Ege Hospitala yeni Baş direktor təyin olundu

Ege Hospitala yeni Baş direktor təyin olundu
10:30
10.10.2019
3093
Ölkə
A
Ege Hospitala yeni Baş direktor təyin olundu.

Verilən məlumata görə Samir Şükürov Ege Hospitalda Baş direktor vəzifəsinə təyin edildi. Samir Şükürov 2010-cu ildə Azərbaycan Tibb Universitetinin Müalicə Profilaktika fakultəsini bitirmişdir. 2011-2015-ci ildə Türkiyə Cümhuriyyəti Bezmialem Vakıf Universiteti Endokrinologiya və Metabolizma xəstəlikləri kafedrasında təhsil almışdır. Doktor Samir Şükürov , Əziz Əliyev adina Həkimləri Təkmilləşdirmə İnstitutunun Terapiya kafedrasının doktorantı, Türkiyə Endokrinoloji və Metobolizma Dərnəyinin –Fəxri üzvi, Amerika və Avropa Endokrinologiya cəmiyyətinin – həqiqi üzvidir. Xarici və yerli jurnallarda çap olunmuş bir çox məqalələrin müəllifidir.

Qeyd edək ki, S.Şükürov –həkim endokrinoloqdur. Bu vəzifədən öncə HB Güvən klinikasının endokrinologiya şöbəsinin müdiri və daha sonra Baş həkimi vəzifəsində çalışmışdır. Hal hazırda Ege Hospitalda  Baş direktor vəzifəsini icra edir. 

Türkiyə və Azərbaycanın sayılıb seçilən professor, dosent, uzman həkimlərinin fəaliyyət göstərdiyi Ege Hospital hər zaman güclü, sağlam işçi heyəti, xəstə məmnuniyyəti, tibb texnalogiyasındakı ən müasir avadanlıqları ilə tibbin bütün sahələrində fəaliyyət göstərib və çox müəssisələrdən seçilib. 

Samir Şükürovun Ege Hospital komandasına daxil olması ilə xəstəxanamız daha böyük nailiyyətlərə imza atacaqdır. Baş direktor S.Şükürov bildirib ki,  perspektiv planımız  xəstəxanamızda Tibb sektorunun ən son nailiyyətlərini tətbiq etmək, tək ölkə ərazisində deyil, həm də ölkə xaricindən insanların müalicə üçün bizə üz tutmasını təmin etmək və yüksək peşəkarlıqla xalqımıza xidmət göstərməkdir. 

ŞƏRH YAZ
0

Hərbi attaşelərin iştirakı ilə toplantı keçirilib

Hərbi attaşelərin iştirakı ilə toplantı keçirilib
13:08
Bu gün
371
Ölkə
A
Beynəlxalq Hərbi Əməkdaşlıq İdarəsində Azərbaycanda akkreditə olunan xarici dövlətlərin hərbi attaşeləri və beynəlxalq təşkilatların nümayəndələrinin iştirakı ilə illik toplantı keçirilib

Müdafiə Nazirliyindən "Ölkə.Az"a verilən məlumata görə, Müdafiə naziri general-polkovnik Zakir Həsənov adından toplantı iştirakçılarını salamlayan idarə rəisi general-mayor Hüseyn Mahmudov onlara regiondakı hərbi-təhlükəsizlik vəziyyəti, Ermənistanın Azərbaycana qarşı işğalçılıq siyasəti, Azərbaycan Ordusunda aparılan islahatlar, quruculuq işləri, hərbi-təhsil sistemi və bu sahədə əldə olunan nailiyyətlər, eləcə də beynəlxalq hərbi əməkdaşlığın prioritetləri və istiqamətləri haqqında ətraflı məlumat verib, növbəti ildə planlaşdırılan fəaliyyətləri diqqətə çatdırıb.

Bakı Hərbi Attaşelər Assosiasiyasının Duayeni, Çin Xalq Respublikasının hərbi attaşesi baş polkovnik Çjan Tsunqo həmkarları adından toplantının keçirilməsinə görə Müdafiə Nazirliyinin rəhbərliyinə minnətdarlığını bildirib və gələcəkdə də səmərəli əməkdaşlığın davam edəcəyinə ümidvar olduqlarını vurğulayıb.

ŞƏRH YAZ
0

Bakıda qısqanc ər arvadını öldürmək istədi

Bakıda qısqanc ər arvadını öldürmək istədi
11:36
Bu gün
2324
Ölkə
A
Xəzər rayonunda arvadını bıçaqlamaqda təqsirli bilinən Emin Hüseynovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Əfqan Hacıyevin icraatına verilib.

Məhkəmənin hazırlıq iclası yaxın günlərdə keçiriləcək.

Qeyd edək ki, hadisə bu ilin iyun ayında Xəzər rayonu Buzovna qəsəbəsində baş verib. 48 yaşlı qəsəbə sakini, Hüseynova Nurəngiz Adil qızı çoxsaylı bıçaq xəsarətləri ilə 3 saylı Şəhər Klinik Xəstəxanasına çatdırılıb. Ağır vəziyyətdə olan qadın reanimasiyaya yerləşdirilib.

Həkimlərin səyi nəticəsində yaralının həyatını xilas etmək mümkün olub.

Dərhal araşdırmalara başlayan polis əməkdaşları cinayətin N.Hüseynovanın həyat yoldaşı, 1971-ci il təvəllüdlü Emin Ədalət oğlu Hüseynov tərəfindən törədildiyini müəyyən edib. E.Hüseynov şübhəli şəxs qismində saxlanılıb.

İlkin istintaq zamanı müəyyən olunub ki, E.Hüseynov evdə arvadına qısqanclıq zəmnində bir neçə bıçaq zərbəsi vuraraq öldürmək istəyib.

E.Hüseynovun barəsində Cinayət Məcəlləsinin 29.120.1 (qəsdən adam öldürməyə cəhd) maddəsi ilə ittiham irəli sürülüb.

Qeyd edək ki, cütlüyün 2 övladı var.

Natiq Allahverdiyev
Ölkə.Az

 

ŞƏRH YAZ
0
BAĞLA