Əhəd Abıyev: Məgər Daşkəsəndən Almaniyaya təyyarə reysi var?

Əhəd Abıyev: Məgər Daşkəsəndən Almaniyaya təyyarə reysi var?
11:51
12.08.2017
181
Ölkə
A
Daşkəsən rayon İcra Hakimiyyətinin başçısı, Milli Məclisin sabiq deputatı Əhəd Abıyev təcili müalicə üçün Almaniyaya aparılması barədə yayılan xəbərlərə münasibət bildirib.

Ə.Abıyev “Ölkə.Az”-a açıqlamasında yayılan xəbərlərin doğru olmadığını deyib:

“Yazırlar ki, guya səhhətim qəfil pisləşib və Almaniyaya aparılmışam. Bütün bunlar cəfəngiyyatdır. Hazırda da işimin başındayam. Ötən gün isə iclas keçirmişəm. Mən necə Almaniyaya getmişəm ki, Daşkəsəndə işimin başındayam? Məgər Daşkəsəndən Almaniyaya təyyarə reysi var? Bütün bunlar uydurma xəbərlərdir”. 

Xatırladaq ki, yerli saytlardan birinin  yaydığı xəbərə görə, Daşkəsən rayon İcra Hakimiyyətinin başçısı Əhəd Abıyevin səhhətində ciddi problemlər yaranıb.

Sayt yazır:

“Əhəd Abıyevin səhhəti pisləşdiyi üçün təcili olaraq Almaniyaya aparılıb. Bir həftədən çoxdur Almaniyada müalicə olunan icra başçısının səhhəti ilə bağlı hər hansı məlumat əldə etmək mümkün deyil. İcra başçısı ona edilən telefon zənglərini cavabsız qoyur.

Məsələ burasındadır ki, Əhəd Abıyev bir müddət öncə Gəncədəki özəl xəstəxanaların birində ürəyindən əməliyyat olunub. Lakin, əməliyyatı uğursuz keçdiyindən, icra başçısının vəziyyəti daha da kritikləşib”.

Vasif Həsənli
Ölkə.Az

 

ŞƏRH YAZ
0

Müdafiə Nazirliyindən Talış kəndi ilə bağlı — BƏYƏNAT

Müdafiə Nazirliyindən Talış kəndi ilə bağlı
16:22
Bu gün
216
Ölkə
A
“Talış kəndində yaşayış binalarının inşa edilməsi ilə bağlı erməni tərəfinin yaydığı xəbər məhz daxili auditoriyaya hesablanıb və prezident seçkiləri ərəfəsində təbliğat xarakteri daşıyır”.

Bu barədə "Ölkə.Az"a Müdafiə Nazirliyi mətbuat xidmətindən bildirilib.

Nazirlikdən qeyd olunub ki, 2016-cı ilin aprel ayında keçirilən əks-həmlə əməliyyatı nəticəsində Talış kəndi ətrafındakı azad edilmiş yüksəkliklərdə yerləşən Azərbaycan Ordusunun mövqelərindən yaşayış məntəqəsi və bu istiqamətdə düşmən müdafiəsinin dərinliyindəki digər strateji əhəmiyyətli kommunikasiya xətləri daim nəzarətdə saxlanılır.

“2016-cı ilin aprel döyüşlərindən sonra ermənilər tikinti işlərini Talış kəndi adı altında cəbhə xəttindən xeyli aralıda, digər ərazidə aparırlar”, - nazirlikdən verilən məlumatda deyilib.

Qeyd edək ki, nazirlikdən təqdim edilən fotolarda  Azərbaycan Ordusunun yüksəklikdəki mövqelərindən aydın görünən Talış kəndidir və burada hər hansı bir tikintinin aparılması müşahidə olunmur. Döyüş mövqelərinə bu qədər yaxın məsafədə olan ərazidə tikinti işlərinin aparılması mümkün deyil.

ŞƏRH YAZ
0

Körpələr evi və uşaq bağçalarına qəbul qaydası açıqlandı

Körpələr evi və uşaq bağçalarına qəbul qaydası açıqlandı
16:21
Bu gün
257
Ölkə
A
Nazirlər Kabineti “Məktəbəqədər təhsil müəssisələrinə qəbul Qaydası”nı təsdiq edib.

"Ölkə.Az"ın APA-ya istinadən məlumatına görə, bu qayda uşaqların məktəbəqədər təhsil müəssisələrinə qəbulu məsələlərini tənzimləyir.

Məktəbəqədər təhsil müəssisəsinə 1 yaşdan 6 yaşadək (6 yaş daxil olmaqla) uşaqlar qəbul edilirlər. Məktəbəqədər təhsil müəssisəsinin uşaqlarla komplektləşdirilməsi zamanı uşaq kontingenti məktəbəqədər təhsil müəssisəsinin növünə və uşaqların yaşına uyğun formalaşdırılır:

-  körpələr evi - 1 yaşdan 3 yaşadək;

- körpələr evi-uşaq bağçası - 1 yaşdan 6 yaşadək;

- uşaq bağçası - 3 yaşdan 6 yaşadək.

Qrupların komplektləşdirilməsi hər ilin may ayından başlayaraq sentyabr ayınadək, uşaqların məktəbəqədər təhsil müəssisəsinə qəbulu iyunun 1-dən avqustun 31-dək həyata keçirilir, boş yerlərə qəbul isə il ərzində aparılır. Uşaqların məktəbəqədər təhsil müəssisəsinə qəbulu üçün aşağıdakı sənədlər tələb olunur:

- müəssisənin müdirinin adına ərizə (ərizənin nümunəsi

əlavə olunur);

- valideynin və ya digər qanuni nümayəndənin şəxsiyyətini

təsdiq edən sənədin surəti;

- uşaqların mübadilə vərəqəsi;

- uşağın doğum haqqında şəhadətnaməsinin surəti;

- uşağın 3x4 sm ölçüdə 2 ədəd fotoşəkli;

- uşağın sağlamlığının vəziyyəti barədə tibbi arayış.

Məktəbəqədər təhsil müəssisəsində yalnız boş yer olmadığı halda, uşaqların müəssisəyə qəbul edilməsindən imtina oluna bilər. Əks halda, uşağın məktəbəqədər təhsil müəssisəsinə qəbul edilməsindən imtina olunması valideynə və ya digər qanuni nümayəndəyə bu barədə təsisçiyə şikayət etmək hüququ verir. Sağlamlıq imkanları məhdud olan uşaqların məktəbəqədər təhsil müəssisəsinə qəbulu və onların orada qalma müddətinin müəyyənləşdirilməsi psixoloji-tibbi-pedaqoji komissiyanın qərarına əsasən həyata keçirilir. Dövlət məktəbəqədər təhsil müəssisəsinə ilk növbədə şəhid ailələrinin, Qarabağ müharibəsi iştirakçılarının və əlillərinin, tək işləyən valideynlərin, I və II qrup əlillərin, hərbi xidmətdə olan valideynlərin, təhsil alan anaların uşaqları, çoxuşaqlı ailələrdən olan uşaqlar, qəyyumluqda olan uşaqlar qəbul edilirlər

Azərbaycan vətəndaşı olan uşaqlarla Azərbaycan Respublikasında yaşayan əcnəbi və vətəndaşlığı olmayan məktəbəqədər yaşlı uşaqların məktəbəqədər təhsil müəssisələrində bərabər şərtlərlə təhsil almaları təmin edilir. Bələdiyyə və özəl məktəbəqədər təhsil müəssisəsi ilə valideynlər və ya digər qanuni nümayəndələr arasında münasibətlər müqavilə ilə tənzimlənir.

Bu qərar dərc olunduğu gündən qüvvəyə minir.

ŞƏRH YAZ
0
BAĞLA