Əhaliyə kimyəvi silahla atəş açan İŞİD komandiri öldürüldü

Əhaliyə kimyəvi silahla atəş açan İŞİD komandiri öldürüldü
00:15
21.04.2017
13
Dünya
A
İraqın Mosul şəhərinin qərbində yerləşən rayonlarında dinc əhaliyə qarşı zəhərli və kimyəvi silahlardan atəş açmaq əmrini verən İŞİD komandiri öldürülüb.

"Ölkə.Az" xəbər verir ki, terrorçuların komandiri İraq ordusunun hərbçiləri tərəfindən güllələnib.Onunla birlikdə bir neçə terrorçu də məhv edilib.

Qeyd edək ki, İŞİD terrorçuları bu ilin martında Mosulun mərkəzində gedən döyüşlər zamanı İraq ordusuna qarşı zəhərli  qazdan istifadə ediblər. Aprelin əvvəlində isə terrorçular Mosulun sakinlərinə qarşı zəhərli qazla doldurulmuş mərmilərdən istifadə ediblər. Məlumata görə, terrorçular tərkibində xlor olan raket atıblar. Hücum nəticəsində yeddi hərbçinin tənəffüsündə problem yaranıb, onlar xəstəxanaya yerləşdirilib. Bundan başqa, 12 dinc əhali ağır xəsarət alıb. Onlaırn içərisində uşaq və hamilə qadınlar da var.

Xatırladaq ki, 2016-cı ilin oktyabr ayından Mosulda İraq ordusu və ABŞ hərbçilərinin birgə təşkil etdiyi koalisiya qüvvələri əməliyyatlara başlayıb. Əməliyyatlar nəticəsində İraqda bir çox ərazi İŞİD terrorçularından təmizlənib. Bu ilin mart ayından başlayaraq Mosul şəhəri mühasirəyə alınıb. 

Ziya Səccad
Ölkə.Az

ŞƏRH YAZ
0

İranlı general Səfəvi: "YPG qruplaşması Afrini işğal edib"

İranlı general Səfəvi:
14:28
Bu gün
195
Dünya
A
İranın ali ruhani lideri ayətullah Əli Xomeneinin ali hərbi müşaviri general Yəhya Rəhim Səfəvi Türkiyənin Afrin əməliyyatına münasibət bildirib.

"Ölkə.Az" xəbər verir ki, Səfəvi, YPG qruplaşmasnın Suriyanın suverenliyini pozaraq Aralıq dənizinə çıxış əldə etmək üçün Afrini işğal etdiyini bildirib.

"Zeytin Dalı" əməliyyatı ilə bağlı sualları cavablandıran general Səfəvi deyib: "ABŞ yeni ildə əsas strategiyasının "regiondakı münaqişə bölgələrini qorumaq-olduğunu bildirib. ABŞ 30 min nəfərlik yeni bir güc yaradaraq Türkiyənin cənubu ilə İraqdakı kürdlər üçün muxtar bir bölgə qurmaq istəyir. Digər tərəfdən kürdlər bunun daimi olması üçün Aralıq Dənizinə çıxış əldə etmək lazım olduğunu bilirlər və bu səbəbdən Afrini işğal etdilər. Kürdlərin bu həmləsi Suriyanın suverenliyini pozmaqdır. Bizə görə Türkiyə və  ABŞ-ın Suriya torpaqlarında olması da hüquqa ziddir. Suriya ordusu və dövləti buna icazə verməyəcək".

Hikmət Həsənov
Ölkə.Az

ŞƏRH YAZ
0

Qətərin rəsmi mövqeyi: "Türkiyəni dəstəkləyirik, lazım gəlsə..."

Qətərin rəsmi mövqeyi:
13:41
Bu gün
269
Dünya
A
Qətərin müdafiə naziri Əl-Attiyə Türkiyənin müdafiə naziri Nurəddin Canikli ilə "Zeytin Dali" əməliyyatını müzakirə edib.

"Ölkə.Az" xəbər verir ki, nazirin bəyanatına əsasən, Qətər "Zeytin Dalı" əməliyyatında sona qədər Türkiyəni dəstəkləyəcək və lazım gəlsə, hərəkata lazım olan bütün dəstəyi verəcək.

"MSB"-nin məlumatına əsasən, Əl-Attiyə ilə Canikli dünən gecə saatlarında telefonla danışıb. Qətərli nazir Türkiyənin tələbi doğrultusunda hərəkata lazım olan bütün dəstəyi verəcəklərini vurğulayıb.

Türkiyəli nazir isə həmkarına Türkiyənin milli təhlükəsizliyini təmin etmək üçün başladılan "Zeytin Dalı" əməliyyatı barədə məlumat verib.

Hikmət Həsənov
Ölkə.Az

ŞƏRH YAZ
0
BAĞLA