Əhali bu səbəbdən istiliklə tam təmin edilməyib — RƏSMİ AÇIQLAMA

Əhali bu səbəbdən istiliklə tam təmin edilməyib
20:12
18.11.2017
7183
Ölkə
A
Noyabrın 15-dən etibarən əhalinin istiliklə təmin olunmasına başlanılmalıydı. Lakin şəhərin bir çox yerlərində istilik təmin edilməyib. Bəzi ərazilərdə isə istilik verilsə də, bu qənaətbəxş deyil. Sosial şəbəkələrdə və bəzi Kütləvi İnformasiya Vasitələrində bildirilir ki, istiliyin verilməməsinə səbəb “Azəristiliktəchizat”ın “Azəriqaz”a borclu olmasıdır.

Ötən il bununla bağlı “Azəristilik” tərəfindən rəsmi açıqlama verilmişdi. Bildirilib ki, qurum qaza görə xidmət haqqını ödəyə bilməyib. Bu səbəbdən də, onların qazanxanalarına verilən qazın təminatı kəsilib. Sonradan hökumətin müdaxiləsi problemin aradan qaldırılmasına səbəb oldu. Bununla da, dekabr ayında istilik təmin edildi.

Bəs bu il vəziyyət necə olacaq? Suala cavab tapmaq üçün “Azəristilik”lə əlaqə saxladıq. “Azəristiliktəchizat” ASC-nin Abonent və müştəri xidmətlərinin rəisi Rafiq Əliyev “Ölkə.Az”a açıqlamasında bildirdi ki, bu il borc problemi həll edilib. Onun sözlərinə görə, borcun böyük qismi qaytarılıb. Qurum rəsmisi istiliyin təmin edilməsində yaranmış problemi belə izah etdi:

“Bakıda bütün qazanxanalarımız işləyir. Sadəcə qazın təzyiqi aşağı olduğu üçün istilik çatdırılmır. Hazırda Bakıda 550 qazanxana var. Hardasa 500 qazanxana işə düşüb, digərləri isə mətkəblər üçün nəzərdə tutulub. Hazırda tətil olduğu üçün onların işləməsi dayandırılıb. Məktəblər fəaliyyətə başlayanda, həmin qazanxanalar da işləyəcək”.

Rafiq Əliyev əlavə edib ki, əhalinin istiliyə görə ödəmələrində də ciddi problemlər yoxdur.

Ziya Səccad
Ölkə.Az

ŞƏRH YAZ
0

Azərbaycanda həkimlər körpənin ürəyini dayandıraraq əməliyyat ediblər

Azərbaycanda həkimlər körpənin ürəyini dayandıraraq əməliyyat ediblər
15:55
Bu gün
539
Ölkə
A
Azərbaycan Tibb Universitetində (ATU) anadangəlmə ürək qüsuru olan körpə əməliyyat olunub.

ATU-nun Mətbuat xidmətindən "Ölkə.Az"a verilən məlumata görə, əməliyyat Daun sindromlu, ürəyində 2 ədəd qulaqcıqarası çəpər defekti, 1 ədəd geniş mədəcikarası çəpər defekti olan 10 aylıq 7 kq çəkisi olan körpə üzərində aparılıb.

Əməliyyatı icra edən ATU-nun Tədris Cərrahiyyə Klinikasının uşaq ürək cərrahı Ramal Həsənov bildirib ki, bu qüsur hələ uşaq ana bətnindəykən ürək çəpərinin tam inkişaf etməməsi nəticəsində arakəsmənin açıq qalması səbəbindən yaranır: “Uşaq doğulduqdan sonra pediatrik kardioloqumuz doktor Elşən Rzayevin nəzarəti altında olub. Uşaq medikamentoz müalicə ilə 10 aya qədər təqibimizdə saxlandıqdan sonra artıq ürək boşluqlarında genişlənmənin başlanması, təngənəfəslik və çəki ala bilməməsi səbəbindən əməliyyat qərarı verdik”.

İki saat davam edən əməliyyat zamanı ürəyin sağ qulaqcığına və aortaya yerləşdirdiyimiz pediatrik kanyullar vasitəsilə bədəndəki bütün venoz qanı süni ürək-ağciyər aparatına verilib və oksigenlənmiş qan geri qaytarılıb. Uşağın bədən temperaturu 32 dərəcəyədək soyudulub, ürəyi dayandırılıb. Ürəyin sağ qulaqcığında kiçik bir kəsik edərək hər üç defekti buradan bioloji material vasitəsilə bərpa etdikdən sonra ürəyi yenidən çalışdırılıb. Uşağ süni ürək-ağciyər aparatından ayrılaraq əməliyyat başa çatdırılıb. 

ŞƏRH YAZ
0

Bakıda sərxoş sürücülər cərimələndi

Bakıda  sərxoş sürücülər cərimələndi
15:15
Bu gün
1209
Ölkə
A
Bakı şəhər Baş Polis İdarəsi Dövlət Yol Polisi İdarəsinin əməkdaşları tərəfindən paytaxtın müxəlif küçə və prospektlərində gecə saatlarında kobud qayda pozuntuları törədən sürücülərin aşkar edilməsi məqsədi ilə növbəti maarifləndirici-profilaktik tədbir keçirilib.

Daxili İşlər Nazirliyinin Mətbuat xidmətindən "Ölkə.Az"a verilən məlumata görə, tədbir zamanı xeyli sayda sərxoş sürücü aşkar olunub, həmçinin yol polisinə tabe olmayan, avtoxuliqanlıq edənlərə rast gəlinib.

Kobud qayda pozuntusu etdiyi üçün Nobel prospektində saxlanılan “Yaguar” markalı avtomobilin sürücüsü Fərhad Hacıyevin yoxlama zamanı sərxoş vəziyyətdə sükan arxasında əyləşdiyi məlum olub. Sərxoşluq dərəcəsinin müəyyən edilməsi üçün həkim müayinəsinə gətirilən sürücünün etdiyi qayda pozuntusu sübuta yetirilib.

Daha bir sərxoş vəziyyətdə avtomobil idarə edən sürücü isə Rəşid Behbudov küçəsində saxlanıldı. Sürücü Afəl Cəfərov “Opel” markalı nəqliyyat vasitəsini içkili halda idarə etmədiyi bildirsə də, müayinə zamanı onun da sərxoşluq dərəcəsi müəyyən edilib.

Tədbir zamanı Binəqədi rayonu ərazisində “Toyota” markalı avtomobilin sürücüsü Bəhruz Bayramov qayda pozuntusuna yol verdiyi üçün polislər tərəfindən ona “saxla” işarəsi verilib. Sürücünün müayinə zamanı sərxoş vəziyyətdə avtomobil idarə etdiyi məlum olub. Sürücü İnzibati Xətalar Məcəlləsinin müvafiq maddəsinin tələblərini pozduğuna görə onun barəsində protokol tərtib edilib, avtomobil isə hərəkətdən kənarlaşdırılaraq mühafizə olunan müvəqqəti duracağa yerləşdirilib.

“BMW” markalı avtomobilin sürücü Arzu Nəsibov isə Yasamal rayonu “Mətbuat”, “Hüseyn Cavid” prospektlərində təhlükəli manevrlər etdiyi, piyadalara yol vermədiyi üçün yol polisləri tərəfindən saxlanılıb. Araşdırma zamanı sürücünün nəqliyyat vasitəsini psixotrop maddələrin təsiri altında idarə etdiyi məlum olub. Sürücü barəsində qanunauyğun tədbir görülərək aidiyyəti üzrə Yasamal Rayon Polis İdarəsinə təhvil verilib.

Qeyd edək ki, tədbir zamanı nəqliyyat vasitələrinin konstruksiyasında dəyişikliklər edən sürücülər də müəyyən edilərək saxlanılıb. Həmin sürücülərdən bəziləri avtomobildə etdikləri konstruksiya dəyişikliklərini yerində aradan qaldırandan sonra barələrində protokol yazılaraq buraxılıblar.

Reyd zamanı digər kobud qayda pozuntularına yol verən sürücülər barəsində də müvafiq tədbirlər görülüb. Bakı şəhər Baş Polis İdarəsi Dövlət Yol Polis İdarəsi əməkdaşları tərəfindən bu tipli maarifləndirici tədbirlər bundan sonra da davam etdiriləcək.

ŞƏRH YAZ
0
BAĞLA