\"Əgər Almaniyaya uduzmasaq...\"
“Almaniya həmişə favoritdir. Biz isə ancaq bacardığımızın ən yaxşısını göstərməyə cəhd edə bilərik”.
"Ölkə.Az" qol.az-a istinadən xəbər verir ki, bu sözləri millimizin baş məşqçisi Robert Prosineçki Almaniya mətbuatına açıqlamasında deyib.
Xorvatiyalı mütəxəssis DÇ-2018-in seçmə mərhələsində Almaniya ilə Bakıda keçiriləcək oyun haqda fikirlərini bildirib.
“İstərdik ki, almanlarla matçdan sonra onlar oyunun asan alınmadığını söyləsin. Bu görüş Azərbaycan üçün əsl tamaşa olacaq. Əgər Almaniyaya uduzmasaq, bu, ölkədə partlayışa səbəb olacaq. Əksər azarkeşlər düşünür ki, artıq biz Rusiyada keçiriləcək final mərhələsindəyik. Amma bu haqda danışmaq tezdir”.
Xatırladaq ki, martın 26-da Tofiq Bəhramov adına Respublika stadionunda keçiriləcək Azərbaycan – Almaniya matçı saat 20:00-da başlayacaq.
Ölkə.Az
