Əfqanıstan veteranlarının sədrinin məhkəmə işi

Əfqanıstan veteranlarının sədrinin məhkəmə işi
11:30
14.03.2018
1178
Hadisə
A
Azərbaycan və Əfqanıstan Veteranları İctimai Birliyinin sədri, 1961-ci il təvəllüdlü Məhəmməd Vəliyev və onun müavini, 1961-ci il təvəllüdlü Cavan Əhmədovun cinayət işi üzrə məhkəmə prosesi keçirilib.

“Ölkə.Az” xəbər verir ki, bu gün Bakı Ağır Cinayətlər Məhkəməsində hakim Ramella Allahverdiyevanın sədrliyi ilə baş tutan prosesdə Məhəmməd Vəliyev ifadə verib.

Təqsirləndirilən şəxs bildirib ki, şahidlərin dediklərinin hamısı böhtandır: "2008-ci ildə Nazirlər Kabnetinin qərarı ilə Hövsan bələdiyyəsinə 10 hektar torpaq ayrılıb. Həmin torpaq Əfqanıstan veteranları üçün ayrılmayıb. Biz onlara torpaq sahəsi vermirik, bələdiyyəyə baxılması üçün göndəririk. Mən sədrliyə başlayanda məndən əvvəlki sədr bütün torpaqları vermişdi". 

Təqsirləndirilən şəxs bildirib ki, məhkəmədə ifadə verən şahidlərin heç biri cəmiyyətin üzvü deyil: 
"Hansı ki, onlar 1990-cı illərdə bir vəsiqə əldə ediblər. İndi də gəlib deyirlər ki, biz veteranıq. Vəsiqələrinə baxsanız görəcəksiniz ki, onların müddəti də keçib". 

Təqsirləndirilən şəxsin sözlərinə görə, rayon məhkəmələrində təşkilatın ləğv edilməsi ilə bağlı məhkəmə iclasları keçirilib: 
"Həmin şəxslərin məqsədləri təşkilatın ləğv edilməsi olub. Yenə də deyirəm ki, həmin şəxslərin iddiaları bizə qarşı şər və böhtandır".

Məhəmməd Vəliyev heç kəsdən pul almadığını, şahidlərin ittihamları ilə razı olmadığını deyib: 
"Heç şikayətçilərin çoxunu tanımıram. İnanmıram ki, digər təqsirləndirilən Cavan Əhmədov da onlardan pul alsın".

İttihama görə, təqsirləndirilən şəxslər vətəndaşın etibarından sui-istifadə edərək dələduzluq etməkdə, rüşvət almaqda və rəsmi sənədləri saxtalaşdırmaqda ittiham olunurlar.

Onlardan şikayət edən zərərçəkmişlər də veteranlardır.

Şikayətçilər bildiriblər ki, 8 mindən çox üzvü olan İctimai Birlikdə korrupsiyaya yol verilib, veteranlara ayrılmış torpaq sahəsi üçün külli miqdarda pul tələb olunub.

ŞƏRH YAZ
0

Bərdə sakini küçədə bıçaqlandı

Bərdə sakini küçədə bıçaqlandı
23:13
14.12.2018
4626
Hadisə
A
Bərdə rayonunda bıçaqlanma hadisəsi baş verib.

"Ölkə.Az" trend-ə istinadən bildirir ki, hadisə rayonun İstisu adlanan ərazisində qeydə alınıb.

Laçın rayonunda qeydiyyatda olan 1994-cü il təvəllüdlü Novruzov Cənnət Şakir oğlu Bərdə rayon sakini Teymurov Ruslan İlyas oğlu ilə mübahisə edib.

Mübahisə nəticəsində C.Novruzov R.Teymurovu bıçaqlayaraq hadisə yerindən qaçıb.

Faktla bağlı Bərdə rayon Polis Şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsilə cinayət işi başlanıb və hadisəni törədən şəxsin tutulması istiqamətində tədbirlər görülür.

Ölkə.Az

ŞƏRH YAZ
0

Özünü 16-cı mərtəbədən atmaq istədi — İntihara cəhd

Özünü 16-cı mərtəbədən atmaq istədi
22:45
14.12.2018
3217
Hadisə
A
Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhərinin Yasamal rayonunda 1 nəfər çoxmərtəbəli yaşayış binasının 16-cı mərtəbəsindəki mənzilin eyvanına çıxaraq intihar etmək istəyini nümayiş etdirib.

“Ölkə.Az” FHN-ə istinadən xəbər verir ki, Xüsusi Riskli Xilasetmə Xidmətinin müvafiq xilasetmə qüvvələri dərhal hadisə yerinə cəlb olunub.

Xilasedicilər tərəfindən hadisə yerində müvafiq təhlükəsizlik tədbirləri görülüb. Vətəndaşla aparılan psixoloji söhbətlər nəticəsində o, özünə qəsd etmək fikrindən daşınıb. Əməliyyat başa çatıb.

Ölkə.Az

ŞƏRH YAZ
0
BAĞLA