AXTAR

Axtarışın nəticələri

Bütün nəticələr
26 Aprel 2017

Əhaliyə kimyəvi silahla atəş açan İŞİD komandiri öldürüldü

İraqın Mosul şəhərinin qərbində yerləşən rayonlarında dinc əhaliyə qarşı zəhərli və kimyəvi silahlardan atəş açmaq əmrini verən İŞİD komandiri öldürülüb.

21.04.2017 00:15 Bölmə: Dünya Oxunma sayı: 363
A- A A+

"Ölkə.Az" xəbər verir ki, terrorçuların komandiri İraq ordusunun hərbçiləri tərəfindən güllələnib.Onunla birlikdə bir neçə terrorçu də məhv edilib.

Qeyd edək ki, İŞİD terrorçuları bu ilin martında Mosulun mərkəzində gedən döyüşlər zamanı İraq ordusuna qarşı zəhərli  qazdan istifadə ediblər. Aprelin əvvəlində isə terrorçular Mosulun sakinlərinə qarşı zəhərli qazla doldurulmuş mərmilərdən istifadə ediblər. Məlumata görə, terrorçular tərkibində xlor olan raket atıblar. Hücum nəticəsində yeddi hərbçinin tənəffüsündə problem yaranıb, onlar xəstəxanaya yerləşdirilib. Bundan başqa, 12 dinc əhali ağır xəsarət alıb. Onlaırn içərisində uşaq və hamilə qadınlar da var.

Xatırladaq ki, 2016-cı ilin oktyabr ayından Mosulda İraq ordusu və ABŞ hərbçilərinin birgə təşkil etdiyi koalisiya qüvvələri əməliyyatlara başlayıb. Əməliyyatlar nəticəsində İraqda bir çox ərazi İŞİD terrorçularından təmizlənib. Bu ilin mart ayından başlayaraq Mosul şəhəri mühasirəyə alınıb. 

Ziya Səccad
Ölkə.Az