmərəm. Ertəsi gün məni buna görə, hamı daş-qalaq edər. Amerikada yaşasaydım, edərdim. Amma bu gün Azərbaycanda yaşayıram. Mühitə uyğun yaşayıb, hərəkət etməlisən”.

Z.Hüseynov özündən başqa kişi həmkarlarının arasında yaxşı geyinən sənətçinin olmadığını söyləyib:

“Düzünü deyəcəyəm, Azərbaycanda geyim baxımından məni qane edən kişi müğənni yoxdur. Yaxşı görünmək üçün idmanla məşğul olmalısan ki, geyimini gözəl daşıya biləsən. Elə insan var ki, zövqlü geyinir, amma çəkisinin çox olması yaraşıqlı görünməsinə imkan vermir”.

İllər öncə kliplərində açıq-saçıq və öpüşmə səhnələrinə imza atan Zamiq indi belə riskli addımlar atmaqdan çəkindiyini açıqladı:

“Cavanlıqda bu addımları asanlıqla ata bilirdik. Amma indi risk edib ata bilmirəm. Köhnə kliplərimdə açıq-saçıq səhnələr var idi. Bu gün rejissor belə bir ssenarini qarşıma qoysa, razılıq vermək üçün günlərlə fikirləşərəm. “Uçduq” klipim ilk klip idi. Biz bunu gündəmə damğa vurmaq üçün etdik. Alındı da. Hamı o klipdən, mahnıdan, məndən, çəkilən xanım modeldən danışdı, aylarla müzakirə olundu”.

Açıq-saçıq səhnələrdən qaçan Z.Hüseynov süjet xətti olan böyük klip çəkdirdiyinin anonsunu verib:

“Səkkiz gündür yeni klip çəkdirirəm. Bu, tamamilə başqa bir janrdadır. Ekran işini izləyən tamaşaçılar açıq-saçıq səhnələr görməyəcəklər. Süjet xətti olan böyük bir klipdir. Artıq mən belə işlər ərsəyə gətirmək istəyirəm. Nəinki klipdə qızla öpüşəsən, hamı da oturub ondan yazsın”.

ŞƏRH YAZ
0

"Survivor" iştirakçısı Selena Qomezin rekordunu yenilədi

02:54
Bu gün
2411
Maqazin
A
"Survivor" yarışmasının iştirakçısı Barış Murat Yağcı yeni rekorda imza atıb.

''Ölkə.Az'' xəbər verir ki, yarışmada mükafat qazanan aktyor Dominikan adasında lentə aldığı görüntüləri ''İnstagram'' hesabında yayımlayıb. O, izləyicilərindən aldığı 10 milyon şərhlə ''İnstagramda'' ən çox rəy alan post ünvanını qazanıb və yeni rekorda imza atıb. Xatırladaq ki, bu rekord daha əvvəl amerikalı müğənni Selena Qomezə məxsus olub.

Survivor Barış Murat Yağcı kimdir? Barış Murat Yağcı dizileri ...

Ölkə.Az

ŞƏRH YAZ
1

Türkiyə gözəli öz SİRRİNİ AÇDI

Türkiyə gözəli öz SİRRİNİ AÇDI
01:27
Bu gün
1932
Maqazin
A
''Miss Turkey 2018'' gözəli olan model Şevval Şahin gözəllik sirrindən danışıb.

''Ölkə.Az'' xəbər verir ki, model Kanal D ekranlarında yayımlanan ''2. Sayfa maqazin'' proqramına telefonla bağlanıb. O çəkisinin artmamasından və gözəllik sirlərindən söz açıb. ''53-54 kiloram çəkiyə və 1 metr 81 santimetr boya sahibəm. Alma sirkəsi saqqızı çeynəyərək, çəkimi sabit saxlayıram. Saqqız toxluq hissi verərək, sizə enerji və güc verir. Çəkisini qoruyub saxlamaq istəyən hər kəsə alma sirkəsi saqqızı tövsiyyə edirəm'' -deyə, o qeyd edib. 

Ölkə.Az

ŞƏRH YAZ
0
BAĞLA