Əflatun Amaşov: “Azərbaycandan cibinə jurnalist vəsiqəsi qoyub getmiş birinə Fransada atəş açılır”

Əflatun Amaşov: “Azərbaycandan cibinə jurnalist vəsiqəsi qoyub getmiş birinə Fransada atəş açılır”
16:00
16.04.2018
1302
Siyasət
A
“ATƏT-in Demokratik Təsisatlar və İnsan Haqları Bürosunun Azərbaycanda daha əvvəl keçirilmiş seçkilərlə bağlı rəyləri indikindən fərqlənmirdi. Az qala eyni preambula, eyni davamlılıq, eyni ton, eyni ittihamlar. Yalnız bir-iki cümlənin fərqli quruluşu. Bəs indi fərqlilik nədədir?”.

 “Ölkə.Az”ın məlumatına görə, bunu Milli Məclisin deputatı, Azərbaycan Mətbuat Şurasının (AMŞ) sədri Əflatun Amaşov yaydığı bəyanatında bildirib. 

Ə.Amaşov deyib ki, Azərbaycan fərqlidir, illər keçdikcə daha fərqli - əmin və qətiyyətli olur:
 “Ölkəmizə münasibətdə həyata keçirilən siyasət, istifadə olunan metodlar və vasitələr də tam fərqli xarakter alır. 

Meydana söyüşçülər çıxarılır, ən yaramaz, əxlaqsız ifadələr dövriyyəyə buraxılır. Bu metod daxildə təfriqə, qarşıdurma, inamsızlıq yaratmaq, dövlətə, dövlətçiliyə sadiq insanları ləkələmək, onların fəaliyyətinə münasibətdə tərəddüd toxumu səpmək motivləri ilə davamını tapır.

Azərbaycandan cibinə jurnalist vəsiqəsi qoyub getmiş potensial cinayətkar mahiyyətli birinə Fransada atəş açılır. Hadisənin jurnalistika üzərinə təqdimat tərzinin özü ölkəmizə yönəlik şantaj və böhtana köklənir. Bu dolaşıq labirintdə açılım nöqtəsi aprelin 11-də yaşanır.

Xalq öz seçimini edir. Bəli, xalq öz seçimini edir və əslində, elə bundan başlamaq lazım idi.

Təəssüf ki, ATƏT-in Demokratik Təsisatlar və İnsan Haqları Bürosunun öz start nöqtəsi var. Sən demə, başqa prezidentliyə namizədlər hazırda vəzifədə olan prezidentə qarşı əks-mövqe nümayişindən, onu tənqid etməkdən çəkiniblərmiş. Yəni, belə bir cümləni yazacaq qədər qeyri-ciddilik var! 

Görəsən, digər namizədlərin hazırkı dövlət başçısını tənqid etməməsi nə vaxtdan hesabata salınacaq fikir sayılır?”.

Deputat sual edib ki, namizədlər prezident İlham Əliyevi tənqid etməyiblərsə, bundan hansısa beynəlxalq təşkilata nə var:
 “Deməli, tənqid etsəydilər, ATƏT hesabatında bunu vurğulamalı idi? Vurğulayardımı? Məncə, yox! Ona görə yox ki, prezidentin tənqidə məruz qalmasında prinsipcə təəccüblənəcək nəsə yoxdur.

O səbəbdən ki, nəinki ATƏT-ə, ümumən bir çox beynəlxalq təşkilatlara Azərbaycanla bağlı yalnız təhqir, böhtan və qərəz lazımdır. Heç tənqid də gərəkli deyil…

Bilməmişik, namizədlər hazırda vəzifədə olan namizədə od püskürməli imiş. Ancaq bunu etməyiblər.

ATƏT təmsilçiləri, görəsən, nəyə görə səbəbi namizədlərin özündən soruşacaq və cavabları diqqətə çatdıracaq qədər obyektiv olmur?

Nəhayət, namizədlərə efir verilmişdi. Özü də iqtidar namizədi ilə eyni. Hər hansı ayrıseçkilik olmamışdı. Hansısa namizəd tənqid səsləndirməyibsə, bu, həmin şəxsin öz baxışı deyilmi?

Digər tərəfdən, namizədlərin çıxışlarında hökumətin fəaliyyətinin tənqidi də az yer almayıb.

Görünür, ATƏT-ə bunu müşahidə etmək lazım olmayıb”.

Vasif Həsənli
Ölkə.Az

 

ŞƏRH YAZ
0

"Xəzərin hüquqi statusuna dair Konvensiyanın imzalanması Azərbaycan diplomatiyasının uğurudur" — Deputat

14:27
Bu gün
372
Siyasət
A
"Xəzərin hüquqi statusuna dair Konvensiyanın imzalanması Azərbaycan diplomatiyasının növbəti uğurudur".

"Ölkə.Az" xəbər verir ki, bu fikirləri Milli Məclisin deputatı Fərəc Quliyev bildirib. 

Deputat deyib ki, Azərbaycan Xəzərlə bağlı problemlərin həllinə daim öz töhfəsini verir:

F.Quliyev Konvensiyanın imzalanmasını Azərbaycan diplomatiyasının növbəti uğuru hesab edərək bildirib ki, bu razılaşma ölkəmizə həm siyasi, həm də iqtisadi dividendlər gətirəcək: 

“Son illər Azərbaycan Prezidentinin xarici siyasət kursunda bir-birinin ardınca uğurlar əldə edilib. Bu da növbəti uğurdur. Bundan sonra Xəzəryanı ölkələr arasında münasibətlər getdikcə yüksələn xətt üzrə inkişaf edəcək. Eyni zamanda, bu sənəd həm təhlükəsizlik, həm də ölkələr arasında münasibətlərin yeni müstəviyə qədəm qoyması, iqtisadi potensialın daha da artması baxımından yüksək dəyərə malikdir".

Millət vəkili qeyd edib ki, Xəzəryanı ölkələr arasında münasibətlərin daha da yaxşılaşdırılmasında, əməkdaşlığın inkişafında əhəmiyyətli əsaslar olacaq: 

"Bu vaxta qədər neft və neft məhsullarının çıxarılmasında və daşınmasında Azərbaycanın imkanlarından istifadə edən şirkətlərin fəaliyyəti daha geniş vüsət alacaq. Hesab edirəm ki, bu Konvensiyanın imzalanması Azərbaycanın xarici siyasətinin uğurudur. Eyni zamanda, Xəzər regionunda sabitliyi təmin etməklə yanaşı, Azərbaycanın iqtisadi qüdrətini daha da artıracaq”.

Vasif Həsənli
Ölkə.Az

ŞƏRH YAZ
0

Əli Əhmədov Türkiyəyə gedib

Əli Əhmədov Türkiyəyə gedib
13:29
Bu gün
408
Siyasət
A
Hakim Yeni Azərbaycan Partiyasının sədr müavini - icra katibi, baş nazirin müavini Əli Əhmədovun rəhbərlik etdiyi nümayəndə heyəti Türkiyəyə gedib.

"Ölkə.Az" xəbər verir ki, səfərdə məqsəd Türkiyənin Ədalət və İnkişaf Partiyasının (AKP) VI qurultayında iştirak etməkdir.

Nümayəndə heyətinə YAP İdarə Heyətinin üzvü, Milli Məclisin komitə sədri Eldar İbrahimov və Milli Məclisin komitə sədri Əhliman Əmiraslanov daxildir. 

Qeyd edək ki, bu gün Ankarada Türkiyənin hakim Ədalət və İnkişaf Partiyasının VI qurultayı keçirilir. AKP-nin sədri prezident Rəcəb Tayyib Ərdoğandı. 

ŞƏRH YAZ
0
BAĞLA