KORONAVİRUSA YOLUXANLARIN SAYI - CANLI STATİSTİKA

Əhalinin növbəti siyahıyaalınması başa çatdı

Əhalinin növbəti siyahıyaalınması başa çatdı
15:41
16.10.2019
2153
Ölkə
A
Azərbaycanın bütün rayon və şəhərlərində yaradılmış əhalinin siyahıyaalınmasına yardım komissiyalarından daxil olmuş məlumatlara görə, ölkəmizdə keçirilən əhalinin növbəti siyahıyaalınması əsasən başa çatıb.

"Ölkə.Az" xəbər verir ki, bu barədə Dövlət Statistika Komitəsi məlumat yayıb.

Bildirilib ki, cari ilin sonunadək ölkənin bütün rayon və şəhərlərində siyahıyaalmanın keyfiyyətinin yoxlanılması məqsədilə müvafiq tədbirlər görüləcək, o cümlədən təlimatçı-nəzarətçilər tərəfindən sayıcılardan siyahıyaalma sənədlərinin qəbul edilməsi, onların yoxlanılması, siyahıyaalma məntəqələrinin müdirlərinə təhvil verilməsi, daha sonra isə həmin materialların Dövlət Statistika Komitəsinin Siyahıyaalma qrupuna təqdim edilməsi prosesi həyata keçiriləcək. Qeyd olunan proseslər tam başa çatdıqdan sonra, 2020-ci ilin yanvar ayından etibarən həmin məlumatların Dövlət Statistika Komitəsində xüsusi yaradılmış elektron informasiya sisteminə daxil edilməsinə başlanılacaq.

Siyahıyaalmanın keyfiyyətinin yoxlanılması zamanı aşkar olunmuş nöqsanların aradan qaldırılması, eyni zamanda siyahıyaalma dövründə müxtəlif səbəblərdən siyahıyaalmadan kənarda qalmış şəxslərin də siyahıyaalmaya cəlb edilməsi məqsədilə bütün yerli statistika orqanlarında operativ qruplar yaradılıb ki, həmin qruplar tərəfindən ilin sonunadək hər bir müraciət üzrə müvafiq tədbirlərin görülməsi təmin ediləcək.

Dövlət Statistika Komitəsi siyahıyaalmadan kənarda qalmış şəxslərə bir daha müraciət edərək cari ilin oktyabr ayının 1-dən etibarən fəaliyyət göstərən “Qaynar xətt mərkəzi”nə (012) 510-07-89, 539-54-44, 539-80-44 nömrəli telefonlar vasitəsilə məlumat vermələrini xahiş edir.

"Əlavə olaraq bildiririk ki, Azərbaycan Respublikasının dövlət büdcəsində siyahıyaalma üçün nəzərdə tutulmuş vəsaitin 82,0 faizi sayıcılar da daxil olmaqla 42844 nəfər siyahıyaalma personalının əməyinin ödənişi üçün nəzərdə tutulub ki, həmin vəsait də “Kapital Bank” ASC ilə bağlanmış müqaviləyə əsasən onun yerli filialları tərəfindən plastik kartlar vasitəsilə bu şəxslərə ödəniləcək. Qalan vəsait isə ölkə əhalisinin sayına uyğun olaraq siyahıyaalma materiallarının nəşr edilməsinə, siyahıyaalma prosesi üçün çanta və dəftərxana ləvazimatlarının alınmasına və s. sərf edilib".

Ölkə.Az

ŞƏRH YAZ
0

İsmayıllıya icazələri olmadan istirahətə gələnlər cərimələndi

İsmayıllıya icazələri olmadan istirahətə gələnlər cərimələndi
22:35
Bu gün
1232
Ölkə
A
İsmayıllı Rayon Polis Şöbəsinin əməkdaşları tərəfindən Bakı şəhərindən, eləcə də sərtləşdirilmiş karantin rejimi elan olunan digər rayonlardan icazələri olmadan, qaydaları pozaraq istirahətə gələn şəxslərin müəyyən edilməsi məqsədilə növbəti reyd keçirilib.

"Ölkə.Az" report-a istinadən xəbər verir ki, reyd zamanı yol polisi əməkdaşları tərəfindən nəqliyyat vasitələri saxlanılıb, planşetlə sürücü və sərnişinlər yoxlanılıb.

Yoxlama zamanı icazələri olmadan və yaxud iş üçün icazəsi olub, istirahət məqsədilə rayon ərazisinə gələn şəxslər aşkar edilib. Onların barəsində İnzibati Xətalar Məcəlləsinin müvafiq maddəsi ilə protokol tərtib olunub.

Bu istiqamətdə tədbirlər növbəti günlərdə də davam etdiriləcək.

ŞƏRH YAZ
0

Alıcılar marketlərdə karantin qaydalarına necə riayət edir? — REPORTAJ / VİDEO

Alıcılar marketlərdə karantin qaydalarına necə riayət edir?
21:59
Bu gün
2695
Ölkə
A
Koronavirusa qarşı mübarizə tədbirləri sırasında sosial məsafənin qorunması və tibbi maskalardan istifadə ən effektiv üsullardan biridir.

"Ölkə.Az" xəbər verir ki, xəstəliyin sürətlə yayılmasına şərait yaradan əsas şərtlərdən biri də həmin tələblərin pozulmasıdır.

Bu səbəbdən insanların kütləvi toplaşdıqları idarə və müəssisələrdə, ictimai-iaşə obyektlərində, mağazalarda, ictimai nəqliyyatda tələblərə riayət edilməsi olduqca zəruridir. Təsadüfi deyil ki, bir sıra ictimai-iaşə obyeklərində, müəssisələrdə içəri daxil olanların hərarəti ölçülür, tibbi maskanın olub-olmadığı yoxlanılır.

Bəs bir sıra mağazalarda, alış-veriş məkanlarında bu qaydalara necə riayət olunur?

Marketlərdə alıcıların karantin qaydalarına riayət edib-etməmələrini araşdırdıqda təəssüf ki, bəzi vətəndaşların buna məsuliyyətsiz yanaşdığını, ictimai yerlərə, insanların sıx toplaşdıqları ərazilərə tibbi maska ilə daxil olsalar da, sonradan ya maskanı çıxarmalarının, ya da çənəyə taxmalarının şahidi olduq.

 
ŞƏRH YAZ
0
BAĞLA