Əks cins mənsubu ilə fikir ayrılığı istisna deyil — Günün qoroskopu

Əks cins mənsubu ilə fikir ayrılığı istisna deyil
07:56
13.06.2019
1990
Maraqlı
A
"Ölkə.Az" günün ulduz falını təqdim edir:

Qoç - Gün ümumən uğurlu olsa da, kiçik problemlər, anlaşılmazlıqlar və uğursuz təsadüflər əhvalınızı korlaya bilər. Nikbin olun, ruhdan düşməyin. Çətinliklər müvəqqətidir. İşsiz oturmayın, çalışın.
Maraqlandığınız işlə məşğul olun, real hədəfə çatmağa can atın. Ətalətli və tənbəl olmayın.

Passivlik səhhətinizə pis təsir edə bilər.
Əks cins mənsubu ilə fikir ayrılığı istisna deyil. Yaxın ətrafınızdakı insanlardan biri sizə təzyiq göstərməyə, mövqeyi ilə zorla razılaşdırmağa çalışır. Məsləhətlər verməyin. Yanınızdakı insanlar məsləhət dinləmək istəmirlər.

Axşam saatlarında istirahət edin.

Buğa - Aktiv çalışmaq üçün əlverişli gündür. Mənzil və ya ev almaq, kirayəyə götürmək fikriniz varsa, işi təxirə salmayın. Amma ilkin danışıqlarda sayıq olun. Maliyyə məsələlərində sadəlövhlük etməyin.
Etibarlı tərəfdaş və ya inandığınız insanla məsləhətləşin.

Səyahətə və ya səfərə yollanmaq, gərəkli əşyanı almaq olar.

Bütün addım və qərarlarınızda soyuqqanlı olun, məntiq çərçivəsində hərəkət edin
Yaxın ətrafınızdakı insanlar sizi soyuq, laqeyd, qaraqabaq insan saysalar da, eyb etməz.

Axşam saatlarında yaşam tempini bir qədər aşağı salın.

Əkizlər - Uğurlu gün olmayacaq. Lakin günün ikinci yarısına yaxın əlverişli imkanlar yaranacaq. Qarşınıza qoyduğunuz məqsədə çatmaq üçün şansdan yararlanın. Planları həyata keçirin və ya nüfuzlu insanı işinizlə maraqlandırın.
Səhhətinizə fikir verin. Qəza və ya travma riski var.

Günün ikinci yarısında aktiv olun, kiçik problemlər sizi qorxutmasın.
Məişət texnikasının sıradan çıxma təhlükəsi realdır. Kiçik, amma dəyərli əşyanı itirə bilərsiniz.

Xərçəng - Sadə gün deyil. Yeni işlərə başlamaq, layihəyə start vermək, müttəfiqlər axtarmaq üçün düşərli zaman deyil. Aktiv çalışın, uzun-uzadı istirahət etməyin.
İmiclə eksperimentlər etməyin. Allergik reaksiya riski var.

Əks cins mənsubu ilə ixtilaf yarana bilər. Alış-verişdə bədxərcliyə qapılmayın.
Axşam saatlarında kiçik səfərə, təbiət qoynuna yollanmaq olar.

Şir - Günün ilk yarısında əlverişsiz emosional fon var. Əhvalınız dəyişəcək. Yaxın ətrafınızdakı insanlarla dil tapmaq çətinləşir, fikirlərinizdəki qarışıqlığı aradan qaldırmaq müşkül məsələyə çevrilir.
Kiçik problemlər istisna deyil. Situasiyada ruhdan düşməyin, irəliyə doğru hərəkət edin.

Günün ikinci yarısı daha uğurludur. Yeni işlərə şövq və həvəslə başlasanız, tezliklə uğura nail ola bilərsiniz.
Axşam saatlarında dəvət aldığınız tədbirə qatılın. Dost məclisində və ya tədbirdə özünüzü əla hiss edəcəksiniz.

Qız - Günün ilk yarısı bilik, bacarıq və təcrübənin artırılması, yeni informasiya alınması, faydalı təcrübənin əxz olunması üçün əlverişlidir.

İntellektual potensialınız yüksəkdir. Ciddi problemləri həll etməyə, çətin suallara cavab aramağa çalışın.
Yaxın ətrafınızda olan insanlardan biri çətin vəziyyətə düşəndə məsləhət üçün sizə müraciət edəcək.

Günün ikinci yarısı diqqət, səliqə və konsentrasiya tələb edən işlər üçün yaxşıdır.
Hesablamalar aparmaq, büdcəni planlaşdırmaq, maliyyə məsələlərini çözməklə məşğul ola bilərsiniz.

Tərəzi - Bütün məqsədlər əlçatan təsir bağışlayır. Fəqət qüvvə və potensialınızı olduğundan artıq saymayın, çətin işləri təkbaşına həll etməyə çalışmayın. Yaxın ətrafınızdakı insanın təklif etdiyi yardımdan boyun qaçırmayın. Birgə iş və əməkdaşlıq daha effektivdir.
Sevdiyiniz insanla məşğul olduğunuz istənilən iş, münasibətləri möhkəmləndirəcək.

Günün ikinci yarısında xurafat qurbanı olaraq ciddi səhvə yol verməyin.
Yaxın ətrafınızdakı insanların məsləhətlərinə qulaq asmaq əvəzinə öz intuisiyanıza güvənin. Yaxınlarınızın xoşuna gəlməyəcək addımların atılması ehtimalı var.

Əqrəb - Gün ərzində yaşanan xoşagəlməz hadisələri soyuqqanlılıqla qarşılayın, stoik olun. Təmkin və səbr sayəsində çətin situasiyalardan çıxış yolu tapmaqla yanaşı, bunu bacara bilməyən insanlara da yardım edəcəksiniz.
Dostların və yaxınların məsləhətinə qulaq asın.

Xərclər olacaq və onların bəziləri məntiqi deyil.
İnsanlara həddən ziyadə inanmayın, işgüzar təmaslarda sayıq olun.

Alış-veriş məsləhət deyil.

Axşam saatlarında normal istirahət edin.

Oxatan - Günün ilk yarısı aktiv fəaliyyət, ruh yüksəkliyi və yeni ideyaların peyda olduğu zamandır. Dərhal uğur əldə edəcəyinizi düşünməyin. Lakin bu vaxt gördüyünüz işlərdə fayda var. Küsənləri barışdırın.
Ailədəki problemlərə vaxtında fikir versəniz, onları çözə bilərsiniz.

Alış-verişdə simiclik etməyin.

Günün ikinci yarısında yaşam tonusu səviyyəsi aşağı düşəcək.
Səhhətinizə fikir verin. Xroniki ağrıların kəskinləşməsi istisna deyil. Axşam saatlarına dost məclisi və ya romantik görüş təyin etməyin.

Təkbaşına qalanda, tənha dəqiqələr yaşayanda özünüzü daha yaxşı hiss edəcəksiniz.

Oğlaq - Gün ciddi problemlər vəd etməsə də, kiçik anlaşılmazlıqlar olacaq. Müşküllərə sakit yanaşın. Vaxtında qəbul edilmiş səhih qərar hər şeyi yoluna qoymağınıza imkan verəcək. Yaşlı qohumlarla fikir ayrılıqları, pula görə mübahisələr istisna deyil.
Yaxınlarınızla maliyyə məsələlərini müzakirə etmək istəməsəniz də, indi belə proses qaçılmazdır.

Günün ikinci yarısı çətin məsələlərin həlli üçün əlverişli zamandır. Enerjili və qətiyyətli olun.
Seçdiyiniz yolla getməyə sizə kimsə mane ola bilməyəcək. Nüfuzlu şəxsdən dəstək almaq, sizin üçün mühüm insanın rəğbətini qazanmaq şansı var.

Dolça - Günün ilk yarısında ehtiyatlı olun. Hər addımı yaxşı düşünün, hər qərarı götür-qoy edin. Gərəksiz əlaqə və təmaslara can atmayın. Şübhəli şəxslərlə iş görməyin. Yaramaz insanlarla ünsiyyətdən tamamən qurtulmaq mümkün deyil.
Yaşlı qohumlardan biri ilə mübahisə istisna deyil. Sinirlənməyin, emosiyalara qapılıb sərt sözlər deməyin.

Günün ikinci yarısında maliyyə itkisi, cərimə, cəza riski var.
Alış-veriş məsləhət deyil.

Axşam saatlarında başağrısı ola bilər.

Balıqlar - Əlverişli gündür. Köhnə dostlarla yanaşı, yeni tanışlar üçün ünsiyyət yaxşı alına bilər. Yaxın ətrafınızdakı insanlarda müsbət təəssürat yaradırsınız. İşlərin irəliləməsi üçün konkret problemləri sürətlə həll edin. Diqqət mərkəzində olacaqsınız.
İşgüzar məsələləri qeyri-formal ortamda müzakirə etmək olar.
Alış-veriş, istirahətlə bağlı ailə üzvləri ilə müzakirələr aparın.

Səfər və ya səyahətə hazırlaşa bilərsiniz.

Ölkə.Az

ŞƏRH YAZ
0

Məşhur ödəniş sistemləri “Facebook” kriptovalyutasını tərk ediblər

Məşhur ödəniş sistemləri “Facebook” kriptovalyutasını tərk ediblər
08:06
Bu gün
719
Maraqlı
A
"Visa", "MasterCard", "Stripe" və "Mercado Pago" ödəniş sistemləri, eləcə də "eBay" şirkəti oktyabrın 11-də "Facebook" sosial şəbəkəsinin kriptovalyuta layihəsinin idarəetməsini həyata keçirən "Libra" Assosiasiyasını tərk ediblər. Bu, "PayPal" ödəniş sistemi layihəni tərk etdikdən bir həftə sonra baş verib.

“Ölkə.Az” "ICTnews"a istinadən xəbər verir ki, məlumata görə, assosiasiyanı bu şirkətlər, eləcə də "PayPal" tərk etdikdən sonra layihə ABŞ-ın elektron ödənişlər sahəsində fəaliyyət göstərən tərəfdaşlarından tam məhrum olub. Nəticədə "Facebook" kriptovalyutası yerli bazara çıxışla bağlı problemlərlə üzləşə bilər.

Layihə iştirakçılarının sayının azalması ilə əlaqədar "Libra" Assosiasiyasının xarici siyasət üzrə rəhbəri Dante Disparte "Libra" missiyasının dəstəklənməsinə görə layihəni tərk edən bütün iştirakçılara minnətdarlığını bildirib.

Qeyd edək ki, iyunda "Facebook" şirkəti 2020-ci ildə dövriyyəyə "Libra" adlı kriptovalyuta buraxacağını açıqlayıb. Şirkət nümayəndələrinin sözlərinə görə, rəqəmli valyutanı köçürmək telefona mətnli məlumat göndərmək kimi sadə olacaq. Yeni valyuta blokçeyn texnologiyası – informasiya saxlayan qurğuları ümumi serverə qoşulmayan desentralizasiya olunmuş məlumat bazası əsasında işləyəcək.

Ölkə.Az

ŞƏRH YAZ
0

Dovşan doğan qadının ilginc sirri — Həkimləri və kralı biabır edən OLAY

Dovşan doğan qadının ilginc sirri
07:09
Bu gün
1150
Maraqlı
A
Meri Toft XVIII əsr dünya tarixində əcaib bir iz qoyub. O, dünyada ilk və sonuncu dovşan doğan qadındır.
İngiltərənin Surrey qraflığında kasıb kəndli qadın olan 25 yaşlı Meri üçüncü dəfə hamilə ikən qəribə davranışlar sərgiləyir.  Əvvəlcə o, qardaşı arvadı və ərindən yeməyə dovşan əti istəyir, sonra çölə qaçıb dovşan axtarır, daha sonra isə bütün hamiləliyi boyu yuxuda hər gecə dovşan gördüyünü deyir. Bir gün tarlada işləyən qadının açılışı olur və qadınlar onu qan içində, yerdə isə kiçik dovşana bənzər hissələr düşnüş şəkildə tapır. Qadın uşaq yox, dovşan doğmuşdu.
 
"Ölkə.Az" medicina.az-a istinadən xəbər verir ki, növbəti belə dovşan doğuşunu 1726-cı ildə qəkim Con Hovardın iştirakı ilə edir.O, bu dəfə də dovşan cəsədinin parçalarını "doğur”. Səhəri Masts gündəliyində "bədbəxt qadın uşaq əvəzinə dovşan doğdu” adlı məqalə bütün İngiltərəni şoka salır. Şayiələr daha da zənginləşdirilərək ölkə boyu yayıldı. Hansı ki, həkim hələ bunun necə baş verdiyini araşdırıb bitirməmişdi.
 
Bütün qonşu əyalətlərdə insanlar danışırdı ki, Meri hər gün bir dovşan doğur və 4 saat sonra bala ölür. Bu doğuşdan çox açılışa bənzəyirdi. 
 
Təbii ki, bu xəbərlər Londona, məşhur həkim və xəstəxanalara da çatırdı. Cərrah Nataniel Andre bu qeyri-adi qadını müayinə etmək üçün pzü ilə prins Uelskinin katibini də götürüb Merinin kəndinə gedir. Elə onların gəlişindən sonra xəbər gəlir ki, Meri yenə doğur.
 

 
15 dovşan doğuşu
 
Hər iki həkim  prosesi izləyir və bu dəfə sayca 15-ci olan bir dovşan balası hissəcikləri doğuş yollarından çıxır.  Həkim müayinədən sonra qərar verir ki, həqiqətən bu şokdur, qadın dovşana hamilə qalır və dovşan doğur. Burda heç bir aldatma yoxdur.
 
Növbəti doğuşda İngiltərə kralının şəxsi cərrahı Kiriak, İngiltərənin çox məşhur ginekoloqu  Riçard Maninqem da iştirak edir. Hər üçü  dovşan balası cəsədinin hissələrinin sancı ilə vaginadan xaric etdiyini görür. Hətta onu pişik balasına da bənzədiblər.
 
Krala məsələni bəyan edən həkimlər Merini tibdə nadir xəstə kimi qeyd edirlər. Amma Riçard Maninqem doğulan dovşan balasının göbək ciyəsi və plasentanın olmamasından şübhələnib, qadını müşahidə etmək və yalan gerçək olub-olmamasını dəqiqləşdirmək üçün Merini Londonda mehmanxanaya yerləşdirir. 
 
5 gün ərzində Meri bir dəfə də olsun dovşan "doğmur”. Onu həm həkimlər, həm personal güdürdü. Bir gecə xidmətçi Merinin kəndindən olan  bir kişinin torbada 2 ədəd bala dovşan gətirib, qadının otağına gizlicə keçirmək istədiyini görür. Beləliklə, dovşan doğan qadının sirri faş olur.
 
Sən demə, Meri dovşanları ya bölərək, ya da boğub uşaqlığına yeridib, sonradan yalançı sancı çəkirmiş kimi onları uşaqlıq yolundan çıxarırdı.  Qadının ilk dəfə niyə belə etməsinin dəqiq səbəbi bilinmir. Amma sonradan dovşan doğmağa davam etməsinin səbəbi kimi o məşhurlaşmaq, pul qazanmaq və qayğısız yaşamaq arzusunu göstərib. Belə ki, proses Merinin özünün də xoşuna gəlib və o bu işə aludə olub. Qadına bu işdə əri də kömək edib. 
 
Bu hadisədən sonra jurnalistlər Kral həkimlərini savadsızlıqlarına görə ələ salıb, təhqiredici məqalələr yazdılar. 
 
Həkimlər ictimaiyyətdən üzr istəyib, səhvlərini etiraf etdilər. 
 
Amma hələ də Merinin həqiqətən dovşan doğduğuna inanan əyalət əhalisi və dindarlar var idi. O dövrdə hesab edirdilər ki, hamilə qadın keçirdiyi hisslər, qorxu, dəhşətli yuxular səbəbindən insan yox, qəribə məxluq və heyvan doğa bilər. 
 
Meri Toftun məhkəmə prosesi də böyük hay-küy yaratmışdı. Kral adlı-sanlı həkimlərinin savadsızlığından və belə cəhalətə inanmasından qəzəblənmişdi. 
 
Merini dələduzluğunu etiraf etdikdən sonra həbs etdilər və 1 il sonra sakitcə buraxdılar. Onun dilindən iltizam aldılar ki, bir də belə hoqqa çıxarmayacaq, əks təqdirdə ailəsi ilə birgə sürgün olunacaq. Məhkəmə və kral bacardıqca bu məsələləri ört basdır etdilər ki, mətbuat və jurnalistlər sussun və biabırçılıq unudulsun.
 
Merinin həqiqətən dovşan doğduğuna inanan həkimlər isə peşələrindən məhrum edildilər və heç kim onlara müraciət etmədi. 
Meri  bu hadisədən sonra 1 qız uşağı da dünyaya gətirib və 62 yaşında ölüb. 
 

 
 
ŞƏRH YAZ
0
BAĞLA