"Əgər ATƏT MQ həmsədr ölkələr buna kəskin reaksiya verməsə, onların gələcək fəaliyyətinə zərurət qalmayacaq" — Deputat

15:39
07.08.2019
1314
Siyasət
A
“Azərbaycanın işğal edilmiş ərazilərində keçirilən “Pan-Ermənistan oyunları” bölgədə sülhə və sabitliyə deyil, əksinə regionda mövcud gərginliyin daha da dərinləşməsinə xidmət edir. Bu eyni zamanda beynəlxalq hüquqa ziddir”.

Bunu “Ölkə.Az”a açıqlamasında millət vəkili Rüstəm Xəlilov deyib.

Onun sözlərinə görə,  Azərbaycanın işğal olunmuş ərazilərində  keçirilən “Pan-Ermənistan oyunları” Ermənistanın işğaçılıq siyasətinin möhkəmlənməsinə xidmət edir: “Beynəlxalq aləm tərəfindən tanınan  Azərbaycanın işğal olunmuş ərazilərində belə bir “idman yarışı”nın keçirilməsi işğalçı Ermənistanın beynəlxalq hüquqa meydan oxumasıdır. İstər belə bir “idman yarışı”nın keçirilməsi, istərsə də işğal olunmuş ərazilərə səfər edən Nikol Paşinyanın səsləndirdiyi  bəyanatlar, bu ölkənin Azərbaycana qarşı hərbi işğal siyasəti apardığını bir daha nümayiş etdirdi. Bununla da Ermənistan tərəfi qeyri-konstruktiv addımları nəticəsində Qarabağ münaqişəsinin danışıqlar yolu ilə həllini zərbə altında qoymaqla yanaşı, bunu mümkünsüz edir”.

Deputat hesab edir ki, münaqişənin həllində vasitəçilik missiyasını həyata keçirən ATƏT-in Minsk Qrupu həmsədr ölkələri həm Paşinyanın Qarabağın Ermənistanın ərazisi hesab etməsi barədə verdiyi bəyanata, həm də “Pan-Ermənistan oyunları”nın keçirilməsi ilə bağlı konkret mövqeyini ortaya qoymalıdır: “Ermənistanın bu hərəkətləri  ATƏT MQ-nin də fəaliyyətini zərbə altında qoyur və onun fəaliyyətinə xələl gətirir. Əgər ATƏT MQ həmsədr ölkələr buna kəskin reaksiya verib, Ermənistanı münaqişənin həllindəki destruktiv fəaliyyətindən geri çəkilməsi istiqamətində ciddi addımlar atmazsa, o zaman vasitəçilik missiyasını həyata keçirən həmsədrlərin gələcək fəaliyyətinə zərurət qalmayacaq. Onların bu fəaliyyətsizliyi Azərbaycan xalqının haqlı qınağına səbəb olacaq. Odur ki, beynəlxalq aləm və ATƏT MQ həmsədr ölkələr Ermənistanın işğalçılıq siyasətinə son qoyması istiqamətində tez bir zamanda konkret mövqe ortaya qoymalıdır. Əks təqdirdə bölgədə baş verəcək  xoşagəlməz hadisələrə görə məsuliyyət  münaqişənin həllində vasitəçilik missiyasını həyata keçirən ölkələrin də üzərinə düşəcək.

Çünki Azərbaycan işğal faktı ilə barışmayacaq və hansı yolla olur-olsun, torpaqlarını işğaldan azad edəcək. Ən düzgün yol isə Ermənistan tərəfinin konstruktiv mövqe sərgiləyərək münaqişəsinin danışıqlar yolu ilə həllidir.  İşğal siyasətindən ən çox əziyyət çəkən elə erməni xalqıdır. Nə qədər tez bu işğala son qoyularsa, ermənilər üzləşdiyi böhranlı durumdan çıxarlar. Alternativ variantlar isə nə Ermənistanın, nə də onun havadarlaırnın maraqlarına uyğun deyil”.

Mürtəza
Ölkə.Az

ŞƏRH YAZ
0

Seçicilərindən Ülvi Quliyevə böyük dəstək — FOTO

Seçicilərindən Ülvi Quliyevə böyük dəstək
23:39
21.01.2020
424
Siyasət
A
15 saylı Yasamal birinci seçki dairəsindən deputatlığa namizəd Ülvi Quliyev şəxsi sosial şəbəkə hesabında seçkiqabağı təbliğat-təşviqat kampaniyası ilə bağlı paylaşım edib.

"Ölkə.Az" xəbər verir ki, o, seçicilərindən dəstək gördüyünü bildirib.

Belə ki, namizədin seçiciləri könüllü kimi təbliğat-təşviqat prosesində iştirak ediblər. Onlar digər seçicilərə Ü.Quliyev haqqında bukletlər, kitablar paylayıb, onun haqqında ətraflı məlumat veriblər.  

Ü.Quliyev könüllü seçicilərinə təşəkkür edərək belə bir paylaşım edib:

“Seçicilərindən Ülvi Quliyevə böyük dəstək!

Seçicilərimizin bir çoxu könüllü kimi təbliğat-təşviqat kampaniyamıza qoşuldu. Vaxtından, əməyindən istifadə edib bizə qoşulan hər kəsə təşəkkür edirəm”.

ŞƏRH YAZ
0

İlham Əliyev Xorvatiyanın Baş Naziri ilə görüşüb

İlham Əliyev Xorvatiyanın Baş Naziri ilə görüşüb
22:25
21.01.2020
328
Siyasət
A
Azərbaycan Respublikasının Prezidenti İlham Əliyev yanvarın 21-də Davosda Xorvatiya Respublikasının Baş Naziri Andrey Plenkoviç ilə görüşüb.

"Ölkə.Az" azərtac-a istinadən xəbər verir ki, görüşdə Azərbaycan ilə Xorvatiya arasında imzalanan strateji tərəfdaşlıq sənədinə uyğun olaraq münasibətlərin səviyyəsindən məmnunluq ifadə edildi.

Söhbət zamanı ölkələrimiz arasında enerji, nəqliyyat, informasiya-kommunikasiya texnologiyaları və digər sahələrdə əməkdaşlığın perspektivləri ilə bağlı fikir mübadiləsi aparıldı.

Ölkə.Az

ŞƏRH YAZ
0
BAĞLA