Ehtiram Mehtiyev: “Müxalifətin gücsüzlüyü hakimiyyəti güclü göstərir”

Ehtiram Mehtiyev: “Müxalifətin gücsüzlüyü hakimiyyəti güclü göstərir”
15:04
11.08.2017
112
Siyasət
A
Bu gün hakimiyyəti güclü göstərən təkcə onun güc strukturları deyil, eyni zamanda müxalifətin zəifliyidir.

Bunu "Ölkə.Az"-a açıqlamasında Azərbaycan Xalq Cəbhəsi Partiyası sədrinin  müavini Ehtiram Mehdiyev deyib. Onun sözlərinə görə, ənənəvi müxalifət artıq kürsülərində öz yubiley  yaşlarını qeyd edirlər:

“Ağarmış  saçlar, kommunist təfəkkürü, uğursuz seçki, məhv olmuş ümidlər müxalifəti güclü edə bilməz. Güclü müxalifət istəyiriksə, ənənəvi sifətləri, pafoslu çıxışları, iş üslubunu ümumiyyətlə, köhnə olan hər şeyi dəyişməliyik. Yeniləşməkdən başqa çarəmiz yoxdur. Bunu təkcə mən istəmirəm. Xalq artıq yenilik tələb edir.  Barışmaq lazımdır ki, bu gün Azərbaycanda siyasi və sivil azadlıqlar baxımından vəziyyət çox gərgindir. Bunun da səbəbi saxta ənənəvi müxalifətçilik edənlərə "dur" deyən olmadı. Və yaxud da “dur” deyənlərin özünü saxta çıxartdılar”.

AXCP yetkilisi hesab edir ki, mərhum Əbülfəz Elçibəyə də ətrafındakı saxta siyasətçilər zərbə vurdu:

“Xəyanət edənlər, saxta siyasətçilər zamanında Elçibəyin ətrafından təmizlənsəydi, bu gün siyasi vəziyyət bu cür kəskin pisləşməzdi. Məhz o ənənəvi müxalifətçilik edənlərin satqınlığı və səriştəsizliyi nəticəsində Elçibəy hakimiyyəti bir ildən artıq qoruyub saxlaya bilmədi. Təəssüflər olsun ki, tarixi səhvlərdən nəticə çıxarılmadı. Onlar xalqı pula, vəzifəyə satdılar. Mahiyyəti saxtakarlıqla yoğrulan bu insanlara görə bu gün əhalinin həm siyasi partiyalara, həm siyasi fəallığa inamı qalmayıb. Xalqı Elçibəy kimi təmənnasız sevmək lazım idi. Xalqın sevgisini hər lider qazana bilmir. O sevgini qazanmaq üçün səmimiyyət lazımdır”. 

“AXCP bizə əmanətdir”

Ehtiram Mehdiyev hesab edir ki, əhali ilə təmasları artırmaq, əhalinin içərisinə girmək lazımdır: “Onların dərdinə şərik olmaq, onları dinləmək lazımdır. Hakimiyyətdən icazə alıb stadionda mitinq keçirib, pafoslu çıxış etməklə xalqın sevgisini qazanmaq olmaz. Xalq artıq belə oyunlara inanmır. Bizə deyirlər niyə məhz AXCP adına iddia edirsiniz. Başqa adla fəaliyyət göstərə bilərdiniz. İlk öncə biz iddia etmirik. Biz AXCP-nin özüyük. Razi Nurullayev başqalarından fərqli olaraq AXCP adını dəyişmədi. Çünki, AXCP bir əmanətdir. Elçibəyin və xalqın əmanəti. Biz baxımsız qalan o əmanətə sahib çıxdıq. Bu mübarizəyə cəbhəçilərlə çıxdıq, cəbhəçilərlə də yolumuzu davam etdiririk. Güvən yerimiz xalqdır”.

Ölkə.Az

ŞƏRH YAZ
0

İlham Əliyev "Chevron" şirkətinin vitse-prezidenti ilə görüşdü

İlham Əliyev
23:37
22.01.2018
4008
Siyasət
A
Azərbaycan Respublikasının Prezidenti İlham Əliyevin Davosda “Chevron” şirkətinin korporativ biznes inkişafı üzrə vitse-prezidenti Cey Prayer ilə görüşü olub.

"Ölkə.Az" xəbər verir ki, Cey Prayer “Azəri-Çıraq-Günəşli” yataqlarının birgə işlənilməsini nəzərdə tutan müqavilənin müddətinin uzadılması münasibətilə Prezident İlham Əliyevi təbrik edib. 

“Chevron” şirkəti ilə Azərbaycan arasında tərəfdaşlığın yüksək səviyyədə olduğunu deyən Cey Prayer bu əməkdaşlığın gələcəkdə də uğurla davam edəcəyinə əminliyini ifadə edib.

Prezident İlham Əliyev Azərbaycanda əlverişli investisiya mühitinin yaradıldığını, ölkəmizin etibarlı tərəfdaş olduğunu bir daha vurğulayıb.

Ölkə.Az

ŞƏRH YAZ
0

Prezident azərbaycanlı iş adamı ilə görüşdü — FOTO

Prezident azərbaycanlı iş adamı ilə görüşdü
22:10
22.01.2018
4328
Siyasət
A
Azərbaycan Respublikasının Prezidenti İlham Əliyev yanvarın 22-də Davosda Rusiyanın “LUKOİL” şirkətinin prezidenti Vahid Ələkbərov ilə görüşüb.

"Ölkə.Az" AzərTac-a istinadən xəbər verir ki, görüşdə “LUKOİL” şirkətinin Azərbaycandakı uğurlu fəaliyyəti müzakirə olunub. Bu şirkətin 20 ildən çoxdur ki, ölkəmizə sərmayələr qoyduğu qeyd edilib. “LUKOİL”-SOCAR əlaqələrinin uğurla inkişaf etdiyi bildirilib və gələcək əməkdaşlığın istiqamətləri ilə bağlı fikir mübadiləsi aparılıb.

Ölkə.Az

ŞƏRH YAZ
0
BAĞLA