"Əks təqdirdə Ermənistan rəhbərliyi deyil, həm də həmsədr dövlətlər məsuliyyət daşımalı olacaqlar" — İqbal Məmmədov

18:00
06.08.2019
5039
Siyasət
A
"Beynəlxalq aləm, ilk növbədə Qarabağ münaqişəsinin danışıqlar yolu ilə tənzimlənməsində vasitəçilik missiyasını həyata keçirən ATƏT-in Minsk qrupu həmsədr ölkələri Ermənistanın baş naziri Nikol Paşinyanın Xankəndində səsləndirdiyi bəyanata sərt reaksiya verməli və sanksiya tətbiq etmək istiqamətində konkret addımlar atmalıdırlar".

Bunu “Ölkə.Az”a açıqlamasında millət vəkili İqbal Məmmədov deyib.

Onun sözlərinə görə,  Ermənistan rəhbərliyi bu bəyanatı ilə bir daha Qarabağ münaqişəsinin danışıqlar yolu ilə həllində maraqlı olmadığını ortaya qoydu. “Ola bilsin ki, Paşinyanın Xankəndində səsləndirdiyi bəyanat daxili auditoriyaya, siyasi hakimiyyət uğrunda gedən savaşlara hesablanmışdı. Ancaq istənilən halda bu, bir ölkə rəhbərinə yaraşmayan məsuliyyətsiz bəyanat olmaqla yanaşı, beynəlxalq hüququn prinsiplərinə hörmətsizlik idi. Bu, bir daha Ermənistanın işğalçılıq siyasətini, eyni zamanda  Qarabağ məsələsinin danışıqlar yolu ilə həllində maraqlı olmadığımı ortaya qoydu. 

Bütün beynəlxalq ictimaiyyət işğal olunmuş Dağlıq Qarabağ və ətraf bölgələrimiz də daxil olmaqla, Azərbaycanın beynəlxalq tanınmış sərhədləri çərçivəsində suverenliyi və ərazi bütövlüyünü tanıyır. Ölkəmizin ərazi bütövlüyünə birmənalı dəstək istər, BMT TŞ-nin müvafiq qətnamələri, digər beynəlxalq təşkilatların qərar və qətnamələrində, istərsə də ikitərəfli əsasda qəbul edilmiş çoxsaylı sənədlərdə öz əksini tapıb.

Paşinyan bu bəyanatı ilə münaqişənin danışıqlar yolu ilə həllini alt-üst etdi. Yəni Ermənistan tərəfi davamlı olaraq belə bəyanatlar səsləndirməklə Azərbaycan tərəfinə  məsələnin sülh yolu ilə həllinə alternativ  buraxmır”- deputat qeyd edib.  

İ.Məmmədov bildirib ki,  ATƏT-in Minsk qrupu həmsədr ölkələri Paşinyanın bu bəyanatına sərt reaksiya verməli və onun bu hərəkətini qınamaqla bərabər, onun işğalçılıq siyasətindən əl çəkməsi üçün konkret addımlar atmalıdır: “Əks təqdirdə qarşı tərəfin bu məsuliyyətsiz bəyanatları və hərəkətlərinə görə məsuliyyəti təkcə Ermənistan rəhbərliyi deyil, eyni zamanda ATƏT MQ həmsədr ölkələri də daşımalı və bölüşməli olacaqlar. Çünki Azərbaycan tərəfi işğal faktı ilə razılaşmayacaq. Baxmayaraq ki, Azərbaycan münaqişənin danışıqlar yolu ilə həllinə tərəfdardır və bunu davamlı olaraq bəyan edib. Lakin Ermənistan tərəfinin münaqişənin həllində sərgilədiyi bu cür destruktiv fəaliyyəti problemin danışıqlar yolu ilə həllini məhdudlaşdırır və aradan qaldırır. Daha doğrusu məsələnin sülh yolu ilə həllinə alternativ yeri qoymur. Azərbaycanın Ali Baş Komandanı da  dəfələrlə bəyan edib ki, işğal faktı ilə barışmayacağıq,  hansı yolla olur-olsun, biz torpaqlarımızı işğaldan azad edəcəyik və bir qarış torpağımızın işğal altında qalmasına imkan verməyəcəyik”. 

Millət vəkili hesab edir ki, ona görə də ATƏT MQ həmsədrləri və beynəlxalq aləm vəziyyətin nəzarətdən çıxmadan həllinə nail olmalıdır: “Ermənistan işğalçı dövlət kimi tanınaraq işğalçılıq siyasətindən əl çəkməsi üçün ona qarşı təzyiqlər edilməli, sanksiyalar tətbiq edilməlidir. Əks təqdirdə bölgədə yenidən  müharibənin alovlanması ehtimalı qaçılmaz olacaq. Müharibənin alovlanması təkcə bölgə üçün deyil, ümumiyyətlə, dünya üçün böyük təhlükə ocağına  çevirmiş olacaq. Çünki Paşinyan yürütdüyü siyasət Ermənistanı Azərbaycanla genişmiqyaslı müharibəyə  xidmət edir. Ona görə də beynəlxalq təşkilatlar, dünyanın aparıcı ölkələri, xüsusən də ATƏT MQ həmsədr ölkələri olan ABŞ, Rusiya və Fransa Ermənistanın bu işğalçılıq siyasətindən geri çəkilməsi üçün ciddi addımlar atmalıdır. Əgər Ermənistan işğalçılıq siyasətindən geri çəkilməzsə, bölgədə müharibənin alovlanması bu gün də olmazsa, günün birində baş verəcək. Bundan isə heç bir ölkə qazanmayacaq”.

Azərbaycanın işğal olunmuş ərazilərində pan-erməni oyunlarının keçirilməsinə gəldikdə isə deputat deyib ki, bu da beynəlxalq hüquqa zidd və danışıqlar prosesini pozmağa yönəlik hərəkətdir: “Niyyəti həqiqətən inkişaf və tərəqqi olan bir ölkənin rəhbərliyi təcavüzkar siyasət arxasında gizlənərək növbəti 30 ili hədəfləyən xəyali məqsədlər güdməz, əksinə, mövcud vəziyyəti qiymətləndirərək, beynəlxalq hüquqa hörmət əsasında qonşu ölkələrlə münasibətləri normallaşdıraraq daha real nəticələr əldə etməyə hədəflənər”.

Deputat onu da əlavə edib ki, ermənilər nə qədər istəsə də, dedikləri niyyətə nail ola bilməyəcək. “Azərbaycandan fərqli olaraq Ermənistanın uğurlar əldə etməsi və yaxud turizm potensialını inkişaf  etdirməsi  üçün istənilən resursa, imkana  malik deyil. Çünki Ermənistan yürütdüyü  işğalçılıq siyasəti ilə özünü bu çətin duruma salıb. Üzləşdiyi dərin böhrandan çıxmaq istəsələr də, buna nail ola bilmirlər. İşğalçılıq siyasətinin Ermənistan üzləşdiyi bu çətin duruma salmasını istər Paşinyan, istərsə də sabiq prezident Robert Köçəryanın bu günlərdə erməni mediasına verdiyi müsahibələrdə açıqca bəyan ediblər. Onlar özləri dolayısı və birbaşa Ermənistanı sabahı olmayan ölkə kimi qeyd ediblər”- İ.Məmmədov bildirib.

Mürtəza
Ölkə.Az

ŞƏRH YAZ
0

Zelenski Azərbaycana səfər edəcək

Zelenski Azərbaycana səfər edəcək
02:50
Bu gün
222
Siyasət
A
Dünən Kiyev şəhərində GUAM-a üzv ölkələrin hökumət başçılarının görüşü çərçivəsində Azərbaycanın Baş Nazirinin müavini Əli Əhmədovla Ukraynanın Baş Naziri Aleksey Qonçaruk arasında görüş keçirilib.

"Ölkə.Az" Nazirlər Kabinetinin mətbuat xidmətinə istinadən xəbər verir ki, görüşdə ikitərəfli münasibətlərin inkişaf perspektivləri, beynəlxalq təşkilatlar, o cümlədən GUAM çərçivəsində əməkdaşlıq məsələləri müzakirə edilib.

Ukrayna Prezidenti Vladimir Zelenskinin Azərbaycana planlaşdırılan rəsmi səfərinə toxunan A.Qonçaruk bildirib ki, bu səfər iki ölkə arasında əməkdaşlığın inkişafında yeni mərhələ olacaq. Bu gün Azərbaycan və Ukrayna arasında bütün sahələrdə əməkdaşlığın yüksək templə inkişaf etdiyini vurğulayan Baş Nazir iqtisadi əlaqələrin daha da artacağına inamını ifadə edib.

Azərbaycan-Ukrayna iqtisadi-ticarət əlaqələrinə və əməkdaşlığın genişləndirilməsi imkanlarına dair qarşılıqlı fikir mübadiləsinin aparıldığı görüşdə Baş Nazirin müavini Ə.Əhmədov bildirib ki, ölkələrimiz arasında siyasi, iqtisadi və digər sahələrdə əməkdaşlıq inkişaf edir, beynəlxalq təşkilatlar çərçivəsində səmərəli əməkdaşlıq davam edir. Qeyd olunub ki, Azərbaycan-Ukrayna əlaqələri iqtisadiyyatın müxtəlif sahələrini əhatə edir, qarşılıqlı investisiya qoyuluşları həyata keçirilir, ticarət dövriyyəsinin həcmində müsbət artım dinamikası müşahidə olunur.

Görüşdə Azərbaycanın Ukraynadakı səfiri Azər Xudiyev də iştirak edib.

Ölkə.Az

ŞƏRH YAZ
0

ABŞ Senatı "erməni soyqırımı" layihəsini qəbul etdi — Vəziyyət yenidən gərginləşir

ABŞ Senatı
01:07
Bu gün
340
Siyasət
A
ABŞ Senatı qondarma erməni soyqırımı adlı qətnamə layihəsini qəbul edib.

"Ölkə.Az" baku.ws-ə xəbər verir ki, qətnaməni demokrat senator Robert Menendez və respublikaçı senator Ted Kruz təqdim ediblər.

Qanun layihəsi ilə bağlı Senatın Baş Məclisində keçirilən iclasda iştirak edən senatorlardan etiraz edən olmayıb.

Qeyd edək ki, bundan əvvəl respublikaçı senatorlar Lindsey Graham və daha sonra David Perdue səsvermənin qarşısını almışdılar.

Oktyabrın 29-da isə Nümayəndələr Palatasının Baş Məclisi 11 senator əleyhinə, 405-i isə lehinə səs verməklə 1915-ci il hadisələrini “soyqırımı” kimi tanıyan qətnamə qəbul etmişdi.

Bildirilib ki, bütün bunlardan sonra qətnamə layihəsi ABŞ Prezidenti Donald Trampa təqdim ediləcək.

Onu da xatırladaq ki, Türkiyə Prezidenti Rəcəb Tayyib Ərdoğan Vaşinqtona səfəri zamanı Nümayəndələr Palatası tərəfindən Osmanlı İmperiyasındakı "erməni soyqırımı"nın tanınmasının Türkiyə-Amerika münasibətlərinə kölgə saldığını bildirmişdi.

Ölkə.Az

ŞƏRH YAZ
0
BAĞLA