Əfqanıstanda İŞİD terror təşkilatının lideri öldürüldü
Əfqanıstanda İŞİD terror təşkilatının lideri öldürülüb.
"Ölkə.Az" xəbər verir ki, bu barədə Pentaqonun rəsmi nümayəndəsi Ceff Devis bildirib. Onun sözlərinə görə, ehtimal edilir ki, ötən həftə ABŞ və koalisiya qüvvələrinin birgə keçirdiyi əməliyyat zamanı İŞİD terror təşkilatının Əfqanıstandakı əsas qrupunun lideri olan Əbdül Xasib məhv edilib.
“Əməliyyat zamanı 100-dən çox amerikalı və əfqan hərbçilər iştirak ediblər.
Qeyd edək ki, Əfqanıstanda 3 min 500 nəfər İŞİD terror qruplaşmasına qoşulub. Bu barədə Rusiya Silahlı Qüvvələri Baş Qərargah İdarəsinin rəisi İqor Korobov bildirib. Onun sözlərinə görə, İŞİD 2018-ci ildə öz üzvlərinin sayını ən azı iki dəfə artırmağı planlaşdırır.
Ziya Səccad
Ölkə.Az
