Əfqanıstanda toy zamanı dəhşət
Əfqanıstanda toy zamanı dəhşətli faciə baş verib.
“Ölkə.Az” xəbər verir ki, toy karvanı Əfqanıstanda hərəkətdə olarkən mina basdırılan ərazidən keçib. Nəticədə avtomobillərdən biri minaya düşüb.
“Tolo News” telekanalının verdiyi məlumata görə, hadisə zamanı avtomobil partlayıb. Nəticədə 11 nəfər həlak olub, 50-yə yaxın insan yaralanıb.
Ölənlərdən beş nəfəri qadın, 4-ü uşaqdır. Yaralılar xəstəxanalara yerləşdiriliblər. Onların arasında da vəziyyəti ağır olanlar var. Bu səbəbdən də, həkimlər ölü sayının artacağını bildiriblər.
Həlak olanların eyni ailənin üzvü olduğu bildirilib.
Ziya Səccad
Ölkə.Az
