Əfqanıstanda Taliban 30 əskəri öldürüb hərbi bazanı ələ keçirdi
Əfqanıstanın Badqis vilayətində Taliban hərbi bazaya hücum edib.
“Ölkə.Az” xəbər verir ki, terrorçular 30 hərbçini öldürərək bazanı ələ keçiriblər. Bu barədə vilayətin qubernatoru Əbdül Qafur Malikzay məlumat verib.
Onun sözlərinə görə Bala-Murqab kəndində böyük terrorçu dəstəsi iki hərbi blokposta hücum edib. Bir neçə saatlıq döyüşdən sonra hərbi bazanı ələ keçiriblər. Atışma zamanı 15 Taliban terrorçusu məhv edilib.
Quberniyanın rəsmisi bildirir ki, terrorçular atəşkəs dövründə kəşfiyyat işləri aparıblar və hücumu planlaşdırıblar. Hazırda hərbi baza uğrunda döyüşlər davam edir.
Hikmət Həsənov
Ölkə.Az
