Əkin sahəsinə girən inəkləri atəşə tutdu
Ölkə.Az bildirir ki, hadisə Masallının bala Kolatan kəndində baş verib. Kənd sakini Allahşükür Məmmədov noxud əkdiyi tarlaya iribuynuzlu malqara girdiyini görərək onlara özünə məxsus ov tüfəngi ilə atəş açıb.
Hadisə zamanı Kolatan kəndinin digər sakinlərinə məxsus olan ümumlikdə 4 iribuynuzlu heyvan da yaralanıb.Onlardan biri çoxlu qan itiridiyindən sonradan ölüb. Digər 3 iribuynuzluya isə baytar həkimlər nəzarət edir.
Hadisəni törədən şəxs Allahşükür Məmmədov dəfələrlə iribuynuzlu heyvanların sahiblərinə müaciyət etdiyini , amma nəticəsinin olmadığını deyir. O, heyvanlar səbəbindən məhsul götürə bilmədiyini deyir.
Hadisə ilə bağlı kəndin sakinləri 102 xidmətinə məlumat veriblər. Polis əməkdaşları hadisə yerinə gəlib. Faktla bağlı araşdırmalar aparılır. /xezerxeber.az
