Ege Hospitala yeni Baş direktor təyin olundu

Ege Hospitala yeni Baş direktor təyin olundu
10:30
10.10.2019
3140
Ölkə
A
Ege Hospitala yeni Baş direktor təyin olundu.

Verilən məlumata görə Samir Şükürov Ege Hospitalda Baş direktor vəzifəsinə təyin edildi. Samir Şükürov 2010-cu ildə Azərbaycan Tibb Universitetinin Müalicə Profilaktika fakultəsini bitirmişdir. 2011-2015-ci ildə Türkiyə Cümhuriyyəti Bezmialem Vakıf Universiteti Endokrinologiya və Metabolizma xəstəlikləri kafedrasında təhsil almışdır. Doktor Samir Şükürov , Əziz Əliyev adina Həkimləri Təkmilləşdirmə İnstitutunun Terapiya kafedrasının doktorantı, Türkiyə Endokrinoloji və Metobolizma Dərnəyinin –Fəxri üzvi, Amerika və Avropa Endokrinologiya cəmiyyətinin – həqiqi üzvidir. Xarici və yerli jurnallarda çap olunmuş bir çox məqalələrin müəllifidir.

Qeyd edək ki, S.Şükürov –həkim endokrinoloqdur. Bu vəzifədən öncə HB Güvən klinikasının endokrinologiya şöbəsinin müdiri və daha sonra Baş həkimi vəzifəsində çalışmışdır. Hal hazırda Ege Hospitalda  Baş direktor vəzifəsini icra edir. 

Türkiyə və Azərbaycanın sayılıb seçilən professor, dosent, uzman həkimlərinin fəaliyyət göstərdiyi Ege Hospital hər zaman güclü, sağlam işçi heyəti, xəstə məmnuniyyəti, tibb texnalogiyasındakı ən müasir avadanlıqları ilə tibbin bütün sahələrində fəaliyyət göstərib və çox müəssisələrdən seçilib. 

Samir Şükürovun Ege Hospital komandasına daxil olması ilə xəstəxanamız daha böyük nailiyyətlərə imza atacaqdır. Baş direktor S.Şükürov bildirib ki,  perspektiv planımız  xəstəxanamızda Tibb sektorunun ən son nailiyyətlərini tətbiq etmək, tək ölkə ərazisində deyil, həm də ölkə xaricindən insanların müalicə üçün bizə üz tutmasını təmin etmək və yüksək peşəkarlıqla xalqımıza xidmət göstərməkdir. 

ŞƏRH YAZ
0

Bakıda avtoxuliqan xanım qəza törətdi: İnsanlara hücum çəkdi — VİDEO

Bakıda avtoxuliqan xanım qəza törətdi: İnsanlara hücum çəkdi
14:12
Bu gün
115
Ölkə
A
Nəsimi rayonu ərazisində yol-nəqliyyat hadisəsi baş verib. İki gün öncə jurnalistləri təhqir edən sərnişin xanım bu dəfə özü qəza törədib.

"Ölkə.Az" xəbər verir ki, APA TV-nin məlumatına görə, “Infiniti” markalı avtomobili idarə edən xanım sürücü 3-cü mikrorayon dairəsində “Opel” markalı avtomobilə çırpılıb. “Infiniti”yə ciddi ziyan dəyib. Ancaq buna baxmayaraq, xanım sürücü “Opel”in sahibi ilə mübahisə edib və çəkiliş qrupunun da işinə mane olmağa çalışıb. 

Əraziyə Yol Patrul Xidmətinin əməkdaşları cəlb edilib. Xanım sürücü sənədlərini təqdim etməkdən boyun qaçırıb. Baş vermiş qəza yerinə Post Patrul Xidmətinin əməkdaşları da cəlb edilib. Sonda hər iki sürücünün izahatı alınıb.

ŞƏRH YAZ
0

Bazar günü hava yağmursuz olacaq

Bazar günü hava yağmursuz olacaq
13:45
Bu gün
812
Ölkə
A
Bazar günü Azərbaycanda müşahidə olunacaq hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, dekabrın 15-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Səhər və axşam bəzi yerlərdə duman, çiskin olacaq. Müalyim cənub küləyi əsəcək. Havanın temperaturu gecə 5-8° isti, gündüz 10-13° isti, Bakıda gecə 6-8°, gündüz 11-13° isti olacaq. Atmosfer təzyiqi normadan daxilində 764 mm civə sütunu təşkil edəcək. Nisbi rütubət gecə 70-80 % , gündüz 50-55% olacaq.

Azərbaycanın rayonlarında sabah hava əsasən yağmursuz olacaq. Gecə və səhər bəzi yerlərdə duman olacaq. Qərb küləyi əsəcək.

Havanın temperaturu gecə 3-7° isti, gündüz 8-13° isti, dağlarda gecə 0-5° şaxta, gündüz 2-6° isti olacaq.

Tibbi-meteoroloji proqnoza gəlincə, dekabrın 15-də Abşeron yarımadasında meteoroloji amillərin zəif və mülayim tərəddüdü gözlənilir ki, bu da meteohessas insanlar üçün əsasən əlverişlidir.

ŞƏRH YAZ
0
BAĞLA