Əhəd Abıyev məşhur taksi şirkətini aldı?

Azərbaycanda fəaliyyət göstərən məşhur *9933 taksi şirkəti satılıb. 

“Ölkə.Az”-ın əldə etdiyi məlumata görə, sözügedən şirkət *2424 taksi şirkəti tərəfindən alınaraq, birləşdirilib. Birləşdirilmədən sonra şirkət “Aztaksi” adı ilə fəaliyyətə başlayacaq. Artıq müştərilərə “Az taksi” adı ilə mesajlar da göndərilir. 

Qeyd edək ki, *2424 və “Aztaksi” şirkətlərinin Daşkəsən rayon İcra Hakimiyyətinin başçısı, sabiq deputat Əhəd Abıyevə məxsus olduğu bildirilir. Hər iki şirkətə Ə.Abıyev öz yaxın adamlarını rəhbər təyin edərək fəaliyyət göstərdiyi iddia edilir.

Məsələ ilə bağlı Ə.Abıyevdən münasibət öyrənmək mümkün olmayıb.

*9933 taksi şirkətinin icraçı direktoru Anar Ağayev yayılan məlumatlara münasibət bildirib.

O, “Ölkə.Az”-a açıqlamasında şirkətinin adının dəyişdirilərək, “Az Taksi” olduğunu təsdiqləyib:

“Doğrudur, şirkətin adı dəyişdirilib. Ancaq şirkətin Əhəd Abıyevlə heç bir əlaqəsi yoxdur”.

Vasif Həsənli
Ölkə.Az