Əks cins mənsubu ilə fikir ayrılığı istisna deyil — Günün qoroskopu

Əks cins mənsubu ilə fikir ayrılığı istisna deyil
07:56
13.06.2019
1900
Maraqlı
A
"Ölkə.Az" günün ulduz falını təqdim edir:

Qoç - Gün ümumən uğurlu olsa da, kiçik problemlər, anlaşılmazlıqlar və uğursuz təsadüflər əhvalınızı korlaya bilər. Nikbin olun, ruhdan düşməyin. Çətinliklər müvəqqətidir. İşsiz oturmayın, çalışın.
Maraqlandığınız işlə məşğul olun, real hədəfə çatmağa can atın. Ətalətli və tənbəl olmayın.

Passivlik səhhətinizə pis təsir edə bilər.
Əks cins mənsubu ilə fikir ayrılığı istisna deyil. Yaxın ətrafınızdakı insanlardan biri sizə təzyiq göstərməyə, mövqeyi ilə zorla razılaşdırmağa çalışır. Məsləhətlər verməyin. Yanınızdakı insanlar məsləhət dinləmək istəmirlər.

Axşam saatlarında istirahət edin.

Buğa - Aktiv çalışmaq üçün əlverişli gündür. Mənzil və ya ev almaq, kirayəyə götürmək fikriniz varsa, işi təxirə salmayın. Amma ilkin danışıqlarda sayıq olun. Maliyyə məsələlərində sadəlövhlük etməyin.
Etibarlı tərəfdaş və ya inandığınız insanla məsləhətləşin.

Səyahətə və ya səfərə yollanmaq, gərəkli əşyanı almaq olar.

Bütün addım və qərarlarınızda soyuqqanlı olun, məntiq çərçivəsində hərəkət edin
Yaxın ətrafınızdakı insanlar sizi soyuq, laqeyd, qaraqabaq insan saysalar da, eyb etməz.

Axşam saatlarında yaşam tempini bir qədər aşağı salın.

Əkizlər - Uğurlu gün olmayacaq. Lakin günün ikinci yarısına yaxın əlverişli imkanlar yaranacaq. Qarşınıza qoyduğunuz məqsədə çatmaq üçün şansdan yararlanın. Planları həyata keçirin və ya nüfuzlu insanı işinizlə maraqlandırın.
Səhhətinizə fikir verin. Qəza və ya travma riski var.

Günün ikinci yarısında aktiv olun, kiçik problemlər sizi qorxutmasın.
Məişət texnikasının sıradan çıxma təhlükəsi realdır. Kiçik, amma dəyərli əşyanı itirə bilərsiniz.

Xərçəng - Sadə gün deyil. Yeni işlərə başlamaq, layihəyə start vermək, müttəfiqlər axtarmaq üçün düşərli zaman deyil. Aktiv çalışın, uzun-uzadı istirahət etməyin.
İmiclə eksperimentlər etməyin. Allergik reaksiya riski var.

Əks cins mənsubu ilə ixtilaf yarana bilər. Alış-verişdə bədxərcliyə qapılmayın.
Axşam saatlarında kiçik səfərə, təbiət qoynuna yollanmaq olar.

Şir - Günün ilk yarısında əlverişsiz emosional fon var. Əhvalınız dəyişəcək. Yaxın ətrafınızdakı insanlarla dil tapmaq çətinləşir, fikirlərinizdəki qarışıqlığı aradan qaldırmaq müşkül məsələyə çevrilir.
Kiçik problemlər istisna deyil. Situasiyada ruhdan düşməyin, irəliyə doğru hərəkət edin.

Günün ikinci yarısı daha uğurludur. Yeni işlərə şövq və həvəslə başlasanız, tezliklə uğura nail ola bilərsiniz.
Axşam saatlarında dəvət aldığınız tədbirə qatılın. Dost məclisində və ya tədbirdə özünüzü əla hiss edəcəksiniz.

Qız - Günün ilk yarısı bilik, bacarıq və təcrübənin artırılması, yeni informasiya alınması, faydalı təcrübənin əxz olunması üçün əlverişlidir.

İntellektual potensialınız yüksəkdir. Ciddi problemləri həll etməyə, çətin suallara cavab aramağa çalışın.
Yaxın ətrafınızda olan insanlardan biri çətin vəziyyətə düşəndə məsləhət üçün sizə müraciət edəcək.

Günün ikinci yarısı diqqət, səliqə və konsentrasiya tələb edən işlər üçün yaxşıdır.
Hesablamalar aparmaq, büdcəni planlaşdırmaq, maliyyə məsələlərini çözməklə məşğul ola bilərsiniz.

Tərəzi - Bütün məqsədlər əlçatan təsir bağışlayır. Fəqət qüvvə və potensialınızı olduğundan artıq saymayın, çətin işləri təkbaşına həll etməyə çalışmayın. Yaxın ətrafınızdakı insanın təklif etdiyi yardımdan boyun qaçırmayın. Birgə iş və əməkdaşlıq daha effektivdir.
Sevdiyiniz insanla məşğul olduğunuz istənilən iş, münasibətləri möhkəmləndirəcək.

Günün ikinci yarısında xurafat qurbanı olaraq ciddi səhvə yol verməyin.
Yaxın ətrafınızdakı insanların məsləhətlərinə qulaq asmaq əvəzinə öz intuisiyanıza güvənin. Yaxınlarınızın xoşuna gəlməyəcək addımların atılması ehtimalı var.

Əqrəb - Gün ərzində yaşanan xoşagəlməz hadisələri soyuqqanlılıqla qarşılayın, stoik olun. Təmkin və səbr sayəsində çətin situasiyalardan çıxış yolu tapmaqla yanaşı, bunu bacara bilməyən insanlara da yardım edəcəksiniz.
Dostların və yaxınların məsləhətinə qulaq asın.

Xərclər olacaq və onların bəziləri məntiqi deyil.
İnsanlara həddən ziyadə inanmayın, işgüzar təmaslarda sayıq olun.

Alış-veriş məsləhət deyil.

Axşam saatlarında normal istirahət edin.

Oxatan - Günün ilk yarısı aktiv fəaliyyət, ruh yüksəkliyi və yeni ideyaların peyda olduğu zamandır. Dərhal uğur əldə edəcəyinizi düşünməyin. Lakin bu vaxt gördüyünüz işlərdə fayda var. Küsənləri barışdırın.
Ailədəki problemlərə vaxtında fikir versəniz, onları çözə bilərsiniz.

Alış-verişdə simiclik etməyin.

Günün ikinci yarısında yaşam tonusu səviyyəsi aşağı düşəcək.
Səhhətinizə fikir verin. Xroniki ağrıların kəskinləşməsi istisna deyil. Axşam saatlarına dost məclisi və ya romantik görüş təyin etməyin.

Təkbaşına qalanda, tənha dəqiqələr yaşayanda özünüzü daha yaxşı hiss edəcəksiniz.

Oğlaq - Gün ciddi problemlər vəd etməsə də, kiçik anlaşılmazlıqlar olacaq. Müşküllərə sakit yanaşın. Vaxtında qəbul edilmiş səhih qərar hər şeyi yoluna qoymağınıza imkan verəcək. Yaşlı qohumlarla fikir ayrılıqları, pula görə mübahisələr istisna deyil.
Yaxınlarınızla maliyyə məsələlərini müzakirə etmək istəməsəniz də, indi belə proses qaçılmazdır.

Günün ikinci yarısı çətin məsələlərin həlli üçün əlverişli zamandır. Enerjili və qətiyyətli olun.
Seçdiyiniz yolla getməyə sizə kimsə mane ola bilməyəcək. Nüfuzlu şəxsdən dəstək almaq, sizin üçün mühüm insanın rəğbətini qazanmaq şansı var.

Dolça - Günün ilk yarısında ehtiyatlı olun. Hər addımı yaxşı düşünün, hər qərarı götür-qoy edin. Gərəksiz əlaqə və təmaslara can atmayın. Şübhəli şəxslərlə iş görməyin. Yaramaz insanlarla ünsiyyətdən tamamən qurtulmaq mümkün deyil.
Yaşlı qohumlardan biri ilə mübahisə istisna deyil. Sinirlənməyin, emosiyalara qapılıb sərt sözlər deməyin.

Günün ikinci yarısında maliyyə itkisi, cərimə, cəza riski var.
Alış-veriş məsləhət deyil.

Axşam saatlarında başağrısı ola bilər.

Balıqlar - Əlverişli gündür. Köhnə dostlarla yanaşı, yeni tanışlar üçün ünsiyyət yaxşı alına bilər. Yaxın ətrafınızdakı insanlarda müsbət təəssürat yaradırsınız. İşlərin irəliləməsi üçün konkret problemləri sürətlə həll edin. Diqqət mərkəzində olacaqsınız.
İşgüzar məsələləri qeyri-formal ortamda müzakirə etmək olar.
Alış-veriş, istirahətlə bağlı ailə üzvləri ilə müzakirələr aparın.

Səfər və ya səyahətə hazırlaşa bilərsiniz.

Ölkə.Az

ŞƏRH YAZ
0

Bakının xilaskarı bu evdən ingilislərin gedişini izləyib — Nuru Paşanın Bakıdakı qərargahından - REPORTAJ

Bakının xilaskarı bu evdən ingilislərin gedişini izləyib
15:36
Bu gün
1563
Maraqlı
A
Bu gün Osmanlı ordusunun komandanı Nuru Paşanın (Nuri Killigil) rəhbərlik etdiyi Qafqaz İslam Ordusunun Bakını erməni-bolşevik işğalından azad etməsinin 101-ci ildönümüdür. 1918-ci il mayın 28-də elan edilən və müsəlman şərqinin ilk respublikası olan Azərbaycan Xalq Cümhuriyyətinin bir dövlət kimi yaranması və tarixə düşməsində, Bakının Azərbaycanın paytaxtına çevrilməsində Nuru Paşa və Qafqaz İslam Ordusunun xidmətləri əvəzsizdir. Hər il sentyabrın 15-i Bakı daxil olmaqla, indiki Azərbaycan ərazilərini işğaldan azad edən, azərbaycanlılara qarşı həyata keçirilən soyqırımının qarşısını alan, xalqın yaddaşında xilaskar kimi yaşatdığı Nuru Paşanın və Qafqaz İslam Ordusunun əsgər və zabitlərinin xatirəsi anılır. 2018-ci il avqust ayının əvvəllərindən sentyabrın 15-dək Bakı uğrunda gedən döyüşlərdə Qafqaz İslam Ordusu 1130-dək şəhid verib. Ümumilikdə isə 1918-ci il iyunun ortalarından sentyabrın 15-dək Azərbaycanın azadlığı uğrunda döyüşlərdə Qafqaz İslam Ordusunun dörd mindən çox əsgər və zabiti şəhid olub. Azərbaycanda müstəqil dövlətin qurulmasında müstəsna xidmətləri olan Qafqaz İslam Ordusunun komandanı Nuru Paşanın adı hər zaman Azərbaycan Xalq Cümhuriyyəti (AXC) ilə yanaşı çəkilir. Nuru paşa Cümhuriyyətin qurulmasında iştirak etməsə də, Bakının xilas edilməsində onun qədər qiymətli iz qoymağı bacardı. Azərbaycan xalqı onu hər zaman böyük xilaskar əsgər kimi xatırlayır. 1918-ci ilin avqust ayında Nuru Paşanın komandanlığı altında Qafqaz İslam Ordusu Bakıya daxil olanda ordu Abşeron rayonunun Qobu kəndində qərargah qurub. Bakının xilas edilməsi üçün Qafqaz İslam Ordusunun komandanı Nuru Paşa özünə qərargah kimi kənd sakini Kərbəlayi Qasımın evini seçib.

"Ölkə.Az" bildirir ki, oxu.az paşanın qərargah olaraq seçdiyi evdən reportaj hazırlayıb.

Kərbəlayi Qasımın nəvəsi Akif Qasımov baba evinin paşanın özü tərəfindən şəxsən seçildiyini bildirib:

“Qobu kəndi dəniz səviyyəsindən yüksəkdə yerləşir. Həmin ev strateji cəhətdən çox əlverişli idi. Çünki kəndin ən hündür və iki mərtəbəli evi olub. Demək olar ki, Bakını idarə etmək üçün bütün şərait var idi. Buradan Bakının hər yeri görünürdü.

Bakı sanki əsgərlərin ovuclarının içərisində idi. Babamgilin yaşadığı ev isə Nuru Paşaya lazım olan yerləri görmək üçün ən əlverişli yer idi. Paşa evin ikinci mərtəbəsindəki eyvanından ingilislərə nəzarət edirdi.

Onlara dəniz yolu ilə qaçmağa icazə verirdi. Şəxsən özü ingilislərin paroxodlarının bir-bir dəniz yolu ilə getməsinə, Bakının təmizlənməsinə şahidlik edirdi.

Ümumi olaraq əsas qüvvələr kənddəki dağın üstündə qurulmuşdu. Piyadalar isə Qasımçapandan (indiki Qurd qapısı) Bakıya girirdi. Paşa tam təmizlənmə bitdikdən sonra Bakıya və digər rayonlara daxil olub”.

Paşanın Qobuda ermənilər olmadığı üçün bu kəndi seçib:

“Cümhuriyyət əsgərləri, Bakı qoçuları Nuru Paşaya bütün işlərdə kömək ediblər”.

Müsahibimiz bildirir ki, Nuru Paşa və ordunun digər məmurları evin ikinci mərtəbəsində, babasıgil isə birinci mərtəbədə məskunlaşıb:

“Ordunun buraya yerləşməsi ən azı 20 gün çəkib. Onlar bu evdə olanda işıq əvəzinə çıraq yandırıblar. Amma paşa ingilislərdən yayınmaq üçün çox vaxt çıraq belə yandırmağa icazə vermirdi. Həmin vaxt əmimin həyat yoldaşı hamilə olub. Nuru Paşaya xanımlardan birinin hamilə olduğunu və uşağın dünyaya gələcəyini deyirlər. Paşa yandırmadığı çıraqlarından birini aşağı göndərir. Deyir ki, qoy, uşaq işığa gəlsin.

Paşanın bu hərəkəti babamı çox təəccübləndirir. Paşanın göndərdiyi çıraq sayəsində əmimqızı qaranlıq deyil, işıqlı dünyaya gəlir. Qeyd edim ki, həmişə əmimqızı Qızqayıta Nuri Paşanın çırağa gətirdiyi uşaq deyirdilər”.

Onun sözlərinə görə, hazırda həmin evdə qardaşı və əmisi yaşayır:

“Bir müddət öncə qardaşım evi təmir etmək istədi. Amma hər kəs evin söküldüyünü yazdı. Əslində, elə bir şey yox idi. Sadəcə, qardaşım baxımsız qalan evi təmir etmək istəyirdi. Demək, hər kəs bu evin nə qədər əhəmiyyətli olduğunu bilir”.

Evin arxasındakı tut ağacından Nuru Paşa və əsgərləri tut yeyib:

“Çünki onların kəndə gələndə tutun yetişən vaxtı olub”.

Nuru Paşa kənddə yerləşən hamamdan da istifadə edib:

“Kəndimizdəki hamam məşhur “O olmasın, bu olsun” filmindəki Məşədi İbadın getdiyi hamama  bənzəyir. Hər iki hamam eyni layihə əsasında hazırlanıb.

Nuru Paşa və əsgərləri kənddə olduqları müddətdə həmin hamamdan istifadə edib. Hamam 1995-ci ilə kimi fəaliyyətini davam etdirib. Amma indi baxımsız vəziyyətdədir”.

Akif Qasımov qeyd edib ki, babasından paşa və digər yüksək rütbəli məmurların istifadə etdiyi məişət əşyaları qalıb:

“Heç kəsin əlinə düşməsin deyə oğluma vermişəm. Çünki nəvələrim çoxdur. Qorxuram ki, əllərinə düşən kimi itsin”.  

Qeyd edək ki, Nuru Paşa və Qafqaz İslam Ordusunun əsgər və zabitləri Azərbaycanda təkcə ölkəmizi və onun paytaxtını işğaldan azad edən qəhrəmanlar kimi deyil, həm də Azərbaycan-Türkiyə qardaşlığının örnəyidirlər.

Ölkə.Az

ŞƏRH YAZ
0

Afətə min şükür - Koreyalı qız Röyanın mahnısını it gününə qoydu — VİDEO

Afətə min şükür - Koreyalı qız Röyanın mahnısını it gününə qoydu
13:30
Bu gün
2487
Maraqlı
A
Koreyalı müğənni Qod Ci Azərbaycanın əməkdar artostləri Röya Ayxan və Miri Yusifin "Səndən bir dənədir" hitini azərbaycanca ifa edib.

"Ölkə.Az" Sputnik Azərbaycan-a istinadən bildirir ki, müğənni bu mahnını özünün YouTube sosial şəbəkəsindəki səhifəsində yayıb. Müğənni bir müddət Azərbaycanda yaşayıb və təhsil alıb. O, burada Azərbaycan dilini də öyrənməyə nail olub.

Koreyaya qayıdan qız orada koreyalılar üçün Azərbaycan mahnılarını ifa etmək qərarına gəlib. Qızın Azərbaycandan olan izləyiciləri onun ifasından zövq alıblar.

Qod Cinin ifasında bu mahnını 70 mindən çox YouTube izləyicisi dinləyib.

Xatırladaq ki, bu kompozisiya 2016-cı ildə dinləyicilərə təqdim edilib. Mahnının sözlərini Miri Yusif yazıb, musiqisini isə Kamil Əhmədbəyli və Tural Əliyev bəstələyib.

Müqayisə üçün kompozisiyanın orijinal versiyasını da azərbaycanlı müğənnilərin ifasında təqdim edirik.

Qeyd edək ki, Miri Yusif və Röyanın ifasında bu mahnının rəsmən yayımlanmış versiyasını 19,5 milyon izləyici dinləyib.

Ölkə.Az

ŞƏRH YAZ
0
BAĞLA