Ekspert: "Radikal müxalifətçilərin daha bir cəhdi fiaskoya uğradı"

Ekspert:
20:29
31.01.2019
2865
Analitika
A
Yanvarın 19-da keçmiş "Məhsul" stadionunda keçirilən mitinqə guya on minlərlə insanın gəldiyini iddia edən radikal müxalifət qruplarının 12 gündən sonra Məmməd Əmin Rəsuızadə kimi tarixi şəxsiyyətin abidəsi önünə cəmi 200-300 adam çıxarda bilməsi müəyyən suallar doğurur.

"Ölkə.Az" bunu trend-ə açıqlamasında "Bakı xəbər" qəzetinin baş redaktoru, siyasi ekspert Aydın Quliyev deyib.

O bildirib ki, "Məhsul" meydanına toplaşdığı iddia edilən o "on minlərlə" insanın M.Ə.Rəsulzadənin abidəsi önünə gəlməməsi bir çox həqiqətləri ortaya qoyur: "Bəs həmin insanlar Məhəmməd Əmin Rəsulzadənin anım mərasimində niyə görünmədi? "Milli Şura", Müsavat, AXCP, AXP və sair kimi gurultulu adlar altında təqdim olunan radikalların sosial bazası budurmu? Yanvarın 19-da dünyaya car çəkdilər ki, hökumət qüvvələri guya mane olmasaydı, meydana daha böyük kütlələr cəlb olunacaqdı. Abidənin ziyarət yerində çox az sayda polis işçilərinin olması növbəti sualı ortaya qoyur: bu dəfə o "milyonlar"ın abidə önünə gəlişinə kim və nə mane oldu? Bu da faktdır ki, neçə gündür radikalların sosial şəbəkə fəallarının abidənin önünə yürüşlə bağlı çağırışlarının nəticəsi sadəcə fiaskodan ibarət oldu".

A.Quliyev qeyd edib ki, son "abidə tədbiri"nin ən uğursuz görüntülərindən biri özlərini bütün hallarda ən aparıcı lider kimi tanıtmaq istəyənlərin tədbir yerinə hər birinin beş-on nəfərlə gəlməsidir: "Başqa müstəvilərdə gen-bol danışılan "xalqın dəstəyi" kimi iddialar deyilən miskin görüntülərin qarşısında tam ifşa olunur. Radikalların real sosial baza baxımından belə miskin və zəif görünməsi əvvəldən məlum idi və Azərbaycanın indiki vəziyyətində radikal müxalifətin kütləvi sosial bazaya söykənə bilməsinin mümkünsüzlüyünü bütün realist və obyektiv dairələr qeyd ediblər".

Ekspert bildirib ki, maraqlı tərəflərdən biri də radikalların Məhəmməd Əmin Rəsulzadə kimi istiqlalçı tarixi şəxsiyyətlərimizin böyük xatirəsini və irsini siyasi məqsədlərin icra üsuluna çevirməsi və nəticədə böyük şəxsiyyətin adına uyğun olmayan anım tədbiri keçirməsidir:

"Bu fakt təsdiqləyir ki, Azərbaycanın istiqlal tarixinin simvollarının siyasi inhisara alınması cəhdlərinin heç bir perspektivi yoxdur. Onu da nəzərə alaq ki, Azərbaycanın istiqlal tarixinin ayrı-ayrı simvol və hadisələrinin əbədiləşdirilməsində hakimiyyət xüsusilə son dövrlərdə ardıcıl tədbirlər həyata keçirib, Prezident İlham Əliyev 2018-ci ili "Azərbaycan Xalq Cümhuriyyəti ili" elan edib və bu siyasət artıq sistemli dövlət siyasəti halını alıb. Bu halda cəmiyyətdə haqlı suallar yaranır ki, istiqlalçı şəxsiyyətlərin xatirəsi ilə bağlı dövlət yüksək səviyyədə mühüm tədbirlər keçirdiyi halda, radikal siyasi dairələrin bu iddiasının kökü nədir? Radikal dairələr uyğun olmayan belə zəif tədbirlərlə əslində Məhəmməd Əmin Rəsulzadənin böyük adını kölgə altına salmış olurlar".

A.Quliyev vurğulayıb ki, maraqlı olan başqa bir nüans da var. Radikallar Prezidentin illərdən bəri həyata keçirdiyi sosial müdafiə tədbirlərini də özlərinin son vaxtlar göstərmək istədikləri fəalıq cəhdlərinin nəticəsi kimi təqdim etməyə çalışırlar: "Guya onların ardınca gedən "on minlərlə" kütlənin "təzyiqi və qorxusu" altında hökumət geniş sosial müdafiə tədbirləri həyata keçirir. Halbuki yanvarın 19-dakı aksiyaya qədər Prezident minlərlə məcburi köçkün və şəhid ailəsini mənzil, maşın, birdəfəlik yardım və sairlə təmin etmişdi. Radikallarin 2-3 min iştirakçısı olan aksiyasından asılı olmayaraq tədbirlər davam etdirilir. Digər tərəfdən, abidə önünə gəlmiş 200-300 nəfərlik dəstə hansı sosial sifarişin və ya sosial tələbatın daşıyıcısı sayıla bilər?".

Ekspert bildirib ki, M.Ə.Rəsulzadənin abidəsi önündəki tədbir radikal cərəyanlar və dəstələrin Azərbaycan mühitində perspektivsiz olduğunu və cəmiyyətin bu cərəyanlardan mümkün qədər uzaq dayanmaq istədiyini bir daha göstərdi: "Bu hadisə Şəhidlər xiyabanını siyasiləşdirmək cəhdinin uğursuz olmasından sonra radikalların daha bir ümummilli simvolu siyasiləşdirmək cəhdinin fiaskosu kimi qəbul edilə bilər".

Ölkə.Az

ŞƏRH YAZ
0

“Bəzi qüvvələrin məqsədi Azərbaycanı emosional addımlara sövq etməkdir” — Ekspert Keşikçidağ məsələsindən danışdı

“Bəzi qüvvələrin məqsədi Azərbaycanı emosional addımlara sövq etməkdir”
12:25
16.07.2019
26001
Analitika
A
Son dövrlərdə Cənubi Qafqaz bölgəsində gesosiyasi proseslər yeni bir mərhələnin astanasına qədəm qoyub. Bölgədə marağı olan beynəlxalq güclərin bölgə uğrunda mübarizəsi açıq formada özünü biruzə verməkdədir. Gürcüstanda baş verən olaylar bunun bariz göstəricisidir. Hətta bəzi qüvvələr yaranmış situasiyadan faydalanaraq Gürcüstandakı daxili qüvvələrin rolundan istifadə edərək Azərbaycanla münasibətlərin korlanmasına cəhd edirlər. Bu qüvvələr müxtəlif xarakterli təxribatlara əl atmaqla iki ölkə və xalq arasında münasibətlərin gərginləşdirilməsinə çalışırlar. Bu istiqamətdə son bir neçə ayda davamlı olaraq bir sıra təxribatlar həyata keçirməkdədirlər. Növbəti təxribat isə iki gün öncə Azərbaycan sərhədləri daxilində yerləşən “Keşikçidag” məbədində sərhədçilərimizə qarşı baş verdi. Ancaq Azərbaycan tərəfi təmkinlilik və ayıqlılıq nümayiş etdirərək təxribatçıların təxribatına uymadı.

Rəsmi Tiflis əvvəlki hadisələrdən fərqli olaraq bu dəfə tez reaksiya verərək hadisəni pislədi. Rəsmi Bakı isə diplomatik kanallar vasitəsi ilə öz etirazını çatdırdı.

Bölgədə yaranmış durumla bağlı ekspert  Zaur İbrahimliyə müraciət etdik.

 “Ölkə.Az”a açıqlamasında bölgədə baş verən prosesləri dəyərləndirən Z. İbrahimli deyib ki, Azərbaycan  geosiyasi tələyə düşməkdən qaçmalıdır.
“Azərbaycan sərhədçisi ilə bağlı insidenti müzakirə edərkən aşağıdakı məqamlar və ümumi kontekst də mütləq nəzərə alınmalıdır: Birincisi, hazırda Gürcüstanda daxili siyasi mühit gərgin olaraq qalır və bu ölkənin qeyri-rəsmi rəhbəri Bidzina İvanişvilinin mövqelərini getdikcə zəiflədir. Rusiyalı deputatlarla bağlı etirazlara laqeyd qala bilməyən Moskva eyni zamanda İvanişvilinin də çox zərbə almasında maraqlı deyil. Məhz buna görə Tbilisiyə qarşı iqtisadi sanksiyalar tətbiq edilmədi. Bu vəziyyətdə prezident Zurabaşvili də daxil olmaqla İvanişvili komandasını xilas etmək, həm də öz simasını saxlamaq Kremlin əsas vəzifələrindən sayılır. Bunun ən yaxşı üsullarından biri daxili siyasi diskursu dəyişmək, ictimai diqqəti, vətəndaşları siyasi gündəlikdən yayındırmaqdır. Həmçinin İvanişvili komandasına xal qazandırmaqdır. Bunun ən optimal yolu isə Keşikçidağ məsələləsini yenidən aktuallaşdırmaqdır.

İkincisi, Bakıda Azərbaycan-Türkiyə-Gürcüstan üçtərəfli görüşü dünən baş tutub. Üçtərəfli formatda görüşlər, hərbi təlimlər Rusiya tərəfindən ABŞ və NATO-nun layihəsi kimi nəzərdən keçirilir. Tbilisinin Türkiyə və Azərbaycanla hərbi-siyasi müstəvidə əməkdaşlığı dərinləşdirməkdən çəkindirmək də Rusiyanın Cənubi Qafqazda əsas geosiyasi ev tapşırıqlarından biridir. Azərbaycanla ərazi mübahisələrinin qabardılması Türkiyə ilə münasibətləri də zərbə altında qoyacaq. Bir az əvvəl isə Rusiya TV-ləri Batumi və və digər turist zonalarının guya türklər tərəfindən alınaraq zəbt edilməsi barədə intensiv təbliğat aparırdılar”, - ekspert qeyd edib.

O, əlavə edib ki, Gürcüstanla bağlı proseslər iyunun binici yarısında bu ölkənin baş naziri Mamuka Baxtadzenin ABŞ-a səfərindən sonra başladı: 
“ABŞ rəsmiləri faktiki olaraq Tblisidən Anakliya limanının tikintisini dəstəkləməyi ultimativ şəkildə tələb etdilər. Bundan sonra hökumət bəyan etdi ki, limanın tikilıməsi ilə bağlı konsorsiuma maliyyə öhdəliklərinin icrası ilə əlaqədar güzəşt edəcək. Halbuki, az əvvəl konsorsiumla müqavilənin pozulması gündəliyə gəlmişdi. Rusiya XİN rəsmisi Karasin isə bildirmişdi ki, ABŞ bütün qırmızı xəttləri keçir. Çünki Vaşinqtonda açıq bəyan etmişdilər ki, Tblisinin NATO yolunu açmağa çalışırlar. Bu hadisələrin ardından Gürcüstanda daxili siyasi proseslər gərginləşdi və İvanaşvili iqtidarı üçün real təhdidlər yaranıb. İndi Moskvanın əsas vəzifəsi 4 ilə əvvəl Moldovoda olduğu kimi İvanişvilini qorumaq və zaman udmaqdır. Bunun da əsa yolu milli hissləri körükləmək, “xarici düşmənə qarşı birləşmək” zərurəti yaratmaqdır. 

Burada digər əsas məqamlardan biri də  İvanaşvilinin hər zaman əsas vəzifəsi Gürcüstan-Azərbaycan əlaqələrində strateji inkişafı tormozlamaq, müəyyən həddə qədər durdurmaq olub. Azərbaycandan enerji daşıyıcılarının ixracından tutmuş, tranizt razılaşmaları və digər məsələlərdə hər zaman mövcud konsensusu pozmaq, maksimalist mövqe tutulması da bu yanaşmanın təzahürüdür”.

Ekspertin fikrincə, Azərbaycan təmkinini qorumalıdır: 

“Topxana hadisələri ilə bağlı müqayisə aparmaq olar, amma indi fərqli zamandır, şərtlər fərqlidir. Bu məsələdə hökumətdən çox cəmiyyətimiz, diasporamız fəal olmalıdır. Amma qurulan tələyə düşməmək şərtilə. Yuxarıda qeyd etdiyim səbəblərdən emosiylara yol vermək olmaz. Bu addımların əsas məqsədi məhz Azərbaycanı emosional addımlara sövq etməkdir. Bütün strategiya buna hesablanıb. Diqqətli, təmkinli, müdrik və fəal olmağımız gərəkir”.

 Mürtəza
Ölkə.Az

ŞƏRH YAZ
0

Biznes dünyasında SOCAR Azərbaycan ilə assosiasiya olunur — Aleksey Kalaçevin şərhi

Biznes dünyasında SOCAR Azərbaycan ilə assosiasiya olunur
10:39
15.07.2019
5660
Analitika
A
Dünya brendlərinə çevrilmiş milli şirkətlər, məhsulun istehlakçıları olan şirkətlər və vətəndaşlar üşün ölkənin siması deməkdir.

 “Ölkə.Az” xəbər verir ki, bunu Media.Az-la söhbətində Rusiyanın “FİNAM İnvestisiya holdinqi” Səhmdar Şirkətinin analitik-eksperti Aleksey Kalaçev deyib.
Onun sözlərinə əsasən, məhsula və brendə olan xoş münasibət əsasən ölkənin nümayəndələrinə də şamil edilir:

“”Qazprom” bir çoxları üçün Rusiyanı, “Microsoft” və “Apple” ABŞ-ı, “Mercedes” Almaniyanı, “Mitsubishi” Yaponiyanı ifadə edir və SOCAR da biznes dünyasında Azərbaycanla assosiasiya olunur. Bunun məqsəd olmasından asılı olmayaraq, bu assosiasiya şirkətin imicinə, ölkənin obrazına təsir edir”.
Müsahibimiz qeyd edir ki, idman və mədəni tədbirlərin sponsorluğu hazırda şirkət imicinin əhəmiyyətli bir hissəsidir. Bunu öz növbəsində şirkətin dünya arenasında nüfuzunun artmasına xidmət edən “yumşaq güc” də adlandırmaq olar.

“Bundan başqa, qeyd etmək istəyirəm ki, bu gün inkişaf edən dünyada müasir iqtisadiyyat biznesin sosial funksiyasına daha böyük önəm verir. Keyfiyyətli məhsul təklif etmək azdır, effektiv və gəlirli olmaq kifayət etmir, biznesin cəmiyyətə təqdim etdiyi xoş niyyətləri və faydanı nümayiş etdirmək lazımdır”, - deyə Aleksey Kalaçev qeyd edib.

Ölkə.Az

 

ŞƏRH YAZ
0
BAĞLA