\"Əhalinin gəlirləri artıb\"

“Ölkə.Az” xəbər verir ki,  üç gün davam edəcəl plenar iclasda 2020-ci il dövlət büdcə zərfinə daxil olan sənədlər müzakirə olunacaq.

Giriş nitqi ilə çıxış edən Milli Məclis sədri Oqtay Əsədov bildirib ki, Azərbaycan Prezidenti İlham Əliyevin həyata keçirdiyi uğurlu inkişaf strategiyası ölkəmizdə təşəkkül tapmış makroiqtisadi sabitliyi və maliyyə dayanıqlılığını daha da möhkəmləndirməyə, iqtisadi inkişaf və təhlükəsizlik sahəsində dövlət siyasətinin prioritetlərini və məqsədlərini həyata keçirməyə imkan yaradıb: “ 2019-cu ilin 9 ayında bütün makroiqtisadi göstəricilər üzrə artım müşahidə edilib və ÜDM 2,9 fazi olub, bu dövr ərzində valyuta ehtiyatlarımız 3 milyard dollar artaraq 48,5 milyard dollara çatıb. Əhalinin gəlirlərinin artımı inflyasiyanı üstələyib ki, bu da sosial vəziyyətin yaxşılaşmasının əsas göstəricilərindən biridir.  İnfilyasiya 2,5 faiz təşkil edib. Ölkə iqtisadiyyatına 10 milyard manat həcmində investiya qoyulub ki, bunun da  60 faizi qeyri-neft sektoruna yatırılıb”.

Milli Məclisin sədri bildirib ki, bu gün müzakirə edilən büdcə zərfi sənədləri ölkə həyatında müşahidə olunan müsbət dinamik dəyişiklikləri dolğun əks etdirir. “Son illərdə düşünülmüş  surətdə həyata keçirilən iqtisadi islahata ölkəyə olan etimadı daha da möhkəmlədib.  Bu proses 2020-ci ildə də davam edəcək. Növbəti ildə büdcənin həcmi 4,8 faiz artacaq. Növbəti ildə ÜDM 3 faiz, qeyri-neft sektorunda artım 3,8  faiz olacağı gözlənilir”- spiker bildirib.
O, əlavə edib ki, növbəti il büdcəsi sosialyönümlü  büdcədir: “Bu məqsədlə iki sosial layihənin icrası üşün 2020-ci ildə büdcəsində 4 milyard manat vəsaitin ayrılması nəzərdə tutulur”.

 Mürtəza
Ölkə.Az