Əfsanə geri qayıdır
"Toyota" şirkəti əfsanəvi "Supra" modelini yenidən istehsal edib.
"Ölkə.Az" xəbər verir ki, idman üslublu avtomobil mart ayında Cenevrədə keçiriləcək avtomobil sərgisində təqdim ediləcək.
Hələlik söhbətin konsept və ya seriya istehsalı olacağı bilinmir. Qeyd edilən odur ki, əfsanə geri qayıdır.
Məlum olub ki, şirkət "Supra" modelini "BMW" ilə birlikdə hazırlayır. "BMW" də "Z5" rodsterini eyni platformada hazırlayacaq. Amma hər iki model dizayn, şassi və mühərrik cəhətdən fərqlənəcək.
"Supra"nın yeni nəsli "Gazoo Racing" brendi altında çıxacaq və "GT86" modelini əvəz edəcək.
Ehtimal edilir ki, flaqman superkarı hibrid mühərriklə təchiz ediləcək. Bununla yanaşı, yeni model "Toyota" tarixində ilk dəfə olaraq, iki ayırıcılı, robot sürətlər qutusu ilə də təchiz ediləcək.
Hikmət Həsənov
Ölkə.Az
