“Əgər belə davam edərsə, dünya parçalanacaq” — qorxulu PROQNOZ

“Əgər belə davam edərsə, dünya parçalanacaq”
23:58
02.10.2017
613
Analitika
A
İspaniyanın Kataloniya əyaləti müstəqillik referendumu keçirib. Polis və seçicilərin üz-üzə gəldiyi, yüzlərlə insanın yaralandığı referendumdan sonra Kataloniya prezidenti Puçdemon çıxış edərək müstəqil dövlət qurma haqqı qazandıqlarını bildirib.

Səsvermədən iki gün sonra müstəqilliyin elan edilməsi gözlənilir. İspaniyanın Kataloniya muxtar bölgəsində keçirilən referendumda xalqın 90.09 faizi müstəqilliyin lehinə səs verib. Avropa İttifaqı Komissiyası isə Kataloniyada keçirilən müstəqillik referendumundan sonra açıqlama verib. Açıqlamada keçirilən referendumun qeyri-qanuni olduğu bildirilir.

Azərbaycanlı siyasətçilər düşünürlər ki, dünyada dəstəklənməyən bu referendum çoxdan hazırlanan planın nəticəsidir. Politoloq Fikrət Sadıqov “Ölkə.Az”a açıqlamasında bildirib ki, ötən illərdə də Kataloniyada bu məsələləri qaldırmışdılar. Onun sözlərinə görə, bu, separatçılığın bariz nümunəsidir.

“Bununla real müstəqillik əldə olunmur. Əgər əyalət hansısa dövlətin tərkibindədirsə və bir sıra aparıcı dövlətlər, beynəlxalq təşkilatlar həmin müstəqilliyi tanımırlarsa, onda necə ölkə olmaq mümkündür? Sadəcə olaraq müstəqilliyi elan etmək olar. Lakin bunu tanıyan olmayacaq. Onlara qarşı sanksiyalar tətbiq ediləcək. Heç bir ölkə onlarla əlaqə yaratmayacaq”, - deyə siyasətçi bildirib.

Fikrət Sadıqov deyir ki, bunun qarşısını əvvəldən almaq lazım idi: “Belə məsələlərdə bəsit tədbirlərin keçirilməsi lazımdır. Bu hal domino pirinsipilə cərəyan edə bilər. Başqa dövlətlərdə də, kiçik əyalətlər, kiçik xalqlar ayağa qalxa bilər. Bu hal dünya üçün pis nəticələnə bilər. Fransada da müəyyən separatçı qüvvələri var. Belçika da ikiyə parçalana bilər. Avropa dövlətlərində də çaxnaşmalar yarana bilər. Aparıcı dövlətlər yığışıb buna qarşı tədbirlər görməlidir. Əgər belə davam edərsə, dünya parçalanacaq”.

Ziya Səccad
Ölkə.Az

ŞƏRH YAZ
0

Sabah dollar neçəyə olacaq?

Sabah dollar neçəyə  olacaq?
17:14
10.09.2018
329
Analitika
A
Sentyabrın 11-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 11.09.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il sentyabrın 10-da da USD/AZN rəsmi məzənnəsi 1,7000 manat təşkil edib.

ŞƏRH YAZ
0

Ötən gecə cəbhə

Ötən gecə cəbhə
09:38
07.09.2018
343
Analitika
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 91 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan kəndində, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Quşçu Ayrım, Cəfərli, Bala Cəfərli kəndlərində, Berd rayonunun Çinari kəndində yerləşən mövqelərdən Tovuz rayonunun Koxanəbi, Əsrik Cırdaxan kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Nəmirli, Qaraqaşlı, Seyidli, Sarıcalı, Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

ŞƏRH YAZ
0
BAĞLA